Ağdaş Rayon Məhkəməsi Qərardad — İş №2(014)-1250/2020

Azərbaycan Respublikası adından QƏRARDAD Ağdaş rayonu İş № 2(014)-1250/2020 27.07.2020 AĞDAŞ RAYON MƏHKƏMƏSİ Ağdaş rаyоn Məhkəməsinin hаkimi Əliyev Nizam Mübariz oğlu, Ərizəçi maraqlı orqan Ağdaş Rayon Qeydiyyat şöbəsinə qarşı ölümün qeyd edilmə faktının müəyyən edilməsinə dair ərizəsini və ona əlavə edilən sənədləri nəzərdən kеçirərək, MÜƏYYƏN ЕTDİ : Ərizəçi maraqlı orqan Ağdaş Rayon Qeydiyyat şöbəsinə qarşı ölümün qeyd edilmə faktının müəyyən edilməsinə dair ilə ərizə ilə məhkəməyə müraciət edərək, mərhum atası X1 xx xxxxxx 2018-ci ildə ölməsi faktının müəyyən edilməsi barədə qətnamə çıxarılmasını xahiş etmişdir. Məhkəmə ərizəni və ona əlavə edilmiş sənədləri nəzərdən keçirərək hesab edir ki, ərizə geri qaytarılmalıdır. Belə ki, ərizəçi ərizənin giriş hissəsini “ölümün qeyd edilmə faktının” müəyyən edilməsi barədə ərizə adlandırsa da, nəticə hissəsində “ölüməsi faktının” müəyyən edilməsini xahiş etmişdir. Hər iki hal mahiyyət etibarı ilə ayrı nəticələrə səbəb olduğundan və sübut predmeti fərqli olduğundan ərizəçinin xahişi dəqiq deyil. AR MPM-nin 307.1-ci maddəsinə əsasən Məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. AR MPM-nin 307.2.8.-ci maddəsinə əsasən müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktını müəyyən edir. AR MPM-nin 307.2.3-cü maddəsinə əsasən doğumun, övladlığa götürmənin, nikahın, boşanmanın, ölümün qeyd edilmə faktını müəyyən edir. AR MPM-nin 306.1-ci maddəsinə əsasən Məhkəmələr tərəfindən xüsusi icraat işlərinə, bu Məcəllənin 30-40-6-cı fəsillərində müəyyən edilmiş xüsusiyyətlərlə, iddia icraatı qaydasında baxılır. AR MPM-nin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Buna görə də məhkəmə hesab edir ki, ərizənin bu məcəllə ilə müəyyən edilmiş forma və məzmununa riayət edilmədiyindən ərizə geri qaytarılmalıdır. Şərh оlunаnlаrа əsаsən və Аzərbаycаn Rеspublikаsı MPM-nin 152.1.1, 268-269-cu mаddələrini rəhbər tutаrаq, QƏRАRА АLDİ: Ərizəçi maraqlı orqan Ağdaş Rayon Qeydiyyat şöbəsinə qarşı ölümün qeyd edilmə faktının müəyyən edilməsi tələbinə dair ərizəsi geri qaytarılsın. Qərаrdаddаn 10 gün müddətində Ağdaş rаyоn Məhkəməsinə şikаyət vеrilə bilər. HАKİM: NİZAM ƏLİYEV