Ağdaş Rayon Məhkəməsi Qətnamə — İş №2(014)-1009/2020

Azərbaycan Respublikası adından QƏTNAMƏ Ağdaş rayonu İş № 2(014)-1009/2020 30.07.2020 AĞDAŞ RAYON MƏHKƏMƏSİ F.Nəsibovun sədrliyi U.Mustafayevanın katibliyi Ərizəçi iştirakı ilə Ərizəçi maraqlı şəxs Ağdaş rayon Qeydiyyat şöbəsinə qarşı Ölüm faktının müəyyən edilməsi haqqında ərizəsinə dair mülki işə açıq məhkəmə iclasında baxaraq, MÜƏYYƏN ETDİ: Ərizəçi ərizə ilə məhkəməyə müraciət edərək, övladı X1 xx xxxxxx 1990-cı ildə Ağdaş rayonu, Ərəbşəki kəndində ölməsi faktının müəyyən edilməsinə dair qətnamə çıxarılmasını xahiş etmişdir. Ərizəçi məhkəmə iclasında ərizəsini müdafiə edərək bildirdi ki, övladı X4 xx xxxxxx 1990-cı ildə Ağdaş rayonunda anadan olmuşdur. Övladı X4 qəflətən xx xxxxxx 1990-cı ildə Ağdaş rayonu, Ərəbşəki kəndində vəfat etmişdir. Mərhum övladı X2 Ağdaş rayonu, Ərəbşəki kənd qəbirstanlığında dəfn etmişlər. Lakin mərhum övladı X3 müəyyən səbəblərdən ölüm şəhadətnaməsi alınmamışdır. Hazırda övladının ölmünü təsdiq edən sənədləri başqa formada əldə etmək mümkün olmadığından ölüm şəhadətnaməsini almaq mümkün deyildir. Ona görə də mərhum övladının ölümünün qeyd edilmə faktının məhkəmə qaydasında müəyyən edilməsi zəruridir. Odur ki, ərizəsinin təmin edilməsi haqqında qətnamə çıxarılmasını xahiş edir. Məhkəmə iclasının vaxtı və yeri haqqında lazımi qaydada xəbərdar edilməsinə baxmayaraq məhkəmə iclasına gəlmədiyi və səbəbi barədə məlumat vermədiyi üçün məhkəmə Azərbaycan Respublikası MPM-nin 185.6-cı maddəsinə əsaslanaraq iş üzrə maraqlı şəxs Ağdaş rayon Qeydiyyat şöbəsinin nümayəndəsinin iştirakı olmadan işə baxılmasını mümkün hesab etmişdir. Məhkəmə ərizəçinin izahatını, şahid ifadəsini dinləyib, iş materiallarını araşdıraraq hesab edir ki, aşağıdakı əsaslara görə ərizə təmin edilməlidir. İş üzrə şahid Sakit İbrahimov məhkəmə iclasında ifadə verərək, Ərizəçi övladı X1 xx xxxxxx 1990-cı ildə Ağdaş rayonu, Ərəbşəki kəndində ölməsini və Ağdaş rayonu,Ərəbşəki kənd qəbirstanlığında dəfn edilməsini təsdiq etdi. İş üzrə şahid Elçin Novruzov məhkəmə iclasında ifadə verərək, Ərizəçi övladı X1 xx xxxxxx 1990-cı ildə Ağdaş rayonu, Ərəbşəki kəndində ölməsini və Ağdaş rayonu, Ərəbşəki kənd qəbirstanlığında dəfn edilməsini təsdiq etdi. İş materialları ilə müəyyən edilir ki, X4 xx xxxxxx 1990-cı ildə Ağdaş rayonunda anadan olmuşdur, Ərizəçi X1 atasıdır. X4 xx xxxxxx 1990-cı ildə Ağdaş rayonu, Ərəbşəki kəndində ölmüşdür. X2 Ağdaş rayonu, Ərəbşəki kənd qəbirstanlıqda dəfn etmişlər. X3 müəyyən səbəblərdən ölüm şəhadətnaməsi alınmamışdır. Azərbaycan Respublikası Mülki Prosessual Məcəlləsinin 307.1-ci maddəsinə əsasən məhkəmə fiziki şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.3-cü maddəsinə əsasən məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsinə dair işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Ailə Məcəlləsinin 193.1-ci maddəsinə əsasən ölümün qeydə alınması ölmüş şəxsin yaşamış olduğu yerdə və ya ölümün baş verdiyi yerdə aparılır. Həmin Məcəllənin 193.2-ci maddəsinə əsasən ölüm faktının müəyyən edilməsi haqqında və ya vətəndaşın ölmüş elan edilməsi haqqında məhkəmənin qətnaməsi üzrə ölümün qeydə alınması qətnamə çıxarmış məhkəmənin olduğu yerdə aparılır. Qeyd olunanlara əsaslanaraq və Azərbaycan Respublikası Mülki Prosessual Məcəlləsinin 216-220-ci maddələrini rəhbər tutaraq, məhkəmə QƏT ETDİ: Ərizə təmin edilsin. xx xxxxxx 1990-cı ildə Ağdaş rayonu, Ərəbşəki kəndində anadan olmuş X1 xx xxxxxx 1990-cı ildə Ağdaş rayonu, Ərəbşəki kəndində ölməsi faktı müəyyən edilsin. Qətnamə rəsmi qaydada verildiyi gündən bir ay müddətində Şəki Apellyasiya Məhkəməsinə Ağdaş Rayon Məhkəməsi vasitəsilə apellyasiya şikayəti verilə bilər. Məhkəmə qətnaməsindən şikayət verilməmişdirsə, qəbul edildiyi gündən bir ay keçdikdən sonra qanuni qüvvəyə minir. Qətnamə qanuni qüvvəyə mindikdən sonra icra edilir. Sədrlik edən: Famil Nəsibov.