Ağcabədi Rayon Məhkəməsi Qətnamə — İş №2(017)-719/2025

Azərbaycan Respublikası adından QƏTNAMƏ Ağcabədi rayonu İş № 2(017)-719/2025 03.06.2025 AĞCABƏDİ RAYON MƏHKƏMƏSİ Hakim Nuriyev Rəşad Mövsüm oğlunun sədrliyi, Məhkəmə iclasının katibi X1, İddiaçı iştirakı ilə İddiaçı Cavabdeh qarşı pul tələbinə dair mülki işə açıq məhkəmə iclasında baxaraq, Müəyyənetdi: İddiaçı Cavabdeh qarşı 6000 manat pul və 80 manat dövlət rüsumu, cəmi 6080 manat pul tələbinə dair məhkəmədə iddia qaldırmışdır. Məhkəmə baxışı zamanı İddiaçı iddianı müdafiə edərək izahatında göstərdi ki, 02 yanvar 2024-cü il tarixdə həmkəndlisi-Cavabdeh 7500 manata Ağcabədi rayonunun Hacıbədəlli kəndində yerləşən torpaq sahəsi almışdır. Həmin vaxt 7500 manatı cavabdehə vermiş və cavabdeh sənədləşmə işlərini bir neçə günə aparacaqlarını ona demişdir. O, da cavabdehlə razılaşmışdır. Lakin, Cavabdeh həmin torpaq sahəsini başqa şəxsə satmışdır. Bundan sonra, Cavabdeh pulunu tələb etmi, cavabdeh öz xətti ilə qəbz yazaraq ondan aldığı 7500 manat pulu 07 yanvar 2024-cü il tarixdə qaytaracağını bildirmişdir. Cavabdeh həmin puldan 1500 manat ona qaytarmış, qalıq 6000 manat pulu ödəməkdən boyun qaçırmışdır. Dəfələrlə pulunu tələb etməsinə baxmayaraq cavabdeh ondan aldığı 7500 manat puldan qalan 6000 manatı ona qaytarmamışdır. Ona görə də göstərdiklərini nəzərə alaraq iddianın təmin olunması barədə qətnamə çıxarılmasını məhkəmədən xahiş etdi. Məhkəmə iclasının vaxtı və yeri barədə lazımi qaydada xəbərdar edilməsinə baxmayaraq Cavabdeh məhkəməyə gəlməmiş və işə onun iştirakı olmadan baxılmasını xahiş etməmişdir. Məhkəmə Azərbaycan Respublikası Mülki Prosessual Məcəlləsinin 185.5-cı maddəsinə əsaslanaraq cavabdehin iştirakı olmadan işə baxılmasını mümkün hesab etmişdir. İşdə olan və məhkəmə iclasında elan edilmiş 02 yanvar 2024-cü il tarixli qəbzdən görünür ki, Qurbanov X2 Habil Əli oğluna olan 7500 manat borcunu 07 yanvar 2024-cü il tarixdə ödəyəcəkdir. Cavabdeh 07 yanvar 2024-cü il tarixdə borcundan 1500 manat ödəmişdir. Məhkəmə iddiaçının izahatını dinləyib, iş materiallarını tam, hərtərəfli və obyektiv araşdırıb hesab edir ki, iddia təmin edilməlidir. Belə ki, Azərbaycan Respublikası Mülki Prosessual Məcəlləsinin 4.1-ci maddəsinə görə bütün fiziki və hüquqi şəxslər özlərinin qanunla qorunan hüquq və azadlıqlarını, eləcə də maraqlarını qorumaq və təmin etmək məqsədi ilə qanunla müəyyən edilmiş qaydada məhkəmə müdafiəsindən istifadə etmək hüququna malikdirlər. Göründüyü kimi, məhkəmə müdafiəsindən istifadə etmək hüququnu həyata keçirən hər bir şəxs qanunla müəyyən edilmiş qaydadan istifadə etməlidir. Qanunla müəyyən edilmiş qayda isə mülki-prosessual qanunvericilikdə müəyyən edilib. Həmin Məcəllənin 1091.1 və 1091.2-ci maddələrinə görə əsassız varlanan o şəxs (varlanmış şəxs) sayılır ki, hüquqi əsas olmadan başqa şəxsin (məhrum olanın) hesabına əmlak əldə etsin. Əsassız varlanma yalnız o zaman baş verir ki, bu cür varlanmaya haqq qazandıran qanuni əsas və ya müqavilə əsası olmur. Hüquqi əsas olmadan varlanma həmçinin o hallarda baş vermiş sayılır ki, bu cür varlanma həyata keçirilməmiş əsasa və ya sonralar aradan qalxmış əsasa söykənir. Həmin Məcəllənin 1092.1-ci maddəsinə görə varlanmış şəxs əldə etdiklərini məhrum olanın tələbi ilə ona qaytarmalıdır. Beləliklə, mülki işin məhkəmə iclasında müəyyən edilmiş hallarından görünür ki, İddiaçı 02 yanvar 2024-cü il tarixdə Cavabdeh 7500 manata Ağcabədi rayonunun Hacıbədəlli kəndində yerləşən torpaq sahəsi almışdır. Sonradan Cavabdeh həmin torpaq sahəsini başqa şəxsə satmışdır. Bununla da Cavabdeh İddiaçı hesabına hüquqi əsas olmadan 7500 manat məbləğində pul vəsaiti əldə etmişdir. Cavabdeh həmin puldan 1500 manatını İddiaçı qaytarsa da, qalan 6000 manat pulu qaytarmamışdır. Bu hal 02 yanvar 2024-cü il tarixli qəbzlə də öz təsdiqini tapmışdır. Qeyd olunanlara görə məhkəmə hesab edir ki, İddiaçı Cavabdeh 6000 manat məbləğində borcu tələb etməkdə haqlıdır. Azərbaycan Respublikası Mülki Prosessual Məcəlləsinin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Həmin Məcəllənin 218.3-cü maddəsinə görə hakim işdə iştirak edən şəxslərin verdiyi tələblər üzrə qətnamə çıxarır. Şərh olunanları nəzərə alaraq məhkəmə belə nəticəyə gəlir ki, iddia təmin edilməli, Cavabdeh 6000 manat məbləğində pul alınaraq İddiaçı verilməlidir. İşdə olan 16 oktyabr 2024-cü il tarixli qəbzdən görünür ki, İddiaçı 80 manat dövlət rüsumu ödəmişdir. Azərbaycan Respublikasının Mülki Prosessual Məcəlləsinin 119.1-ci maddəsinin tələbinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Göstərilən maddənin tələbinə uyğun olaraq məhkəmə hesab edir ki, Cavabdeh 80 manat ödənilmiş dövlət rüsumu alınaraq İddiaçı verilməlidir Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216-220, 227, 233 və 360-cı maddələrini rəhbər tutaraq, məhkəmə Q ə t e t d i: İddia təmin edilsin. Cavabdeh 6000 manat məbləğində pul və iddia qaldırılarkən ödənilmiş 80 manat dövlət rüsumu, cəmi 6080 (altı min səksən) manat alınaraq İddiaçı verilsin. Qətnamədən təqdim olunan (alınan) gündən 1 (bir) ay müddətində Ağcabədi Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Qətnamədən apellyasiya qaydasında şikayət verilmədikdə qətnamə həmin müddət başa çatdığı vaxtdan sonrakı gün qanuni qüvvəyə minir. Hakim: Rəşad Nuriyev