Ağcabədi Rayon Məhkəməsi Qətnamə — İş №2(017)-773/2023

Azərbaycan Respublikası adından QƏTNAMƏ Ağcabədi rayonu İş № 2(017)-773/2023 17.04.2023 AĞCABƏDİ RAYON MƏHKƏMƏSİ Hakim Nuriyev Rəşad Mövsüm oğlunun sədrliyi, Məhkəmə iclasının katibi X1, Ərizəçi iştirakı ilə Ölüm faktının müəyyən edilməsi barədə mülki işə açıq məhkəmə iclasında baxaraq, məhkəmə M ü ə y y ə n e t d i: Ərizəçi ərizə ilə məhkəməyə müraciət edərək X2 24 noyabr 2002-ci il tarixdə Ağcabədi rayonunun Təzəkənd kəndində ölməsi faktının müəyyən edilməsinə dair qətnamə çıxarılmasını xahiş etmişdir. Məhkəmə baxışı zamanı Ərizəçi ərizəni müdafiə edərək izahatında göstərdi ki, ailəsi ilə birlikdə Ağcabədi rayonunun Təzəkənd kəndində yaşayır. Mərhum həyat yoldaşı X10 ilə birgə nikahlarından üç övladları anadan olmuşdur. Həyat yoldaşı X10 xx.xx.2022-ci il tarixdə vəfat etmişdir. X2 xəstə uşaq kimi doğulmuş və 5 aylıq olarkən, yəni 23 noyabr 2002-ci ildə vəfat etmişdir. Uşaq vəfat etdikdən sonra onu Ağcabədi rayonunun Təzəkənd kənd qəbiristanlığında dəfn etmişlər. Həmin vaxt uşaq 5 aylıq vəfat etdiyindən ona ölüm haqqında şəahadətnamə almamışlar. Hazırda o və digər övladları mərhum X3 miras qalmış pay torpağına dair vərəsəlik haqqında şəhadətnamə və DƏDKR-dən çıxarış əldə etmək istəyirlər. Lakin, pay torpağına dair vərəsəlik haqqında şəhadətnamə verilməsi üçün müvafiq yoxlama aparılarkən oğlu Fuadın doğum haqqında şəhadətnaməsinin olması, lakin ölüm haqqında şəhadətnaməsinin olmaması müəyyən edilmişdir. Ona görə də vərəsəlik haqqında şəhadətnamə əldə etmək mümkün olmamışdır. Ölüm haqqında şəhadətnamənin verilməsi və ölüm aktının qeyd edilməsi üçün Maraqlı şəxsnə müraciət etsə də, ona məhkəməyə müraciət etməsi bildirilmişdir. Ona görə də göstərdiklərini nəzərə alaraq 24 iyun 2002-ci il tarixdə anadan olmuş X2nun 24 noyabr 2002-ci il tarixdə Ağcabədi rayonunun Təzəkənd kəndində ölməsi faktının müəyyən edilməsi barədə qətnamə çıxarılmasını məhkəmədən xahiş etdi. Maraqlı tərəf Maraqlı şəxs nümayəndəsi məhkəmənin vaxtı və yeri barədə lazımi qaydada məlumat verilməsinə baxmayaraq məhkəmə iclasına gəlməmiş və gəlməməsinin səbəbi barədə məhkəməyə heç bir məlumat verməmişdir. Məhkəmə Azərbaycan Respublikası Mülki Prosessual Məcəlləsinin 185.6-ci maddəsinin tələbinə əsaslanaraq mülki işə maraqlı şəxsin nümayəndəsinin iştirakı olmadan baxılmasını mümkün hesab Məhkəmə maraqlı tərəf Maraqlı şəxs nümayəndəsinin iştirakı olmadan mülki işə baxılmasını qanuna uyğun hesab etmişdir. Məhkəmə baxışı zamanı şahid qismində dindirilmiş X9 ifadəsində göstərdi ki, Ərizəçi onun qardaşı arvadıdır. Ərizəçi 24 iyun 2002-ci il tarixdə anadan olmuş X2 24 noyabr 2002-ci il tarixdə Ağcabədi rayonunun Təzəkənd kəndində yaşadığı evdə vəfat etmişdir. Həmin uşaq Ağcabədi rayonunun Təzəkənd kənd qəbiristanlığında dəfn olunmuş və mərhumun yas mərasimində iştirak etmişdir. Sonradan ona məlum olmuşdur ki, X6 ölüm haqqında şəhadətnamə alınmamışdır. Məhkəmə baxışı zamanı şahid qismində dindirilmiş ərizəçinin həmkəndlisi X7 şahid X5 ifadəsinə uyğun ifadə verdi. İşdə olan və məhkəmə iclasında elan edilmiş doğum haqqında şəhadətnamənin surətindən görünür ki, X8 24 iyun 2002-ci ildə Ağcabədi rayonunda doğulmuşdur. İşdə olan və məhkəmə iclasında elan edilmiş Maraqlı şəxs tərəfindən verilmiş 17 yanvar 2023-cü il tarixli məktubdan görünür ki, 24 noyabr 2002-ci ildə Ağcabədi rayonunun Təzəkənd kəndində doğulmuş X4 ölümü haqqında məlumatın müəyyən edilməsi məqsədi ilə “Vətəndaşlıq vəziyyəti aktları” avtomatlaşdırılmış qeydiyyat informasiya sisteminə daxil edilmiş bütün vətəndaşlıq vəziyyəti aktları üzrə yoxlama aparılmış və ölüm haqqında akt qeydi aşkar olunmamışdır. Məhkəmə ərizəçini və şahidləri dinləyib, işə əlavə edilmiş sənədləri araşdırıb, məhkəmə tədqiqatı zamanı toplanmış sübutların məcmusuna qiymət verərək belə hesab edir ki, ərizə təmin olunmalıdır. Belə ki, Azərbaycan Respublikası Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.3-cü maddəsinə əsasən məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsi barədə işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o, zaman müəyyən edə bilər ki, ərizəçi həmin faktları təstiq edən lazımı sənədləri başqa qaydada ala bilməsin, yaxud itirilmiş sənədlərin bərpası mümkün olmasın. İş materiallarından və şahidlərin ifadələrindən göründüyü kimi ərizəçinin 24 iyun 2002-ci il tarixdə anadan olmuş X8 24 noyabr 2002-ci il tarixdə Ağcabədi rayonunun Təzəkənd kəndində yaşadığı evdə vəfat etmiş, lakin mərhuma ölüm haqqında şəhadətnamə alınmamışdır. Ona görə də ərizəçi uşağının ölüm faktının müəyyən edilməsi üçün ərizə ilə məhkəməyə müraciət etmişdir. Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 88-ci maddəsinə əsasən məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Heç bir sübutun məhkəmə üçün qabaqcadan müəyyən edilmiş qüvvəsi yoxdur. Həmin Məcəllənin 217.4-cü maddəsinin tələbinə görə isə məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Şərh olunanları nəzərə alaraq məhkəmə belə nəticəyə gəlir ki, Ərizəçi ərizəsi əsaslı olduğundan təmin edilməklə onun 24 iyun 2002-ci il tarixdə anadan olmuş oğli-X4 24 noyabr 2002-ci il tarixdə Ağcabədi rayonunun Təzəkənd kəndində ölməsi faktı müəyyən edilməlidir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216-220, 227, 233 və 360-cı maddələrini rəhbər tutaraq məhkəmə, Qətetdi: Ərizə təmin edilsin. 24 iyun 2002-ci il tarixdə anadan olmuş X4 24 noyabr 2002-ci il tarixdə Ağcabədi rayonunun Təzəkənd kəndində ölməsi faktı müəyyən edilsin. Qətnamədən bir ay müddətində Ağcabədi Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti vermək olar. Hakim: Rəşad Nuriyev