Ağdam Rayon Məhkəməsi Qətnamə — İş №2(013)-693/2024

Azərbaycan Respublikası adından QƏTNAMƏ Ağdam rayonu İş № 2(013)-693/2024 17.04.2024 AĞDAM RAYON MƏHKƏMƏSİ Hakim Niftəliyev Mahir Şamil oğlunun sədrliyi, Əliyev Anar İsmayıl oğlunun katibliyi, Ərizəçi iştirakı ilə, Ərizəçi ölümün qeyd edilməsi faktının müəyyən edilməsi barədə mülki işə 17 aprel 2024-cü ildə Ağdam rayonunun Quzanlı qəsəbəsində məhkəmənin binasında açıq məhkəmə iclasında baxaraq, m ü ə y y ə n e t d i: Ərizəçi rayon məhkəməsinə ünvanladığı ərizəsində mərhum anası – xx.xx.1931-ci il təvəllüdlü X2 xx.xx.2004-cü ildə Ağdam rayonunun Çəmənli kəndində ölməsi faktının müəyyən olunması barədə qətnamə çıxarılmasını xahiş etmişdir. Ərizəçi qismində məhkəmədə izahat verən Ərizəçi ərizəni müdafiə edərək bildirmişdir ki, anası Güllər Qasımova xx.xx.1931-ci ildə anadan olmuş və xx.xx.2004-cü ildə Ağdam rayonunun Çəmənli kəndində xəstəlikdən vəfat etmişdir. X12 kənd qəbristanlığında dəfn edilmişdir. Anasının ölüm haqqında şəhadətnaməsini almaq üçün aidiyyəti orqanlara müraciət etmiş, ona məhkəməyə müraciət etməsi izah edilmişdir. G.Ə.Qasımovanın ölüm haqqında şəhadətnaməsini almaq üçün faktın müəyyən edilməsi zərurəti yarandığını qeyd etməklə ərizənin təmin olunmasını xahiş etmişdir. Maraqlı şəxs Ağdam Rayon Qeydiyyat Şöbəsinin nümayəndəsinə məhkəmə iclasının keçirilməsinin vaxtı və yeri barədə lazımi qaydada məlumat verilməsinə baxmayaraq, o, məlum olmayan səbəblərdən gəlməmişdir. Məhkəmə Azərbaycan Respublikasının Mülki Prosessual Məcəlləsinin 185-ci maddəsinə əsasən işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Şahid qismində məhkəmədə izahat verən X3 ana nənəsi Güllər Qasımovanın xx.xx.2004-cü ildə Ağdam rayonunun Çəmənli kəndində xəstəlikdən vəfat etdiyini və həmin kəndin qəbristanlığında dəfn olunduğunu bildirmişdir. Şahid qismində dindirilmiş X5 ata nənəsi Güllər Qasımovanın xx.xx.2004-cü ildə Ağdam rayonunun Çəmənli kəndində xəstəlikdən vəfat etdiyini və həmin kəndin qəbristanlığında dəfn olunduğunu bildirmişdir. Məhkəmədə elan olunmuş Ağdam Rayon Qeydiyyat Şöbəsinin xx.xx.2024-cü il tarixli 101-05/15 saylı arayışından görünür ki, Ərizəçi anası G.Ə.Qasımovanın ölümünə əsas verən zəruri sənədlər təqdim olunmadığından ölümün qeydə alınması birbaşa səlahiyyətləri olmadığını izah edərək məhkəməyə müraciət etməsi tövsiyyə olunmuşdur. Pasportun kserosurətindən görünür ki, X6 xx.xx.1931-ci ildə Ağdam rayonunda anadan olmuşdur. İJ № 383812 saylı doğum haqqında şəhadətnamənin surətindən görünür ki, Ərizəçi anası G.Ə.Qasımovadır. İİİ JQ 253339 saylı şəhadətnamənin surətindən görünür ki, X4 xx.xx.1982-ci ildə X1 ərə getdikdən sonra Abdullayeva soyadını götürmüşdür. Məhkəmə araşdırılmış sübutlara obyektiv qiymət verərək belə hesab edir ki, ərizə əsaslı olduğundan təmin edilməlidir. Məhkəmə baxışında müəyyən olunmuşdur ki, Ərizəçi anası - xx.xx.1931-ci il təvəllüdlü X6 xx.xx.2004-cü ildə Ağdam rayonunun Çəmənli kəndində xəstəlikdən vəfat etmiş və Ağdam rayonunun Çəmənli kənd qəbristanlığında dəfn olunmuşdur. Faktın təsdiqi ölüm haqqında şəhadətnamə almaq üçün zəruri olduğundan, Ərizəçi hazırki ərizə ilə məhkəməyə müraciət etmək məcburiyyətində qalmışdır. Azərbaycan Respublikasının Mülki Prosessual Məcəlləsinin 307.2.3-cü maddəsinə əsasən məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsinə dair işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki,ərizəçi həmin faktları təsdiq edən lazımi sənədləri başqa qaydada ala bilməsin,yaxud itirilmiş sənədlərin bərpası mümkün olmasın. Yuxarıdakılara əsasən, Azərbaycan Respublikasının Mülki Prosessual Məcəlləsinin 216-220, 227, 233, 357-ci maddələrini rəhbər tutaraq, məhkəmə q ə t e t d i: Ərizə əsaslı olduğundan təmin edilsin. xx.xx.1931-ci il təvəllüdlü X2 xx.xx.2004-cü ildə Ağdam rayonunun Çəmənli kəndində xəstəlikdən ölməsi faktı müəyyən edilsin. Qətnamədən onun rəsmi qaydada verildiyi gündən bir ay müddətində Ağdam Rayon Məhkəməsi vasitəsi ilə Gəncə Apelyasiya Məhkəməsinə apelyasiya şikayəti verilə bilər. Qətnamə müşavirə otağında kompüterdə hazırlanmışdır. Sədrlik edən Mahir Niftəliyev