Astara Rayon Məhkəməsi Qətnamə — İş №2(018)-396/2023

Azərbaycan Respublikası adından QƏTNAMƏ Astara rayonu İş № 2(018)-396/2023 06.04.2023 ASTARA RAYON MƏHKƏMƏSİ Astara Rayon Məhkəməsinin hakimi Məmmədov Mübariz İsfəndiyar oğlunun sədrliyi, məhkəmə iclasının katibi Paşabəyli Yusifkamal Elçin oğlunun katibliyi və Ərizəçi iştirakı ilə, Ərizəçi «Ölüm faktının müəyyən edilməsi barədə» ərizəsi üzrə mülki işə Astara Rayon Məhkəməsinin binasında açıq məhkəmə iclasında baxaraq, məhkəmə MÜƏYYƏN ETDİ: Ərizəçi «Ölüm faktının müəyyən edilməsi barədə» ərizə ilə məhkəməyə müraciət edərək, mərhum oğlu, 25 mart 1994-cü il təvəllüdlü X5 30 sentyabr 1998-ci il tarixdə ölüm faktının müəyyən edilməsi və onun adına ölüm haqqında şəhadətnamənin verilməsi barədə qətnamə çıxarılmasını Məhkəmədən xahiş etmişdir. Ərizəçi məhkəmə baxışı iclasında izahat verərək bildirdi ki, mərhum 25 mart 1994-cü il təvəllüdlü X7 onun oğludur. X4 daimi olaraq Astara rayonu Ərcivan qəsəbəsində yaşamışdır. X4 30 sentyabr 1998-ci il tarixdə Astara rayonu Ərcivan qəsəbəsində xəstəlik ilə əlaqədar ölümüş və Astara rayonu Ərcivan qəsəbəsində olan qəbrstanlıqda dəfn edilmişdir. Hal-hazırda mülkiyyətlərində olan torpaq sahəsinə dair Daşınmaz Əmlakın Dövlət Reyestri Xidməti çıxarışın verilməsinə görə atası X2 ölümünə dair ölüm haqqında şəhadətnamə tələb etmişlər. Llakin, atasının ölümü barədə “ölüm haqqında şəhadətnaməsini” almamışdır. Sonradan onların ölümü barədə şəhadətnamə almaq üçün Maraqlı şəxsnə müraciət etmişdir. Maraqlı şəxs 24 yanvar 2023-cü il tarixli, 06 saylı məktubuna əsasən Astara Rayon Məhkəməsinə müraciət edilməsi qeyd edilmişdir. Odur ki, bütün bunların nəzərə alınmasını və ərizənin təmin edilməsi barədə qətnamə çıxarılmasını Məhkəmədən xahiş etdi. Məhkəmə baxışı iclasında şahid qismində iştirak edən X8 ifadə verərək bildirdi ki, o, ərizəçi onun qardaşıdır. Onun mərhum oğlu, 25 mart 1994-cü il təvəllüdlü X7 30 sentyabr 1998-ci il tarixdə Astara rayonu Ərcivan qəsəbəsində xəstəlik ilə əlaqədar ölümüş və Astara rayonu Ərcivan qəsəbəsində olan qəbrstanlıqda dəfn edilmişdir. O, əmi kimi onun dəfn və yas mərasimlərində iştirak etmişdir. Maraqlı şəxsnə məhkəmə iclasının yeri və vaxtı barədə lazımi qaydada xəbərdarlıq edilməsinə baxmayaraq maraqlı şəxsin nümayəndəsi məhkəmə iclasına gəlməmişdir. Məhkəmə Azərbaycan Respublikası Mülki Prosessual Məcəlləsinin 185.6-ci maddəsinə əsasən işə Maraqlı şəxs nümayəndəsinin iştirakı olmadan baxılmasını mümkün hesab edir. Məhkəmə ərizəçinin izahatını, şahidlərin ifadələrini dinləyib və iş materiallarını tədqiq edərək hesab edir ki, ərizə əsaslı olduğundan təmin edilməlidir. Mülki işə əlavə olunmuş Azərbaycan Respublikası vətəndaşının şəxsiyyət vəsiqələrinin sürətindən və Astara rayon Ərcivan qəsəbə icra nümayəndəliyi tərəfindən verilmiş arayışdan məlum olur ki, Ərizəçi xx xxxx 1969-cu il tarixdə, olmaqla Astara rayonu, Ərcivan qəsəbəsində anadan olmaqla, orada qeydiyyatdadır və yaşayırlar. Mülki işə əlavə olunmuş Maraqlı şəxs 27 dekabr 2022-ci il tarixli 4033 saylı arayışından məlum olur ki, X7 25 mart 1994-cü il tarixdə Astara rayonu, Ərcivan qəsəbəsində anadan olmuşdur. Onun atası X3, anası isə X1 qeyd edilmişdir. Mülki işə əlavə olunmuş Astara rayon İHB-nın Ərcivan qəsəbə İƏD-si üzrə nümayəndəliyi tərəfindən verilmiş arayışlardan məlum olur ki, 25 mart 1994-cü il təvəllüdlü X7 30 sentyabr 1998-ci il tarixdə ölmüş və Ərcivan qəsəbə qəbirstanlığında dəfn olunmuşlar. Mülki işə əlavə olunmuş Maraqlı şəxs məktubundan görünür ki, 25 mart 1994-cü il təvəllüdlü X7 barəsində ölüm haqqında akt qeydi Maraqlı şəxs arxiv sənədlərində aşkar edilməmişdir. Mülki işə əlavə olunmuş ödəniş qəbzlərindən görünür ki, ərizəçi Məhkəməyə müraciət etmək üçün 100 (bir yüz) manat məbləğində olan dövlət rüsumunu dövlət büdcəsinə ödəmişdir. Beləliklə, məhkəmə iclası zamanı müəyyən olundu ki, 125 mart 1994-cü il təvəllüdlü X7 30 sentyabr 1998-ci il tarixdə Astara rayonu, Ərcivan qəsəbəsində ölmüş və orada yerləşən qəbristanlığında dəfn olunmuşdur. Məhkəmə hesab edir ki, mərhum X5 30 sentyabr 1998-ci il tarixdə Astara rayonu, Ərcivan qəsəbəsində ölməsi barədə hüquqi əhəmiyyəti olan fakt müəyyən edilməlidir. Azərbaycan Respublikası Mülki Prosessual Məcəlləsinin 305.1.1-ci maddəsinə əsasən məhkəmə hüquqi əhəmiyyəti olan faktların müəyyən edilməsi haqqında işlərə baxır. Azərbaycan Respublikası Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktların müəyyən edilməsinə dair işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Azərbaycan Respublikası Mülki Prosessual Məcəlləsinin 309.1-ci maddəsində göstərilir ki, hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir. Məcəllənin 310-cu maddəsinə əsasən ərizədə həmin faktın müəyyən edilməsinin ərizəçiyə nə üçün lazım olduğu, habelə lazımi sənədləri ərizəçinin ala bilməməsini, yaxud itən sənədlərin bərpasının mümkünsüzlüyünü təsdiq edən sübutlar göstərilməlidir. Şərh olunanlara əsasən və Azərbaycan Respublikası Mülki-Prosessual Məcəlləsinin 216-220, 227, 233, 307, 307.2, 307.2.3, 311, 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. 25 mart 1994-cü il təvəllüdlü X5 30 sentyabr 1998-ci il tarixdə Astara rayonu, Ərcivan qəsəbəsində ölməsi barədə hüquqi əhəmiyyəti olan fakt müəyyən edilsin. X5 ölümü haqqında şəhadətnamənin verilməsi Maraqlı şəxsnə həvalə edilsin. Qətnamə rəsmi qaydada verildikdən sonra 1 (bir) ay müddətində Astara Rayon Məhkəməsi vasitəsilə Şirvan Apelyasiya Məhkəməsinə apelyasiya şikayəti verilə bilər. Məhkəmə qətnaməsindən şikayət verilməmişdirsə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim:Mübariz Məmmədov.