Ağcabədi Rayon Məhkəməsi Qətnamə — İş №2(017)-331/2024

Azərbaycan Respublikası adından QƏTNAMƏ Ağcabədi rayonu İş № 2(017)-331/2024 19.04.2024 AĞCABƏDİ RAYON MƏHKƏMƏSİ Hakim Nuriyev Rəşad Mövsüm oğlunun sədrliyi, Məhkəmə iclasının katibi X1, İddiaçı, Cavabdeh iştirakı ilə İddiaçı Cavabdeh qarşı pul tələbinə dair mülki işə açıq məhkəmə iclasında baxaraq, məhkəmə M ü ə y y ə n e t d i: İddiaçı Cavabdeh qarşı 12500 manat pul tələbinə dair məhkəmədə iddia qaldırmışdır. Məhkəmə baxışı zamanı İddiaçı məhkəməyə ərizə təqdim edərək izahatında göstərdi ki, Cavabdeh ilə aralarında borc pul məsələsi vardır və ona görə də Cavabdeh qarşı 12500 manat pul tələbinə dair məhkəmədə iddia qaldırmışdır. Hazırda Cavabdeh ilə ona 10000 manat ödəməsi barədə öz aralarında razılaşmışlar. Göstərdiklərini nəzərə alaraq Cavabdeh 10000 manat pulun alınaraq ona verilməsinə dair qətnamə çıxarılmasını məhkəmədən xahiş etdi. Məhkəmə baxışı zamanı Cavabdeh məhkəməyə ərizə təqdim edib iddianı etiraf edərək izahatında göstərdi ki, İddiaçı ona qarşı pul tələbinə dair məhkəmədə iddia qaldırmışdır. Hazırda İddiaçı 10000 manat ödəməsi barədə öz aralarında razılaşmışlar. Lakin, hazırda həmin pulu ödəməyə maddi imkanı yoxdur və həmin pulu banka olan kreditini ödəyib qurtardıqdan sonra hissə-hissə iddiaçıya ödəyəcəkdir. Ona görə də iddianı həmin məbləğdə qəbul edir və bu barədə qətnamə çıxarılmasına heç bir etirazı yoxdur. Məhkəmə iddiaçının və cavabdehin izahatlarını dinləyib, işə əlavə edilmiş sənədləri tədqiq edib belə hesab edir ki, iddia aşağıda göstərilən qaydada təmin edilməlidir. Belə ki, Azərbaycan Respublikası Mülki Prosessual Məcəlləsinin 191.3-cü maddəsinin tələbinə görə cavabdeh tərəfindən iddia etiraf edildikdə və bu, məhkəmə tərəfindən təsdiq edildikdə, məhkəmə iddiaçının irəli sürdüyü tələblərin təmin olunması barədə qətnamə çıxarır. Məhkəmə baxışı zamanı Cavabdeh iddianı etiraf etdiyindən və bu etiraf məhkəmə tərəfindən təsdiq olunduğundan iddiaçının irəli sürdüyü tələbin təmin olunması barədə qətnamə çıxarılmalıdır. Beləliklə, məhkəmə hesab edir ki, iddia təmin edilərək Cavabdeh 10000 manat pul alınaraq İddiaçı verilməlidir. İşdə olan 27 dekabr 2023-cü il tarixli qəbzdən görünür ki, İddiaçı 128 manat dövlət rüsumu ödəmişdir. Azərbaycan Respublikasının Mülki Prosessual Məcəlləsinin 119.1-ci maddəsinin tələbinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Göstərilən maddənin tələbinə uyğun olaraq məhkəmə hesab edir ki, iş üzrə 128 manat dövlət rüsumu iddiaçı tərəfindən ödənildiyindən həmin məbləğ də cavabdehə aid edilməlidir. Yuxarıda şərh olunanlara əsasən və Azərbaycan Respublikasının Mülki Prosessual Məcəlləsinin 216-220, 227, 233 və 360-cı maddələrini rəhbər tutaraq məhkəmə, Qətetdi: İddia təmin edilsin. Cavabdeh 10000 manat pul və ödənilmiş 128 manat dövlət rüsumu, cəmi 10128 (on min bir yüz iyirmi səkkiz) manat alınaraq İddiaçı verilsin. Qətnamədən bir ay müddətində Ağcabədi Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti vermək olar. Hakim: Rəşad Nuriyev