Ağsu Rayon Məhkəməsi Qətnamə — İş №2(016)-790/2025

Azərbaycan Respublikası adından QƏTNAMƏ Ağsu rayonu İş № 2(016)-790/2025 23.07.2025 AĞSU RAYON MƏHKƏMƏSİ Hakim Əsgərov Anar Əlifağa oğlunun sədrliyi, Əzizov Nemət Qamət oğlunun katibliyi, Ərizəçi iştirakı ilə, Ərizəçi Maraqlı şəxsnə qarşı “ölüm faktının müəyyən edilməsi” tələbinə dair mülki işə açıq məhkəmə iclasında baxaraq, məhkəmə müəyyən etdi. Təsviri hissə: İşin halları: Ərizəçi məhkəməyə ərizə ilə müraciət edərək, xx.xx.1991-ci il təvəllüdlü X1 xx.xx.1991-ci ildə ölməsi faktının müəyyən edilməsini xahiş etmişdir. Ərizəçinin əsaslandırması: Ərizəçi tələbini onunla əsaslandırmışdır ki, onun oğlu X2 xx.xx.1991-ci ildə anadan olub, xx.xx.1991-ci ildə vəfat edib. Övladının ölüm faktı “Ağsu Rayon Mərkəzi Xəstəxanası”nın təqdim etdiyi xx.xx.2024-cü il tarixli, 18-1-25/2-11-9xx-xx-1498/2024 saylı arayışında əks olunmuşdur. O, Ağsu rayonu ərazisində “Şeyx Dursun” adlanan qəbirstanlığında dəfn edilib. İndiyə qədər ona ölüm haqqında şəhadətnamə almamışlar. Uzun müddət ailə vəziyyəti və səhhəti ilə əlaqədar hüquqi sənədlərlə bağlı məsələlərin nə yerdə olmasından xəbərsiz olmuşdur. Bu yaxınlarda bilmişdir ki, övladı X1 ölüm faktı hüquqi qaydada qeydə alınmayıb. Gələcəkdə ailəsi ilə bağlı sənədləşdirmə işlərinin həyata keçirilməsi üçün məhkəmə qaydasında övladının ölüm faktının müəyyən olunması zəruridir. İşdə iştirak edən şəxslərin izahatları: Ərizəçi ərizənin məzmunu ilə eyni məzmunlu izahat verərək ərizənin təmin olunmasını xahiş etdi. Maraqlı şəxs məhkəmə iclasının vaxtı və yeri barədə lazımı qaydada xəbərdar edilməsinə baxmayaraq, məhkəməyə gəlməmiş və gəlməməsinin səbəbi barəsində məlumat verməmişdir. Maraqlı şəxsin məhkəmə iclasına gəlməməsinin səbəbləri barəsində məlumat olmadığından, məhkəmə Azərbaycan Respublikası Mülki Prosessual Məcəlləsinin (bundan sonra mətndə - MPM) 185.5-ci maddəsinə əsasən, işə maraqlı şəxsin iştirakı olmadan baxılmasını mümkün hesab etmişdir. Əsaslandırıcı hissə: Məhkəmə ərizəçinin izahatını və şahid ifadələrini dinləyib, iş materiallarını araşdıraraq hesab edir ki, ərizə təmin edilməlidir. Bu, aşağıdakı səbəblərdən irəli gəlir. İş materiallarında olan və məhkəmə iclasında tədqiq edilmiş: - “Ağsu Rayon Mərkəzi Xəstəxanası” publik hüquqi şəxsi tərəfindən Ərizəçi verilmiş xx.xx.2024-cü il tarixli arayışdan görünür ki, onun övladı, xx.xx.1991-ci il təvəllüdlü X2 xx.xx.1991-ci ildə vəfat etmiş, onun adına “Ağsu RMX” PHŞ-də ölüm haqqında tibbi şəhadətnamə verilməmişdir. - Maraqlı şəxs tərəfindən Ərizəçi ünvanlanan xx.xx.2024-cü il tarixli məktubdan görünür ki, övladı X1 ölümü haqqında məlumatın müəyyən edilməsi məqsədilə Maraqlı şəxs arxiv məlumatlarına və “Vətəndaşlıq vəziyyəti aktları” avtomatlaşdırılmış qeydiyyat informasiya sisteminə xx.xx.2024-cü ilədək daxil edilmiş bütün vətəndaşlıq vəziyyəti aktları üzrə yoxlama aparılmış və ölüm haqqında akt qeydi aşkar olunmamışdır. - xx.xx.2025-ci il tarixdə Ərizəçi, Şahid2, X4, X3 və Kifayət Nuralıyevin iştirakları ilə tərtib edilmiş aktdan görünür ki, Ərizəçi övladı xx.xx.1991-ci il təvəllüdlü X2 xx.xx.1991-ci ildə vəfat etmiş və Ağsu şəhər “Şeyx Dursun” qəbirstanlığında dəfn edilmişdir. Şahid2 məhkəmə iclasında verdiyi ifadəsində göstərdi ki, Ərizəçi onun bacısıdır. Uşaq qəfil xəstələnmiş, müalicə alsa da, faydası olmamış, vəfat etmişdir. Ağsu şəhər “Şeyx Dursun” qəbirstanlığında dəfn edilmişdir. Yas mərasimində iştirak etmişdir. Şahid X4 məhkəmə iclasında verdiyi ifadəsində göstərdi ki, Ərizəçi bacısıdır. X2 1991-ci il yanvar ayında doğulmuş, mart ayında qəflətən vəfat etmişdir. Ağsu şəhər “Şeyx Dursun” qəbirstanlığında dəfn edilmişdir. Yas mərasimində iştirak etmişdir. Beləliklə, ərizəçinin izahatı, şahid ifadələri və işin digər materialları ilə X1 xx.xx.1991ci il tarixdə ölməsi tam sübuta yetirilir. Azərbaycan Respublikası Nazirlər Kabinetinin 145 saylı, 31 oktyabr 2003-cü il tarixli Qərarı ilə təsdiq edilmiş “Vətəndaşlıq vəziyyəti aktlarının qeydiyyatı qaydası”nın 8.5-ci bəndinə əsasən, ölüm faktı tibb müəssisəsinin müvafiq sənədi ilə (ölüm haqqında həkim arayışı, ölüm haqqında feldşer arayışı ilə) təsdiq edilməlidir. Ölüm faktını təsdiq edən sənəd ölüm haqqında akt qeydlərinin ikinci nüsxəsinə əlavə olunmalı və onun üzərində qeydlərin nömrəsi, ölümün qeydiyyat tarixi yazılmalıdır. Ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. Göründüyü kimi, ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. MPM-in 307.1-ci maddəsinə əsasən, məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Məhkəmə hesab edir ki, ölüm faktının müəyyən edilməsinin sənədləşmə işlərinin aparılması üçün hüquqi əhəmiyyəti olduğundan, lakin ərizəçi göstərilən faktı təsdiq edən lazımi sənədləri başqa qaydada əldə edə bilmədiyindən, MPM-in 308-ci maddəsinə əsasən, mövcud ərizə ilə məhkəməyə müraciət etməkdə haqlıdır. MPM-in 308-ci maddəsinə əsasən, məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin. Məhkəmə iş üzrə təqdim edilmiş sübutları məcmu halında qiymətləndirərək hesab edir ki, X1 ölüm faktının müəyyən edilməsi sənədləşmə işlərinin aparılması üçün vacib olduğundan, ərizəçi oğlunun ölümünü təsdiq edən lazımi sənədləri başqa qaydada əldə edə bilmədiyindən, habelə X1 xx.xx.1991-ci il tarixdə ölməsi ərizəçinin izahatı, şahid ifadələri və işin digər mötəbər dəlilləri ilə sübuta yetirildiyindən, ərizə əsaslıdır. Nəticə hissəsi: Yuxarıda göstərilənlərə və MPM-in 216-220-ci maddələrinə əsasən, məhkəmə qət etdi: Ərizə təmin edilsin. xx.xx.1991-ci il təvəllüdlü X1 xx.xx.1991-ci il tarixdə Ağsu şəhərində ölməsinə dair hüquqi əhəmiyyəti olan fakt müəyyən edilsin. Qətnamə rəsmi qaydada verildiyi gündən 1 (bir) ay müddətində Ağsu Rayon Məhkəməsi vasitəsi ilə (Elektron Məhkəmə İnformasiya Sistemində yaradılmış Elektron Kabinetdən istifadə edilməklə) Şəki Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Sədrlik edən Anar Əsgərov