Bərdə Rayon Məhkəməsi Qətnamə — İş №2(021)-1308/2025

Azərbaycan Respublikası adından QƏTNAMƏ Bərdə rayonu İş № 2(021)-1308/2025 13.02.2025 BƏRDƏ RAYON MƏHKƏMƏSİ X15 Qasım oğlunun sədrliyi, Hətəmxanlı Hətəm Şahmar oğlunun katibliyi, Ərizəçi iştirakı ilə, Ərizəçi (bundan sonra ərizəçi və ya Ərizəçi) Maraqlı şəxs (bundan sonra maraqlı şəxs və ya Maraqlı şəxs) olmaqla “Mediasiya prosesi nəticəsində bağlanmış barışıq sazişinin təsdiq edilməsi” tələbinə dаir mülki işə аçıq məhkəmə iclаsındа bаxаrаq, məhkəmə Müəyyən etdi: Ərizəçi ərizə ilə məhkəməyə mürаciət edərək maraqlı şəxslə aralarında bağlanmış xx.xx.2025-ci il tarixli barışıq sazişinin təsdiq edilməsinə dair qətnamə qəbul edilməsini xahiş etmişdir. Ərizəçi ərizəsini onunla əsaslandırmışdır ki, Maraqlı şəxs ilə xx.xx.2019-cu ildə rəsmi nikaha daxil olmaqla ailə qurmuşlar. Rəsmi nikahlarından xx.xx.2020-ci il təvəllüdlü X10, xx.xx.2021-ci il təvəllüdlü X11 adlı övladları dünyaya gəlmişdir. xx.xx.2025-ci il tarixdə nikahın pozulması işinin həll edilməsi üçün mediasiya şurasına müraciət etmişlər. Nikahın pozulması tələbinə dair Maraqlı şəxs ilə qarşılıqlı razılığa gəlmişlər. Bu səbəbdən Barışıq sazişini imzalamışlar. Maraqlı şəxs ilə mediasiya prosesində bağladıqları xx.xx.2025-cü il tarixli barışıq sazişinin şərtlərinə əməl edir və bu səbəbdən sazişin məhkəmə qaydasında rəsmiləşdirilməsi üçün məhkəməyə müraciət etmək məcburiyyətində qalmışdır. Məhkəmə iclasında Ərizəçi ərizəsini müdafiə edərək ərizəsində göstərilənlərə uyğun izahat verdi, əlavə olaraq göstərdi ki, barışıq sazişinin şərtlərinə riayət edir. Maraqlı şəxs da aralarında bağlanmış barışıq sazişinin şərtlərinə əməl edir. O, nikahlarının pozulmasını istəyir, buna görə də məhkəməyə müraciət etmişdir. Ərizəsinin təmin olunmasını məhkəmədən xahiş edir. Maraqlı şəxs məhkəmə iclasının vaxtı və yeri barədə qanunla müəyyən edilmiş qaydada məlumat verilmiş, lakin maraqlı şəxs heç bir üzrlü səbəb olmadan məhkəmə iclasına gəlməmişdir. Məhkəmə işə Azərbaycan Respublikası Mülki Prosessual Məcəlləsinin (bundan sonra Azərbaycan Respublikasının MPM və ya MPM) 185.5-ci maddəsinə əsasən maraqlı şəxsin iştirakı olmadan baxılmasını mümkün hesab etmişdir. Həmin maddədə qeyd edilmişdir ki, məhkəmə iclasının vaxtı və yeri haqqında lazımi qaydada xəbərdar edilmiş cavabdehin gəlməməsinin səbəbləri haqqında məlumat olmadıqda və ya məhkəmə gəlməməyin səbəblərini üzrsüz hesab etdikdə, yaxud məhkəmə cavabdehin icraatı qəsdən yubandırdığını aşkar etdikdə, işə baxmağa haqlıdır. Bu halda qətnamə çəkişmə şəraitində qəbul edilmiş kimi qiymətləndirilərək cavabdehə apellyasiya qaydasında şikayət etmək hüququ verilir. Məhkəmə ərizənin dəlillərini iş üzrə toplanmış sübutlarla əlaqəli şəkildə araşdırıb, tədqiq edərək yoxlayıb və iddia tələbinə müfəssəl hüquqi qiymət verib belə qənaətə gəlir ki, ərizə təmin edilməməli, barışıq sazişinin təsdiq edilməsindən imtina edilməlidir. Belə ki, işə əlаvə edilmiş və məhkəmə iclаsındа tədqiq edilmiş: AA seriyalı ******* nömrəli şəxsiyyət vəsiqəsinin surətindən görünür ki, Ərizəçi xx.xx.1993-cü ildə Bərdə rayonunda anadan olmuşdur, Bərdə rayonu Qazıqurdalı kəndində qeydiyyatdadır. AA seriyalı ******* nömrəli şəxsiyyət vəsiqəsinin surətindən görünür ki, Maraqlı şəxs xx.xx.1998-ci ildə Ağdam rayonu Qiyaslı kəndində anadan olmuşdur, Ağdam rayonu Qiyaslı kəndində qeydiyyatdadır. Bərdə Rayon İcra Hakimiyyəti Başçısının Qaradəmirçi kənd inzibati ərazi dairəsi üzrə nümayəndəliyi tərəfindən verilmiş 21 yanvar 2025-ci il tarixli 39 nömrəli arayışdan görünür ki, Ərizəçi Bərdə rayonu İ Qaradəmirçi kəndində yaşayır. Bərdə Regional “ASAN xidmət” mərkəzi Qeydiyyat Şöbəsi tərəfindən verilmiş 06 avqust 2019-cu il tarixli AZ-İİ 346916 nömrəli nikah haqqında şəhadətnamədən görünür ki, Ərizəçi ilə X3 arasında nikah 06 avqust 2019-cu ildə Bərdə regional “ASAN xidmət” mərkəzi Qeydiyyat Şöbəsində 919 nömrə ilə qeydə alınmışdır. Nikah bağlandıqdan sonra qadına Abbasova soyadı verilmişdir. Bərdə Regional “ASAN xidmət” mərkəzi Qeydiyyat Şöbəsi tərəfindən verilmiş 06 iyul 2020-ci il tarixli AZ-İV 448527 nömrəli və 26 oktyabr 2021-ci il tarixli AZ-İV 664412 nömrəli doğum haqqında şəhadətnamələrdən görünür ki, tərəflərin birgə rəsmi nikahlarından 09 may 2020-ci ildə Ayxan və 19 oktyabr 2021-ci ildə Elxan adlı uşaqları anadan olmuşdur. 09 may 2020-ci il təvəllüdlü X6 və 19 oktyabr 2021-ci il təvəllüdlü X7 atası Ərizəçi, anası Maraqlı şəxsdır. X2 iştirakı ilə tərtib edilən 21 yanvar 2025-ci il tarixli MŞB/MT039-2025-00012 saylı Barışıq Sazişindən görünür ki, birinci tərəf Ərizəçi, ikinci tərəf-Maraqlı şəxs ilə aralarında bağlanmış 06 avqust 2019-cu il tarixdə Bərdə Regional “ASAN xidmət” mərkəzinin Qeydiyyat Şöbəsi akt qeydlər kitabında 919 nömrə ilə rəsmi nikahın pozulmasına tam razılaşır və öz öhdələrinə götürürlər; -Birgə nikahlarından olan 09 may 2020-ci il təvəllüdlü X10 və 19 oktyabr 2021-ci il təvəllüdlü X4 tərəfin (Maraqlı şəxs; AA*******; xxxxxxx; xx.xx.1998) himayəsində saxlanılmasına tam razılaşaraq öz öhdələrinə götürürlər; -Birgə nikahlarından olan 09 may 2020-ci il təvəllüdlü X10 və 19 oktyabr 2021-ci il təvəllüdlü X1 görə Birinci tərəfdən (Ərizəçi; AA*******; xxxxxxx; xx.xx.1993) hər ay hər uşaq üçün 120 (bir yüz iyirmi) manat olmaqla ümumilikdə, cəmi 240 (iki yüz qırx) manat sabit pul məbləğində aliment məbləğinin İkinci tərəfin (Maraqlı şəxs; AA*******; xxxxxxx; xx.xx.1998) xeyrinə ödənilməsinə tam razılaşaraq öz öhdələrinə götürürlər. Barışıq sazişinin 6-cı bəndində qeyd edilmişdir ki, Saziş, əgər Sazişdə ayrı şərt nəzərdə tutulmayıbsa, imzalandığı gündən tərəflər üçün məcburi xarakter daşıyır. Sazişdə tərəflər arasında ayrı müddət müəyyən edilməyibsə tam imzalandığı gündən 10 (on) təqvim günü müddətində könüllü şəkildə icra olunmalıdır. Məhkəmə araşdırması zamanı müəyyən edildi ki, Ərizəçi ailə mübahisəsi ilə bağlı Mediasiya Şurasına müraciət etmiş və X2 iştirakı ilə 21 yanvar 2025-ci il tarixdə tərtib edilən Barışıq Sazişi bağlanmışdır. Barışıq sazişi tam imzalandığı gündən 10 (on) təqvim günü müddətində könüllü şəkildə icra olunması nəzərdə tutulmuşdur. İşin hallarından görünür ki, maraqlı şəxs barışıq sazişinin şərtlərini pozmamış və barışıq sazişinin icra edilməsinə hər hansı şəkildə maneə törətməmişdir. Ərizəçi həm ərizəsində, həm də məhkəmə iclasında verdiyi izahatında maraqlı şəxsin barışıq sazişinin şərtlərinə əməl etdiyini bildirmiş, lakin buna baxmayaraq barışıq sazişinin təsdiq edilməsini xahiş etmişdir. O, barışıq sazişinin təsdiq edilməsinin ona niikahlarının pozulması məqsədi ilə lazım olduğunu bildirmişdir. Аzərbаycаn Respublikаsının Kоnstitusiyаsının 60-cı mаddəsinə əsаsən, hər kəsin hüquq və аzаdlıqlаrının inzibаti qаydаdа və məhkəmədə müdаfiəsinə təminаt verilir. “Mediasiya haqqında” Azərbaycan Respublikasının Qanununun 34.3-cü maddəsinə görə əgər barışıq sazişinin könüllü icrasından imtina olunsa, tərəf (o cümlədən məhkəmə baxışında olan işlər üzrə tərəf) barışıq sazişinin məcburi icrası üçün məhkəməyə müraciət edə bilər. 34.4-cü maddəsinə görə, barışıq sazişi məcburi icra edilməsi üçün məhkəmə tərəfindən müvafiq qaydada təsdiq olunur (bu Qanunun 34.5-ci maddəsinin tələbləri nəzərə alınmaqla). Аzərbаycаn Respublikаsının MPM-nin: 4-cü mаddəsinə əsаsən, bütün fiziki və hüquqi şəxslər özlərinin qаnunlа qоrunаn hüquq və аzаdlıqlаrını, eləcə də mаrаqlаrını qоrumаq və təmin etmək məqsədilə qаnunlа müəyyən edilmiş qаydаdа məhkəmə müdаfiəsindən istifаdə etmək hüququnа mаlikdirlər. 355-23.1-ci maddəsinə görə “Mediasiya haqqında” Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə (barışıq sazişinin bu Məcəllənin 191.2-1-ci maddəsinə uyğun olaraq təsdiq edildiyi hal istisna olmaqla) məhkəməyə müraciət edə bilər. 355-23.2-ci maddəsinə əsasən, mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizə ərizəçi fiziki şəxsin yaşadığı yer, hüquqi şəxsin ünvanının olduğu yer üzrə, ərizə dövlət orqanı (qurumu) tərəfindən verildikdə, barışıq sazişinin icrasından imtina edən fiziki şəxsin yaşadığı, hüquqi şəxsin ünvanının olduğu yer üzrə məhkəməyə verilir. 355-24-cü maddəsinə əsasən, mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizədə barışıq sazişinin könüllü icrası üçün “Mediasiya haqqında” Azərbaycan Respublikası Qanununun 34.1-ci maddəsi ilə müəyyən olunmuş müddətin keçməsi və ərizəçinin xahişi göstərilməlidir. 355-25.1-ci maddəsinə əsasən, barışıq sazişinin təsdiq edilməsi ilə bağlı ərizəyə məhkəməyə daxil olduqdan sonra 10 gün müddətində baxılır. İstinad edilən qanunvericilik normalarının tələbinə əsasən, o cümlədən, “Mediasiya haqqında” Azərbaycan Respublikasının Qanununun 34.3-cü maddəsinin tələbinə görə əgər tərəflərdən biri barışıq sazişini könüllü icra etməkdən imtina edərsə, digər tərəf barışıq sazişinin məcburi icrası üçün məhkəməyə müraciət edə bilər. Lakin baxılan işin gerçək hallarından görünür ki, 21 yanvar 2025-ci il tarixli Barışıq sazişinin hər iki tərəfi barışıq sazişinin şərtləri ilə razıdırlar, onun şərtlərini pozmurlar və barışıq sazişinin icra edilməsinə hər hansı şəkildə maneə törətmirlər. Belə olan halda, məhkəmə hesab edir ki, tərəflər arasında bağlanmış barışıq sazişinin şərtlərinin maraqlı şəxs tərəfindən pozulması barədə ərizəçi məhkəməyə sübut təqdim etmədiyindən və ərizəçi barışıq sazişinin şərtlərinin özü və maraqlı şəxs tərəfindən icra olunduğunu təsdiq etdiyindən Ərizəçi ilə Maraqlı şəxs arasında mediasiya prosesi nəticəsində bağlanmış 21 yanvar 2025-ci il tarixli MŞB/MT039-2025-00012 reyestr nömrəli barışıq sazişinin təsdiq edilməsindən imtina edilməlidir. MPM-in: 14.2-ci maddəsinə görə, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. 88-ci maddəsinə əsasən, məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. 217.3-cü mаddəsinə görə, qətnаmə iş üzrə müəyyən edilmiş həqiqi hаllаrа və tərəflərin qаrşılıqlı münаsibətinə uyğun əsаslаndırılmаlıdır. 217.4-cü mаddəsinə görə, məhkəmə öz qətnаməsini yаlnız məhkəmə iclаsındа tədqiq оlunmuş sübutlаrlа əsаslаndırır. Şərh olunanlara əsasən və Azərbaycan Respublikası Mülki Prosessual Məcəlləsinin 214, 216-220, 233, 357 və 360-cı mаddələrini rəhbər tutаrаq, məhkəmə Qətetdi: Ərizəçi Maraqlı şəxs olmaqla, “Mediasiya prosesi nəticəsində bağlanmış barışıq sazişinin təsdiq edilməsi” tələbinə dair ərizəsi təmin edilməsin. Ərizəçi ilə Maraqlı şəxs arasında mediasiya prosesi nəticəsində bağlanmış 21 yanvar 2025-ci il tarixli MŞB/MT039-2025-00012 reyestr nömrəli barışıq sazişinin təsdiq edilməsindən imtina edilsin. Qətnamədən, tərəflər, üçüncü şəxslər, xüsusi icraat işləri üzrə isə ərizəçi və maraqlı şəxslər rəsmi qaydada verildiyi gündən bir ay müddətində Bərdə Rayon Məhkəməsi vasitəsi ilə Gəncə Apellyasiya Məhkəməsinin Mülki Kollegiyasına apellyasiya şikayəti verə bilərlər. Hakim: Gündüz Abbasov