Ağcabədi Rayon Məhkəməsi Qətnamə — İş №2(017)-500/2024

Azərbaycan Respublikası adından QƏTNAMƏ Ağcabədi rayonu İş № 2(017)-500/2024 28.03.2024 AĞCABƏDİ RAYON MƏHKƏMƏSİ Ağcabədi Rayon Məhkəməsi hakim Quliyev Etibar Bəhrəm oğlunun sədrliyi, məhkəmə iclasının katibi Hacıyev Fuad Hacı oğlunun katibliyi, Ərizəçi iştirakı ilə, Ərizəçi “hüquqi əhəmiyyətli faktın müəyyən edilməsinə” dair iddia ərizəsi üzrə mülki işə məhkəmənin binasında açıq məhkəmə iclasında baxaraq müəyyən etdi: Ərizəçi “hüquqi əhəmiyyətli faktının müəyyən edilməsinə” dair ərizə ilə məhkəməyə müraciət etmişdir. Məhkəmə iclasında Ərizəçi ərizəsini müdafiə edərək izahatında göstərdi ki, mərhum X11 ilə xx.xx.1987-ci il tarixdə rəsmi nikaha daxil olmaqla ailə qurmuşdur. X7 xx.xx.2023-cü il tarixdə ölmüşdür. Onların nikahlarından 4 uşaqları, o cümlədən xx.xx.1992-ci il tarixdə X10 adlı uşaqları olmuşdur. Oğlu Cavid xx.xx.1992-cı il tarixdə xəstəlikdən ölmüş, Ağcabədi şəhər E.Sadıqov küçəsində yerləşən qəbiristanlıqda dəfn olunmuşdur. Oğlunun ölümü qeydə alınmadığına görə ərindən qalmış mirasın qəbulu ilə əlaqədar müəyyən sənədləşmə işlərini apara bilmir. Maraqlı şəxsnə müraciət etmiş, lakin həkim arayışı olmadığına görə ona ölüm haqqında şəhadətnamə verilməmişdir. Ona görə də xx.xx.1992-ci il tarixdə Ağcabədi şəhərində anadan olmuş X6 xx.xx.1992-ci il tarixdə Ağcabədi şəhərində ölməsi faktının müəyyən edilməsinə dair qətnamə çıxarılmasını xahiş etdi. 1xx.xx.2024-cü il tarixdə Maraqlı şəxs rəisi məhkəməyə məktub göndərərək məhkəmə iclasını onun iştirakı olmadan keçirilməsini xahiş etmişdir. Məhkəmə maraqlı şəxsin nümayəndəsinin iştirakı olmadan işə baxılmasını mümkün hesab etmişdir. Məhkəmə iclasında şahid X3 ifadəsində göstərdi ki, Ərizəçi onun yaxın qonşusudur. Ərizəçi X11 ilə olan nikahlarından xx.xx.1992-ci il tarixdə doğulmuş Cavid xx.xx.1992-ci il tarixdə xəstəlikdən Ağcabədi şəhərində vəfat etmişdir. Məhkəmə iclasında şahid X1 şahid X2 ifadəsinə uyğun ifadə verdi. Məhkəmə ərizəçinin izahatını, şahidlərin ifadəsini dinləyib, iş materiallarını araşdırıb hesab edir ki, ərizə əsaslı olduğundan təmin edilməlidir. Belə ki, iş materiallarına əlavə olunmuş nikahın bağlanması haqqında şəhadətnamənin surətindən görünür ki, Ərizəçi X11 ilə xx.xx.1987-ci il tarixdə nikaha daxil olmuşlar. İş materiallarına əlavə olunmuş doğum haqqında şəhadətnamənin surətindən görünür ki, X10 xx.xx.1992-ci il tarixdə Ağcabədi şəhərində anadan olmuşdur. Bu barədə xx.xx.1992-ci il tarixdə 452 nömrəli doğum haqqında akt qeydi tərtib olunmuşdur. X4, anası Ərizəçi kimi qeyd olunmuşdur. İş materiallarına əlavə olunmuş Ağcabədi RİHB-nın Ağcabədi şəhər İƏD-si üzrə nümayəndəliyin təsdiq etdiyi xx.xx.2024-cü il tarixli aktdan görünür ki, X11 və Ərizəçi xx.xx.1992-ci il tarixdə Cavid adlı uşaqları anadan olmuş, həmin uşaq xx.xx.1992-ci il tarixdə vəfat etmiş və Ağcabədi şəhər E.Sadıqov küçəsində yerləşən şəhər qəbiristanlığında dəfn olunmuşdur. İş materiallarına əlavə olunmuş ölüm haqqında şəhadətnamənin surətindən görünür ki, X11 xx.xx.2023-cü il tarixdə ölmüşdür. İş materiallarına əlavə olunmuş Ağcabədi rayonu Qeydiyyat şöbəsi tərəfindən verilmiş xx.xx.2024-cü il tarixli 3-16-5/8-15-H-29/2024 nömrəli məktubdan görünür ki, ölüm haqqında tibbi sənəd təqdim edilmədiyi üçün X6 ölümünün Maraqlı şəxsndə qeydə alınması mümkün olmamışdır. Azərbaycan Respublikası Nazirlər Kabinetinin 2003-cü il 31 oktyabr tarixli 145 nömrəli qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı qaydası”nın 8.5-ci maddəsinə əsasən ölüm faktı tibb müəssisəsinin müvafiq sənədi ilə (ölüm haqqında həkim arayışı, ölüm haqqında feldşer arayışı ilə) təsdiq edilməlidir. Ölüm faktını təsdiq edən sənəd ölüm haqqında akt qeydlərinin ikinci nüsxəsinə əlavə olunmalı və onun üzərində qeydlərin nömrəsi, ölümün qeydiyyat tarixi yazılmalıdır. Ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. Azərbaycan Respublikası Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktların müəyyən edilməsinə dair işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Beləliklə, məhkəmə iclasında müəyyən edildi ki, xx.xx.1992-ci il tarixdə Ağcabədi rayonunda anadan olmuş X10 xx.xx.1992-ci il tarixdə Ağcabədi şəhərində ölmüş, Ağcabədi şəhər E.Sadıqov küçəsində yerləşən şəhər qəbiristanlığında dəfn edilmişdir. Məhkəmə hesab edir ki, xx.xx.1992-ci il tarixdə anadan olmuş X6 xx.xx.1992-ci il tarixdə Ağcabədi şəhərində ölməsi barədə hüquqi əhəmiyyəti olan fakt müəyyən edilməlidir. Qeyd olunanlara əsasən və Azərbaycan Respublikası Mülki Prosessual Məcəlləsinin 216- 220, 307, 307.2, 307.2.3, 311 və 360-cı maddələrini rəhbər tutaraq, məhkəmə qət etdi: Ərizə təmin edilsin. xx.xx.1992-ci il tarixdə anadan olmuş X6 xx.xx.1992-ci il tarixdə Ağcabədi şəhərində ölməsi barədə hüquqi əhəmiyyəti olan fakt müəyyən edilsin. Qətnamədən rəsmi qaydada verildiyi gündən bir ay müddətində Ağcabədi Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Hakim Etibar Quliyev