Azərbaycan Respublikası adından QƏTNAMƏ Bərdə rayonu İş № 2(021)-1830/2024 25.04.2024 BƏRDƏ RAYON MƏHKƏMƏSİ Hаkim Əbilov Qamət Mehman oğlunun sədrliyi, X2 iclas katibliyi, Ərizəçi vəkili və nümayəndəsi Vəkil iştirakları ilə, Ərizəçi Maraqlı şəxs2 qаrşı “mediasiya prosesi nəticəsində bağlanmış barışıq sazişinin təsdiq edilməsi” tələbinə dаir mülki işə аçıq məhkəmə iclаsındа bаxаrаq, məhkəmə MÜƏYYƏN ETDİ: Ərizəçi vəkili və nümayəndəsi Vəkil Maraqlı şəxs2 qarşı ərizə ilə məhkəməyə mürаciət edərək mediasiya prosesi nəticəsində bağlanmış 29 mart 2024-cü il tarixli barışıq sazişinin təsdiq edilməsinə dair qətnamə qəbul edilməsini xаhiş etmişdir. Ərizəçi vəkili və nümayəndəsi Vəkil ərizəsini onunla əsaslandırmışdır ki, vəkili və nümayəndəsi olduğu Ərizəçi ilə hazırkı ərizə üzrə maraqlı şəxs olan Maraqlı şəxs2 nikahı 5 saylı Bakı “ASAN Xidıt” X1 16 iyun 2019-cu il tarixdə 2215 nömrəsi ilə qeyd edilməklə ailə qurmuşlar. Aralarında yaranmış dözülməz münasibətlər səbəbindən ayrılmışlar və hər iki tərəf Rusiya Federasiyasında, lakin ayrı-ayrı yerlərdə yaşayırlar. Tərəflərin birgə nikahdan övladları yoxdur. Vəkili və nümayəndəsi olduğu Ərizəçi Maraqlı şəxs2 ilə aralarında olan nikah qeydinin könüllü pozulması üçün Bərdə 1 saylı Mediasiya təşkilatına müraciət edilmişdir. Qarşı tərəf olan Maraqlı şəxs2 mediasiya prosesində Etibarnamə üzrə nümayəndəsi X3 ilə təmsil olunmuşdur. Tərəflərin nümayəndələri xx.xx.2024-cü il tarixdə keçirilmiş mediasiya sessiyasında razılığa gəlmişlər ki, nikah qeydi könüllü pozulsun. Bu barədə Bərdə 1 saylı Mediasiya təşkilatında xx.xx.2024-cü il tarixli, MSB/MT039-2024- 00239 nömrəli Barışıq Sazişi bağlanmaqla tərəflərin qarşılıqlı razılığı rəsmiləşdirilmişdir. Barışıq sazişi tərəflər arasında nikah qeydinin pozulmasının rəsmiləşdirilməsi üçün Maraqlı şəxs1nə təqdim olunsa da, şöbə onu icra etməkdən imtina etmiş və imtinasının səbəbini xx.xx.2024-cü il tarixli, 3-16-5/8-15-162/2024 nömrəli cavabı ilə onunla əsaslandırmışdır ki, yetkinlik yaşına çatmamış ümumi uşaqları olmayan ərarvadın nikahın pozulmasına razılığı və ya bu razılığa dair məlumat olmadıqda nikahın pozulması məhkəmə qaydasında həyata keçirilir. Beləliklə də, Maraqlı şəxs1 rəsmi sənəd olan Barışıq sazişini Ərizəçi ilə Maraqlı şəxs2 arasındakı nikah qeydinin pozulmasına onların razılığı kimi əsassız olaraq nəzərə almamışdır. Məhkəmə iclasında Ərizəçi vəkili və nümayəndəsi Vəkil ərizəyə uyğun izahat verərək, ərizənin təmin olunmasını xahiş etdi. Maraqlı şəxs2 məhkəməyə teleqram göndərərək, ərizənin təmin olunmasına etiraz etmədiyini bildirmişdir. Məhkəmə iclasının onun iştirakı olmadan baxılmasını xahiş etmişdir. Məhkəmə işdə iştirak edən şəxslərin izahatını dinləyib, iddia tələbinin dəlillərini iş üzrə toplanmış sübutlarla əlaqəli şəkildə araşdırıb, tədqiq edərək yoxlayıb və iddia tələbinə müfəssəl hüquqi qiymət verib belə qənaətə gəlir ki, ərizə təmin edilməlidir. Belə ki, mülki işə əlavə edilmiş Seriya AA******* nömrəli şəxsiyyət vəsiqəsinin surətindən görünür ki, Maraqlı şəxs2 xx.xx.1987-cı il tarixdə anadan olmuşdur. Mülki işə əlavə edilmiş Seriya AZE №******** nömrəli şəxsiyyət vəsiqəsinin surətindən görünür ki, Maraqlı şəxs2 xx.xx.1989-cu il tarixdə ünvan 1 ünvanında qeydiyyatdadır. Mülki işə əlavə olunmuş AZ-İİ №342870 nömrəli Nikah haqqında şəhadətnamənin surətindən görünür ki, Maraqlı şəxs2 ilə X6 arasında 16 iyun 2019-cu il tarixdə 5 saylı Bakı “ASAN” Xidmət Mərkəzində Qeydiyyat Şöbəsində 2215 saylı akt qeydi ilə nikah bağlanmışdır. Nikah bağlandıqdan sonra arvada Axundova soyadı verilmişdir. Mülki işə əlavə edilmiş Maraqlı şəxs1 xx.xx.2024-cü il tarixli məktubundan görünür ki, Ərizəçi nikahın pozulması üçün həmin orqana müraciət etmiş, əri Maraqlı şəxs2 nikahın pozulması üçün həmin orqana müraciət etməməsi səbəbindən məhkəməyə müraciət etməsi məsləhət görülmüşdür. Mülki işə əlavə edilmiş xx.xx.2024-cü il tarixli mədaxil qəbzindən görünür ki, ərizəçi tərəfindən 100 manat dövlət rüsumu ödənilmişdir. Mülki işə əlavə edilmiş Mediasiya Şurasının 29 mart 2024-cü il tarixli Barışıq Sazişindən görünür ki;
1. Birinci tərəfin (Ərizəçi) vəkili və nümayəndəsi Vəkil etibarnamə ilə müraciət edərək bildirmişdir ki, ikinci tərəf ilə rəsmi nikaha daxil olmaqla ailə qurmuşlar və nikahları 16 iyun 2019-cu il tarixdə 5 saylı Bakı ASAN xidmət mərkəzinin Qeydiyyat Şöbəsi akt qeydlər kitabında №2215-ilə qeyd edilmişdir. Tərəflərin birgə nikahlarından övladları olmamışdır. Tərəflər uzun müddət bir yerdə yaşamış və normal münasibətləri olmuşdur. Sonradan tərəflər arasında olan münasibətləri pisləşmiş və ayrılmışlar. Hal-hazırda birinci tərəf, ikinci tərəfdən ayrılmış ayrı yaşayırlar. Birinci tərəf Mediasiyaya müraciət edərək bildirdi ki, İkinci tərəf ilə aralarında bağlanmış 16 iyun 2019-cu il tarixdə 5 saylı Bakı ASAN xidmət mərkəzinin Qeydiyyat Şöbəsi akt qeydlər kitabında №2215-li rəsmi nikahın pozulmasını tələbi ilə təklif vermişdir.
2. İkinci tərəf (Maraqlı şəxs2) Mediasiya prosesinə dəvət olunmuş və etibarnamə üzrə nümayəndəsi X4 birinci tərəfin verdiyi təkliflə tanış olaraq tam razılaşdığını bildirmişdir. Aparılmış söhbət zamanı ikinci tərəf bildirdi ki, Birinci tərəf ilə aralarında 16 iyun 2019-cu il tarixdə 5 saylı Bakı ASAN xidmət mərkəzinin Qeydiyyat Şöbəsi akt qeydlər kitabında No2215-li rəsmi nikahın pozulmasına tam razıdır.
3. Tərəflər qarşılıqlı olaraq aralarında bağlanmış 16 iyun 2019-cu il tarixdə 5 saylı Bakı ASAN xidmət mərkəzinin Qeydiyyat Şöbəsi akt qeydlər kitabında №2215-li rəsmi nikahın pozulmasına tam razılaşmışdırlar.
4. X5 şərtləri izah olundu.
5. Tərəflər arasında digər mübahisə yoxdur. Məhkəmə araşdırması zamanı müəyyən edilmişdir ki, ərizəçi Maraqlı şəxs2 maraqlı şəxs Ərizəçi qarşı ərizə ilə məhkəməyə mürаciət edərək mediasiya prosesi nəticəsində bağlanılmış 29 mart 2024-cü il tarixli barışıq sazişinin təsdiq edilməsinə dair qətnamə qəbul edilməsini xаhiş etmişdir. Аzərbаycаn Respublikаsının Kоnstitusiyаsının 60-cı mаddəsinə əsаsən, hər kəsin hüquq və аzаdlıqlаrının inzibаti qаydаdа və məhkəmədə müdаfiəsinə təminаt verilir. Аzərbаycаn Respublikаsının Mülki Prоsessuаl Məcəlləsinin (bundаn sоnrа MPM) 4-cü mаddəsinə əsаsən, bütün fiziki və hüquqi şəxslər özlərinin qаnunlа qоrunаn hüquq və аzаdlıqlаrını, eləcə də mаrаqlаrını qоrumаq və təmin etmək məqsədilə qаnunlа müəyyən edilmiş qаydаdа məhkəmə müdаfiəsindən istifаdə etmək hüququnа mаlikdirlər. Azərbaycan Respublikası Ailə Məcəlləsinin (bundan sonra Ailə Məcəlləsinin) 17.1-ci maddəsinə əsasən ər-arvadın yetkinlik yaşına çatmayan ümumi uşaqları olmadıqda, nikaha onların razılığı əsasında müvafiq icra hakimiyyəti orqanında xitam verilə bilər. Azərbaycan Respublikası Ailə Məcəlləsinin (bundan sonra Ailə Məcəlləsinin) 19.1-ci maddəsinə əsasən Bu məcəllənin 17.2-ci maddəsində nəzərdə tutulmuş hallar istisna olmaqla ər-arvadın yetkinlik yaşına çatmayan ümumi uşaqları olduqda və ya ər (arvad) nikahın pozulmasına razı olmadıqda nikah məhkəmə qaydasında pozulur. Ailə Məcəlləsinin 19.2-ci maddəsinə əsasən Ər-arvadın razılığı olduqda, lakin onlardan biri müvafiq icra hakimiyyəti orqanında nikahın pozulmasından yayındıqda (ərizə verməkdən imtina etdikdə, nikahın pozulmasının dövlət qeydiyyatı üçün gəlmədikdə və s.) nikahın pozulması məhkəmə qaydasında həyata keçirilir. Ailə Məcəlləsinin 20.1-ci maddəsinə əsasən Ər-arvadın birgə yaşamasının və ailənin saxlanmasının qeyri-mümkünlüyü məhkəmə tərəfindən müəyyən edildikdə, nikah məhkəmə qaydasında pozulur. Ailə Məcəlləsinin 20.2-ci maddəsinə əsasən Tərəflərdən birinin nikahın pozulması haqqında razılığı olmadıqda, məhkəmə ər-arvadın barışması üçün 3 ay müddət müəyyən etməklə işi təxirə sala bilər. Barışıq olmadıqda və ya onlar (onlardan biri) nikahın pozulmasında təkid etdikdə nikah pozulur. Azərbaycan Respublikası Mülki Prossesual Məcəlləsinin 355-23.1-ci maddəsinə əsasən “Mediasiya haqqında” Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə (barışıq sazişinin bu Məcəllənin 191.2-1-ci maddəsinə uyğun olaraq təsdiq edildiyi hal istisna olmaqla) məhkəməyə müraciət edə bilər. Həmin Məcəllənin 355-23.2-ci maddəsinə əsasən mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizə ərizəçi fiziki şəxsin yaşadığı yer, hüquqi şəxsin ünvanının olduğu yer üzrə, ərizə dövlət orqanı (qurumu) tərəfindən verildikdə, barışıq sazişinin icrasından imtina edən fiziki şəxsin yaşadığı, hüquqi şəxsin ünvanının olduğu yer üzrə məhkəməyə verilir. Həmin Məcəllənin 355-24-cü maddəsinə əsasən Mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizədə barışıq sazişinin könüllü icrası üçün “Mediasiya haqqında” Azərbaycan Respublikası Qanununun 34.1-ci maddəsi ilə müəyyən olunmuş müddətin keçməsi və ərizəçinin xahişi göstərilməlidir. Həmin Məcəllənin 355-25.1-ci maddəsinə əsasən barışıq sazişinin təsdiq edilməsi ilə bağlı ərizəyə məhkəməyə daxil olduqdan sonra 10 gün müddətində baxılır. Həmin Məcəllənin 355-25.3-ci maddəsinə əsasən məhkəmə ərizəyə baxarkən bu Məcəllənin 355-26-cı maddəsində sadalanmış halların olub-olmadığını müəyyən edir və barışıq sazişinin təsdiq edilməsi və ya təsdiq edilməsindən imtina olunması barədə qətnamə qəbul edir. “Mediasiya haqqında” Azərbaycan Respublikası Qanununun 26.1-ci maddəsinə əsasən valideynlik hüquq və vəzifələrinin həyata keçirilməsi qaydası, uşağın yaşayış yerinin müəyyən edilməsi, uşağın və əmək qabiliyyəti olmayan digər ailə üzvlərinin saxlanılması qaydası kimi ailə münasibətlərindən irəli gələn mübahisələr mediasiya vasitəsilə həll oluna bilər. MPM-in 14.2-ci maddəsinə görə, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 88-ci maddəsinə əsasən, məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Həmin Məcəllənin 217.3-cü mаddəsinə əsаsən, qətnаmə iş üzrə müəyyən edilmiş həqiqi hаllаrа və tərəflərin qаrşılıqlı münаsibətinə uyğun əsаslаndırılmаlıdır. Həmin Məcəllənin 217.4-cü mаddəsinə əsаsən, məhkəmə öz qətnаməsini yаlnız məhkəmə iclаsındа tədqiq оlunmuş sübutlаrlа əsаslаndırır. Həmin Məcəllənin 234.2.1-ci maddəsinə əsasən şəxsin saxlanılması üçün vəsaitlərin, o cümlədən alimentlərin alınması haqqında qətnamələr dərhal icra edilir. Beləliklə, məhkəmə hesab edir ki, Ərizəçi ərizəsi təmin edilməli, Maraqlı şəxs2 və Ərizəçi arasında mediasiya prosesi nəticəsində bağlanmış 29 mart 2024-cü il tarixli barışıq sazişi təsdiq edilməli, Ərizəçi ilə Maraqlı şəxs2 arasında 16 iyun 2019-cu il tarixdə 5 saylı Bakı “ASAN” Xidmət Mərkəzində Qeydiyyat Şöbəsində 2215 saylı akt qeydi ilə qeydə alınmış nikah pozulmalıdır. Bundan başqa məhkəmə hesab edir ki, Azərbaycan Respublikası MPM-in 119-cu maddəsinə əsasən iş üzrə ödənilmiş dövlət rüsumu ərizəçiyə aid edilməlidir. Şərh olunanlara əsasən və MPM-in 214, 216-220, 233, 357 və 360-cı mаddələrini rəhbər tutаrаq, məhkəmə Q Ə T E T D İ:
Ərizə təmin edilsin. Ərizəçi və Maraqlı şəxs2 arasında mediasiya prosesi nəticəsində bağlanmış 29 mart 2024-cü il tarixli barışıq sazişi aşağıdakı qaydada təsdiq edilsin: Maraqlı şəxs2 ilə Ərizəçi arasında 16 iyun 2019-cu il tarixdə 5 saylı Bakı “ASAN” Xidmət Mərkəzində Qeydiyyat Şöbəsində 2215 saylı akt qeydi ilə qeydə alınmış nikah pozulsun. İş üzrə ödənilmiş 100 manat dövlət rüsumu Ərizəçi aid edilsin. Qətnаmənin surəti rəsmi qaydada verildiyi gündən 1(bir) аy müddətində Bərdə Rаyоn Məhkəməsi vаsitəsilə Gəncə Аpellyаsiyа Məhkəməsinə аpellyаsiyа şikаyəti verilə bilər. Qətnamədən şikayət verilmədikdə, qəbul edildiyi gündən 1(bir) ay keçdikdən sonra qanuni qüvvəyə minir.
Hakim: Qamət Əbilov