Ağcabədi Rayon Məhkəməsi Qətnamə — İş №2(017)-1196/2023

Azərbaycan Respublikası adından QƏTNAMƏ Ağcabədi rayonu İş № 2(017)-1196/2023 23.06.2023 AĞCABƏDİ RAYON MƏHKƏMƏSİ Ağcabədi Rayon Məhkəməsi hakim Quliyev Etibar Bəhrəm oğlunun sədrliyi, məhkəmə iclasının katibi X6 və Ərizəçi iştirakı ilə Ərizəçi “hüquqi əhəmiyyətli faktın müəyyən edilməsinə” dair iddia ərizəsi üzrə mülki işə məhkəmənin binasında açıq məhkəmə iclasında baxaraq müəyyən etdi: Ərizəçi “hüquqi əhəmiyyətli faktının müəyyən edilməsinə” dair ərizə ilə məhkəməyə müraciət etmişdir. Məhkəmə iclasında Ərizəçi ərizəsini müdafiə etdi və izahatında göstərdi ki, atası X5 ilə anası X1 nikahlarından 4 uşaq, o cümlədən xx.xx.1987-ci il tarixdə X2 doğulmuşdur. X2 xx.xx.1987-ci il tarixdə uşaq ikən vəfat etmiş, kənd qəbiristanlığında dəfn olunmuşdur. Valideynləri - atası X5 xx.xx.2022-ci il tarixdə, anası - X3 isə xx.xx.2020-ci il tarixdə vəfat etmişlər. Qardaşının ölümü qeydə alınmadığına görə müəyyən sənədləşmə işlərini apara bilmir. Qeydiyyat şöbəsinə müraciət etmiş, lakin həkim arayışı olmadığına görə ona ölüm haqqında şəhadətnamə verilməmişdir. Ona görə də xx.xx.1987-ci il tarixdə Ağcabədi rayonunun Kəbirli kəndində anadan olmuş X4 xx.xx.1987-ci il tarixdə Ağcabədi rayonunun Kəbirli kəndində ölməsi faktının müəyyən edilməsinə dair qətnamə çıxarılmasını xahiş etdi. Maraqlı şəxsnə məhkəmə iclasının yeri və vaxtı barədə məlumat verilməsinə baxmayaraq nümayəndəsi məhkəmə iclasına gəlməmişdir. Məhkəmə Azərbaycan Respublikası MPM-nin 185.5-ci maddəsinə əsasən Maraqlı şəxs nümayəndəsinin iştirakı olmadan işə baxılmasını mümkün hesab etmişdir. Məhkəmə iclasında şahid X7 ifadəsində göstərdi ki, Ərizəçi və onun ailəsini yaxından tanıyır, yaxın qohumdurlar. X5 ilə X1 nikahlarından 4 uşaq, o cümlədən xx.xx.1987-ci il tarixdə X9 doğulmuşdur. X9 xx.xx.1987-ci il tarixdə uşaq ikən vəfat etmiş, kənd qəbiristanlığında dəfn olunmuşdur. X5 xx.xx.2022-ci il tarixdə, X3 isə xx.xx.2020-ci il tarixdə vəfat etmişlər. Məhkəmə ərizəçinin izahatını, şahidin ifadəsini dinləyib, iş materiallarını araşdırıb hesab edir ki, ərizə əsaslı olduğundan təmin edilməlidir. Belə ki, iş materiallarına əlavə olunmuş arayışdan görünür ki, X9 xx.xx.1987-ci il tarixdə Ağcabədi rayonunun Kəbirli kəndində doğulmuşdur. Bu barədə xx.xx.1987-ci il tarixdə Ağcabədi rayon yeni Qaradolaq kənd İƏD-si üzrə nümayəndəliyində 61 nömrəli doğum haqqında akt qeydi tərtib olunmuşdur. İş materiallarına əlavə olunmuş Ağcabədi rayon İHB-nın Kəbirli kənd İƏD-si üzrə nümayəndəliyinin təsdiq etdiyi xx.xx.2023-cü il tarixli 29 nömrəli arayışdan görünür ki, xx.xx.1987-ci il tarixdə anadan olmuş X9 xx.xx.1987-ci il tarixdə vəfat etmiş, Ağcabədi rayonunun Kəbirli kənd qəbiristanlığında dəfn olunmuşdur. İş materiallarına əlavə olunmuş Ağcabədi rayonu Qeydiyyat şöbəsi tərəfindən verilmiş xx.xx.2023-cü il tarixli məktubdan görünür ki, ölüm haqqında tibbi sənəd təqdim edilmədiyinə görə X4 ölümünün Maraqlı şəxsndə qeydə alınması mümkün olmamışdır. Azərbaycan Respublikası Nazirlər Kabinetinin 2003-cü il 31 oktyabr tarixli 145 nömrəli qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı qaydası”nın 8.5-ci maddəsinə əsasən ölüm faktı tibb müəssisəsinin müvafiq sənədi ilə (ölüm haqqında həkim arayışı, ölüm haqqında feldşer arayışı ilə) təsdiq edilməlidir. Ölüm faktını təsdiq edən sənəd ölüm haqqında akt qeydlərinin ikinci nüsxəsinə əlavə olunmalı və onun üzərində qeydlərin nömrəsi, ölümün qeydiyyat tarixi yazılmalıdır. Ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. Azərbaycan Respublikası Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktların müəyyən edilməsinə dair işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Beləliklə, məhkəmə iclasında müəyyən edildi ki, xx.xx.1987-ci il tarixdə Ağcabədi rayonunun Kəbirli kəndində anadan olmuş X9 xx.xx.1987-ci il tarixdə Ağcabədi rayonunun Kəbirli kəndində vəfat etmiş və Ağcabədi rayonunun Kəbirli kənd qəbiristanlığında dəfn edilmişdir. Məhkəmə hesab edir ki, xx.xx.1987-ci il tarixdə Ağcabədi rayonunun Kəbirli kəndində anadan olmuş X4 xx.xx.1987-ci il tarixdə Ağcabədi rayonunun Kəbirli kəndində ölməsi barədə hüquqi əhəmiyyəti olan fakt müəyyən edilməlidir. Qeyd olunanlara əsasən və Azərbaycan Respublikası Mülki Prosessual Məcəlləsinin 216-220, 307, 307.2, 307.2.3, 311 və 360-cı maddələrini rəhbər tutaraq, məhkəmə qət etdi: Ərizə təmin edilsin. xx.xx.1987-ci il tarixdə Ağcabədi rayonunun Kəbirli kəndində anadan olmuş X4 xx.xx.1987-ci il tarixdə Ağcabədi rayonunun Kəbirli kəndində ölməsi barədə hüquqi əhəmiyyəti olan fakt müəyyən edilsin. Qətnamədən rəsmi qaydada verildiyi gündən bir ay müddətində Ağcabədi Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Hakim Etibar Quliyev