Astara Rayon Məhkəməsi Qətnamə — İş №2(018)-563/2024

Azərbaycan Respublikası adından QƏTNAMƏ Astara rayonu İş № 2(018)-563/2024 16.05.2024 ASTARA RAYON MƏHKƏMƏSİ Astara Rayon Məhkəməsinin hakimi Məmmədov Mübariz İsfəndiyar oğlunun sədrliyi, məhkəmə iclasının katibi Qafarov Elvin Namik oğlunun katibliyi və Ərizəçi iştirakı ilə, Ərizəçi «Ölüm faktının müəyyən edilməsi barədə» ərizəsi üzrə mülki işə Astara Rayon Məhkəməsinin binasında açıq məhkəmə iclasında baxaraq, məhkəmə MÜƏYYƏN ETDİ: Ərizəçi «Ölüm faktının müəyyən edilməsi barədə» ərizə ilə məhkəməyə müraciət edərək, mərhum oğlu, 20 sentyabr 1980-cı il təvəllüdlü X3 10 iyul 1990-cı il tarixdə ölüm faktının müəyyən edilməsi və onun adına ölüm haqqında şəhadətnamənin verilməsi barədə qətnamə çıxarılmasını Məhkəmədən xahiş etmişdir. Ərizəçi məhkəmə baxışı iclasında izahat verərək bildirdi ki, mərhum 20 sentyabr 1980-cı il təvəllüdlü X4 onun oğludur. X4 daimi olaraq Astara rayonunda yaşamışdır. X1 10 iyul 1990-cı il tarixdə Astara rayonu Şahağacı kəndində anadangəlmə xəstəlik ilə əlaqədar ölümüş və Astara rayonu Şahağacı kəndində olan qəbrstanlıqda dəfn edilmişdir. Halhazırda vərəsəlik məsələsini həll etməl üçün X3 ölümünə dair ölüm haqqında şəhadətnamə tələb etmişlər. Llakin, oğlunun ölümü barədə “ölüm haqqında şəhadətnaməsini” almamışdır. Sonradan onların ölümü barədə şəhadətnamə almaq üçün Maraqlı şəxsnə müraciət etmişdir. Maraqlı şəxs 07 mart 2024-cü il tarixli, 3-16-5/7-7- 15/2024 saylı məktubuna əsasən 20 sentyabr 1980-cı il təvəllüdlü X4 barəsində ölüm haqqında akt qeydi Maraqlı şəxs arxiv sənədlərində aşkar edilməmişdir, Astara Rayon Məhkəməsinə müraciət edilməsi qeyd edilmişdir. Odur ki, bütün bunların nəzərə alınmasını və ərizənin təmin edilməsi barədə qətnamə çıxarılmasını Məhkəmədən xahiş etdi. Məhkəmə baxışı iclasında şahid qismində iştirak edən Şahid1 ifadə verərək bildirdi ki, o, ərizəçi onun qonşusudur. Onun mərhum oğlu 20 sentyabr 1980-cı il təvəllüdlü X4 10 iyul 1990-cı il tarixdə Astara rayonu Şahağacı kəndində xəstəlik ilə əlaqədar ölümüş və Astara rayonu Şahağacı kəndində olan qəbrstanlıqda dəfn edilmişdir. O, qonşu kimi onun dəfn və yas mərasimlərində iştirak etmişdir. Məhkəmə baxışı iclasında şahid qismində iştirak edən Şahid2 da Şahid1 ilə eyni məzmunlu ifadə verdi. Maraqlı şəxsnə məhkəmə iclasının yeri və vaxtı barədə lazımi qaydada xəbərdarlıq edilməsinə baxmayaraq maraqlı şəxsin nümayəndəsi məhkəmə iclasına gəlməmişdir. Məhkəmə Azərbaycan Respublikası Mülki Prosessual Məcəlləsinin 185.6-ci maddəsinə əsasən işə Maraqlı şəxs nümayəndəsinin iştirakı olmadan baxılmasını mümkün hesab edir. Məhkəmə ərizəçinin izahatını, şahidlərin ifadəsini dinləyib və iş materiallarını tədqiq edərək hesab edir ki, ərizə əsaslı olduğundan təmin edilməlidir. Mülki işə əlavə olunmuş Azərbaycan Respublikası vətəndaşının şəxsiyyət vəsiqələrinin sürətindən, Astara şəhər icra nümayəndəliyi tərəfindən verilmiş arayışdan məlum olur ki, Ərizəçi xx xxxx 1959-cu il tarixdə, Astara rayonunda anadan olmaqla, Astara rayonu Şahağacı kəndində qeydiyyatdadır və orada yaşayır. Mülki işə əlavə olunmuş “Doğum haqqında şəhadətnamənin surətindən” məlum olur ki, X4 20 sentyabr 1980-cı ildə anadan olmuşdur. Mülki işə əlavə olunmuş Astara şəhər icra nümayəndəliyi tərəfindən verilmiş arayışdan və fotoşəkildən məlum olur ki, 20 sentyabr 1980-cı il təvəllüdlü X6 10 iyul 1990cı il tarixdə Astara rayonu Şahağacı kəndində xəstəlik ilə əlaqədar ölümüş və Astara rayonu Şahağacı kəndində olan qəbrstanlıqda dəfn edilmişdir. Mülki işə əlavə olunmuş Maraqlı şəxs 07 mart 2024-cü il tarixli, 3-16-5/7-7-15/2024 saylı məktubundan görünür ki, 20 sentyabr 1980-cı il təvəllüdlü X4 barəsində ölüm haqqında akt qeydi Maraqlı şəxs arxiv sənədlərində aşkar edilməmişdir. Mülki işə əlavə olunmuş ödəniş qəbzlərindən görünür ki, ərizəçi Məhkəməyə müraciət etmək üçün 100 (bir yüz) manat məbləğində olan dövlət rüsumunu dövlət büdcəsinə ödəmişdir. Beləliklə, məhkəmə iclası zamanı müəyyən olundu ki, 20 sentyabr 1980-cı il təvəllüdlü X2 10 iyul 1990-cı i il tarixdə Astara rayonu Şahağacı kəndində xəstəlik ilə əlaqədar ölümüş və Astara rayonu Şahağacı kəndində yerləşən qəbirstanlığında dəfn olunmuşdur. Məhkəmə hesab edir ki, mərhum 20 sentyabr 1980-cı il təvəllüdlü X2 10 iyul 1990-cı il tarixdə Astara rayonu Şahağacı kəndində ölməsi barədə hüquqi əhəmiyyəti olan fakt müəyyən edilməlidir. Azərbaycan Respublikası Mülki Prosessual Məcəlləsinin 305.1.1-ci maddəsinə əsasən məhkəmə hüquqi əhəmiyyəti olan faktların müəyyən edilməsi haqqında işlərə baxır. Azərbaycan Respublikası Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktların müəyyən edilməsinə dair işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Azərbaycan Respublikası Mülki Prosessual Məcəlləsinin 309.1-ci maddəsində göstərilir ki, hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir. Məcəllənin 310-cu maddəsinə əsasən ərizədə həmin faktın müəyyən edilməsinin ərizəçiyə nə üçün lazım olduğu, habelə lazımi sənədləri ərizəçinin ala bilməməsini, yaxud itən sənədlərin bərpasının mümkünsüzlüyünü təsdiq edən sübutlar göstərilməlidir. Şərh olunanlara əsasən və Azərbaycan Respublikası Mülki-Prosessual Məcəlləsinin 216-220, 227, 233, 307, 307.2, 307.2.3, 311, 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. 20 sentyabr 1980-cı il təvəllüdlü X3 10 iyul 1990-cı il tarixdə Astara rayonu Şahağacı kəndində ölməsi barədə hüquqi əhəmiyyəti olan fakt müəyyən edilsin. 20 sentyabr 1980-cı il təvəllüdlü X3 ölümü haqqında şəhadətnamənin verilməsi Maraqlı şəxsnə həvalə edilsin. Qətnamə rəsmi qaydada verildikdən sonra 1 (bir) ay müddətində Astara Rayon Məhkəməsi vasitəsilə Şirvan Apelyasiya Məhkəməsinə apelyasiya şikayəti verilə bilər. Məhkəmə qətnaməsindən şikayət verilməmişdirsə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim:Mübariz Məmmədov.