Ağcabədi Rayon Məhkəməsi Qətnamə — İş №2(017)-906/2023

Azərbaycan Respublikası adından QƏTNAMƏ Ağcabədi rayonu İş № 2(017)-906/2023 28.04.2023 AĞCABƏDİ RAYON MƏHKƏMƏSİ Ağcabədi Rayon Məhkəməsi hakim Quliyev Etibar Bəhrəm oğlunun sədrliyi, məhkəmə iclasının katibi Hacıyev Fuad Hacı oğlunun katibliyi, Ərizəçi iştirakı ilə, Ərizəçi “hüquqi əhəmiyyətli faktın müəyyən edilməsinə” dair iddia ərizəsi üzrə mülki işə məhkəmənin binasında açıq məhkəmə iclasında baxaraq müəyyən etdi: Ərizəçi “hüquqi əhəmiyyətli faktının müəyyən edilməsinə” dair ərizə ilə məhkəməyə müraciət etmişdir. Məhkəmə iclasında Ərizəçi ərizəsini müdafiə edərək izahatında göstərdi ki, X4 ilə xx.xx.1981-ci il tarixdə ailə qurmuş, onların nikahlarından 4 uşaqları, o cümlədən xx.xx.1983-cü il tarixdə qızı Röya Şəmilova anadan olmuş, bir neçə ay sonra xəstəlikdən ölmüşdür. Ağcabədi rayonunun Qaravəlli kənd qəbiristanlığında dəfn olunmuşdur. Qızının ölümü qeydə alınmadığına görə müəyyən sənədləşmə işlərini apara bilmir. Qeydiyyat şöbəsinə müraciət etmiş, lakin həkim arayışı olmadığına görə ona ölüm haqqında şəhadətnamə verilməmişdir. Ona görə də xx.xx.1983-cü il tarixdə anadan olmuş X2 xx.xx.1983-cü il tarixdə Ağcabədi rayonunun Qaravəlli kəndində ölməsi faktının müəyyən edilməsinə dair qətnamə çıxarılmasını xahiş etdi. Məhkəmə iclasının yeri və vaxtı barədə lazımi qaydada xəbərdar edilmiş Maraqlı şəxs nümayəndəsini məhkəməyə göndərməmiş və səbəblərini məhkəməyə bildirməmişdir. Məhkəmə Azərbaycan Respublikası MPM-nin 185.5-ci maddəsinə əsasən Maraqlı şəxs nümayəndəsinin iştirakı olmadan işə baxılmasını mümkün hesab etmişdir. Məhkəmə iclasında şahid X5 Ərizəçi izahatına uyğun ifadə verdi. Məhkəmə iclasında şahid X3 ifadəsində göstərdi ki, ailəsi ilə birlikdə Ağcabədi rayonunun Qaravəlli kəndində yaşayır. Ərizəçi və onun ailəsini yaxından tanıyır. Ərizəçi X4 ilə olan nikahlarından 4 uşaqları, o cümlədən xx.xx.1983-cü il tarixdə qızı Röya Şəmilova anadan olmuş, sonuncu bir neçə ay sonra xəstəlikdən ölmüş, Ağcabədi rayonunun Qaravəlli kənd qəbiristanlığında dəfn olunmuşdur. Məhkəmə ərizəçinin izahatını, şahidlərin ifadəsini dinləyib, iş materiallarını araşdırıb hesab edir ki, ərizə əsaslı olduğundan təmin edilməlidir. Belə ki, iş materiallarına əlavə olunmuş nikahın bağlanması haqqında şəhadətnamənin surətindən görünür ki, Ərizəçi X4 ilə xx.xx.1981-ci il tarixdə nikaha daxil olmuşlar. İş materiallarına əlavə olunmuş doğum haqqında şəhadətnamənin surətindən görünür ki, X6 xx.xx.1983-cü il tarixdə Ağcabədi rayonunun Qaravəlli kəndində anadan olmuşdur. Bu barədə xx.xx.1983-cü il tarixdə Ağcabədi rayonu, Gələbədin kənd inzibati ərazi dairəsi üzrə nümayəndəliyində 68 nömrəli doğum haqqında akt qeydi tərtib olunmuşdur. X1, anası Ərizəçi kimi qeyd olunmuşdur. İş materiallarına əlavə olunmuş ölüm haqqında şəhadətnamənin surətindən görünür ki, X4 xx.xx.2022-ci il tarixdə Ağcabədi rayonunun Qaravəlli kəndində ölmüşdür. İş materiallarına əlavə olunmuş Ağcabədi RİHB-nın Qaravəlli kənd inzibati ərazi dairəsi üzrə nümayəndəliyinin xx.xx.2023-cü il tarixli 81 nömrəli arayışından və xx.xx.2023-cü il tarixli aktdan görünür ki, X6 xx.xx.1983-cü il tarixdə vəfat etmiş, Ağcabədi rayonunun Qaravəlli kənd qəbiristanlığında dəfn olunmuşdur. İş materiallarına əlavə olunmuş Ağcabədi rayonu Qeydiyyat şöbəsi tərəfindən verilmiş xx.xx.2023-cü il tarixli 3-16-5/8-M-15-197/2023 nömrəli məktubdan görünür ki, X2 ölümünün Maraqlı şəxsndə qeydə alınması mümkün olmamışdır. Azərbaycan Respublikası Nazirlər Kabinetinin 2003-cü il 31 oktyabr tarixli 145 nömrəli qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı qaydası”nın 8.5-ci maddəsinə əsasən ölüm faktı tibb müəssisəsinin müvafiq sənədi ilə (ölüm haqqında həkim arayışı, ölüm haqqında feldşer arayışı ilə) təsdiq edilməlidir. Ölüm faktını təsdiq edən sənəd ölüm haqqında akt qeydlərinin ikinci nüsxəsinə əlavə olunmalı və onun üzərində qeydlərin nömrəsi, ölümün qeydiyyat tarixi yazılmalıdır. Ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. Azərbaycan Respublikası Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktların müəyyən edilməsinə dair işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Beləliklə, məhkəmə iclasında müəyyən edildi ki, xx.xx.1983-cü il tarixdə Ağcabədi rayonunun Qaravəlli kəndində anadan olmuş X6 xx.xx.1983-cü il tarixdə ölmüş, Ağcabədi rayonunun Qaravəlli kənd qəbiristanlığında dəfn edilmişdir. Məhkəmə hesab edir ki, xx.xx.1983-cü il tarixdə anadan olmuş X2 xx.xx.1983-cü il tarixdə Ağcabədi rayonunun Qaravəlli kəndində ölməsi barədə hüquqi əhəmiyyəti olan fakt müəyyən edilməlidir. Qeyd olunanlara əsasən və Azərbaycan Respublikası Mülki Prosessual Məcəlləsinin 216-220, 307, 307.2, 307.2.3, 311 və 360-cı maddələrini rəhbər tutaraq, məhkəmə qət etdi: Ərizə təmin edilsin. xx.xx.1983-cü il tarixdə anadan olmuş X2 xx.xx.1983-cü il tarixdə Ağcabədi rayonunun Qaravəlli kəndində ölməsi barədə hüquqi əhəmiyyəti olan fakt müəyyən edilsin. Qətnamədən rəsmi qaydada verildiyi gündən bir ay müddətində Ağcabədi Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Hakim Etibar Quliyev