Ağcabədi Rayon Məhkəməsi Qətnamə — İş №2(017)-3368/2025

Azərbaycan Respublikası adından QƏTNAMƏ Ağcabədi rayonu İş № 2(017)-3368/2025 20.02.2026 AĞCABƏDİ RAYON MƏHKƏMƏSİ Ağcabədi Rayon Məhkəməsi hakim Quliyev Etibar Bəhrəm oğlunun sədrliyi, məhkəmə iclasının katibi Paşayev Şamxal Yəhya oğlunun katibliyi, Ərizəçi iştirakı ilə, Ərizəçi “hüquqi əhəmiyyətli faktın müəyyən edilməsinə” dair iddia ərizəsi üzrə mülki işə məhkəmənin binasında açıq məhkəmə iclasında baxaraq müəyyən etdi: Ərizəçi “hüquqi əhəmiyyətli faktının müəyyən edilməsinə” dair ərizə ilə məhkəməyə müraciət etmişdir. Məhkəmə iclasında Ərizəçi ərizəsini müdafiə edərək göstərdi ki, X5 ilə 1983-cü ildə nikaha daxil olmaqla ailə qurmuş, onların nikahlarından xx.xx.1984-cü il tarixdə X4 adlı uşaqları anadan olmuşdur. xx.xx.1993-cü il tarixdə X4 xəstəlikdən vəfat etmiş, Ağcabədi rayon Yuxarı Qiyamadınlı kənd qəbiristanlığında dəfn olunmuşdur. Ölüm qeydə alınmadığına görə müəyyən sənədləşmə işlərini aparmaq mümkün olmamışdır. Qeydiyyat şöbəsinə müraciət etmiş, lakin həkim arayışı olmadığına görə ona qızının ölümü haqqında şəhadətnamə verilməmişdir. Ona görə də xx.xx.1984-cü il tarixdə anadan olmuş X2 xx.xx.1993-cü il tarixdə Ağcabədi rayonunun Yuxarı Qiyamadınlı kəndində ölməsi faktının müəyyən edilməsinə dair qətnamə çıxarılmasını xahiş etdi. Məhkəmə iclasında şahid X5 ifadəsində göstərdi ki, Ərizəçi onun əridir. Onların evliliyindən doğulmuş qızları Mətanət xx.xx.1993-cü il tarixdə xəstəlikdən vəfat etmiş, Ağcabədi rayonunun Yuxarı Qiyamadınlı kənd qəbiristanlığında dəfn olunmuşdur. Məhkəmə iclasının yeri və vaxtı barədə lazımi qaydada xəbərdar edilmiş maraqlı şəxs Ağcabədi regional “Asan xidmət” mərkəzində Qeydiyyat şöbəsinin nümayəndəsi məhkəmə iclasına gəlməmişdir. Məhkəmə maraqlı şəxsin nümayəndəsinin iştirakı olmadan işə baxılmasını mümkün hesab etmişdir. Məhkəmə ərizəçinin izahatını, şahidin ifadəsini dinləyib, iş materiallarını araşdırıb hesab edir ki, ərizə əsaslı olduğundan təmin edilməlidir. Belə ki, iş materiallarına əlavə olunmuş doğum haqqında xx.xx.2025-ci il tarixli arayışın surətindən görünür ki, X4 xx.xx.1984-cü il tarixdə Ağcabədi rayonunda doğulmuşdur. Bu barədə doğum haqqında akt qeydləri kitabında xx.xx.1984-cü il tarixdə 047 nömrə ilə qeyd edilmişdir. Atası Ərizəçi, anası X1 qeyd edilmişdir. İş materiallarına əlavə olunmuş Ağcabədi RİHB-nın Yuxarı Qiyaməddinli kənd İƏD-si üzrə nümayəndəliyin təsdiq etdiyi xx.xx.2025-ci il tarixli aktdan görünür ki, Ərizəçi X3 nikahlarından xx.xx.1984-cü il tarixdə X4 adlı uşaqları doğulmuş, xx.xx.1993-cü il tarixdə vəfat etmiş və Yuxarı Qiyaməddinli kənd qəbiristanlığında dəfn olunmuşdur. İş materiallarına əlavə olunmuş İİİ-jq 261904 nömrəli nikahın bağlanması haqqında şəhadətnamənin surətindən görünür ki, Ərizəçi ilə X5 xx.xx.1983-cü il tarixdə nikaha daxil olmuşlar. İş materiallarına əlavə olunmuş Ağcabədi regional “Asan xidmət” mərkəzində Qeydiyyat şöbəsinin verdiyi xx.xx.2025-ci il tarixli məktubdan görünür ki, ölüm haqqında tibbi sənəd olmadığına görə X2 ölümünün Qeydiyyat şöbəsində qeydə alınması mümkün olmamışdır. Azərbaycan Respublikası Nazirlər Kabinetinin 2003-cü il 31 oktyabr tarixli 145 nömrəli qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı qaydası”nın 8.5-ci maddəsinə əsasən ölüm faktı tibb müəssisəsinin müvafiq sənədi ilə (ölüm haqqında həkim arayışı, ölüm haqqında feldşer arayışı ilə) təsdiq edilməlidir. Ölüm faktını təsdiq edən sənəd ölüm haqqında akt qeydlərinin ikinci nüsxəsinə əlavə olunmalı və onun üzərində qeydlərin nömrəsi, ölümün qeydiyyat tarixi yazılmalıdır. Ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. Azərbaycan Respublikası Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktların müəyyən edilməsinə dair işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Beləliklə, məhkəmə iclasında müəyyən edildi ki, xx.xx.1984-cü il tarixdə Ağcabədi rayonunun Yuxarı Qiyamadınlı kəndində doğulmuş X4 xx.xx.1993-cü il tarixdə Ağcabədi rayonunun Yuxarı Qiyamadınlı kəndində vəfat etmiş və həmin kəndin qəbiristanlığında dəfn edilmişdir. Məhkəmə hesab edir ki, xx.xx.1984-cü il tarixdə Ağcabədi rayonunun Yuxarı Qiyamadınlı kəndində doğulmuş X2 xx.xx.1993-cü il tarixdə Ağcabədi rayonunun Yuxarı Qiyamadınlı kəndində ölməsi barədə hüquqi əhəmiyyəti olan fakt müəyyən edilməlidir. Qeyd olunanlara əsasən və Azərbaycan Respublikası Mülki Prosessual Məcəlləsinin 216-220, 307, 307.2, 307.2.3, 311 və 360-cı maddələrini rəhbər tutaraq, məhkəmə qət etdi: Ərizə təmin edilsin. xx.xx.1984-cü il tarixdə Ağcabədi rayonunun Yuxarı Qiyamadınlı kəndində doğulmuş X2 xx.xx.1993-cü il tarixdə Ağcabədi rayonunun Yuxarı Qiyamadınlı kəndində ölməsi barədə hüquqi əhəmiyyəti olan fakt müəyyən edilsin. Qətnamədən rəsmi qaydada verildiyi gündən 1 (bir) ay müddətində Ağcabədi Rayon Məhkəməsi vasitəsi ilə (“Elektron məhkəmə” informasiya sistemində yaradılmış elektron kabinet vasitəsilə) Şirvan Apellyasiya Məhkəməsinə apellyasiya şikayəti verilə bilər. Qətnamədən apelyasiya şikayəti verilməmişdirsə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim Etibar Quliyev