Bərdə Rayon Məhkəməsi Qətnamə — İş №2(021)-2291/2021

Azərbaycan Respublikası adından QƏTNAMƏ Bərdə rayonu İş № 2(021)-2291/2021 27.07.2021 BƏRDƏ RAYON MƏHKƏMƏSİ Məhkəmənin hakim Əhmədov Elsun Məzahir oğlunun sədrliyi, Məhkəmə iclas katibi Bayramov Orxan Elşən oğlunun katibliyi, Ərizəçi iştirakı ilə, Ərizəçi Məmmədova Mürüfə Mirtağı qızının ölüm faktının müəyyən edilməsi tələbinə dair mülki işə Bərdə Rayon Məhkəməsinin inzibati binasında açıq məhkəmə iclasında baxaraq, MÜƏYYƏN ETDİM: Ərizəçi Məmmədova Mürüfə Mirtağı qızı ərizə ilə məhkəməyə müraciət edərək əri Məmmədov Aliq Kamal oğlunun 12 sentyabr 2017-ci ildə ölməsi faktının müəyyən edilməsinə dair qətnamə çıxarılmasını xahiş etmişdir. Ərizəçi Məmmədova Mürüfə Mirtağı qızı ərizəsini onunla əsaslandırmışdır ki, 12 sentyabr 2017-ci ildə əri X5 qan xərçəngindən yaşadığı evdə vəfat etmişdir. Onu şəhərin Təbriz küçəsində yerləşən qəbristanlıqda dəfn etmişlər. Həmin vaxt diqqətsizlikdən və gələcəkdə lazım olacağını bilmədiyindən məhruma ölüm haqqında şəhadətnamə almamışdır. Hazırda müəyyən sənədləşmənin aparılması ilə əlaqədar ərinin ölməsi barədə şəhadətnamə lazımdır. Bununla əlaqədar Bərdə rayon Qeydiyyat Şöbəsinə müraciət etsə də ona lazım olan sənədi verməyib, məhkəməyə müraciət etməyini məsləhət görmüşlər. Onun həmin şəhadətnaməyə ehtiyacı var. Məhkəmə iclasında ərizəsçi Ərizəçi Mirtağı qızı ərizəni müdafiə edərək, ərizəsinə uyğun izahat verdi. Məhkəmə iclasında izahatında şahid qismində dindirilmiş X6 göstərdi ki, ərizəçi Məmmədova Mürüfə Mirtağı qızı anasıdır. Atası Məmmədov Aliq Kamal oğlu 12 sentyabr 2017-ci il tarixdə xərçəng xəstəliyindən vəfat etmişdr. Atasını Bərdə şəhəri Təbriz küçəsində qəbristanlıqda dəfn ediblər. Məhkəmə ərizəçinin izahatını dinləyib, şahidləri dindirib, mülki işin materiallarını nəzərdən keçirib, məhkəmə belə hesab edir ki, aşağıda göstərilənlərə əsasən ərizə təmin edilməlidir. İş materiallarında olan AZE 0******* nömrəli şəxsiyyət vəsiqəsinin surətindən müəyyən olunur ki, Məmmədova Mürüfə Mirtağı qızı xx xxxxxx 1966-cı ildə Masallı rayonunun, Çaxırlı kəndində doğulmuşdur. İş materiallarında olan Bərdə Mənzil Təmir istismar Sahəsi tərəfindən verilən 267 nömrəli, 07 iyun 2021-ci il il tarixli arayışından müəyyən olunur ki, Məmmədova Mürüfə Mirtağı qızı ünvan 1 ünvanda yaşayır. İş materiallarında olan AZE 01815171 nömrəli şəxsiyyət vəsiqəsinin surətindən müəyyən olunur ki, Məmmədov Aliq Kamal oğlu 05 mart 1961-ci ildə Bərdə şəhərində doğulmuşdur. İş materiallarında olan fotoşəkildən müəyyən olunur ki, Məmmədov Aliq Kamil oğlu 08 mart 1961-ci ildə doğulmuş və 12 sentyabr 2017-ci ildə vəfat etmişdir. İş materiallarında olan Maraqlı şəxs 06 iyun 2021-ci il tarixli, 367-05/15 nömrəli məktubundan müəyyən olunur ki, Məmmədova Mürüfə Mirtağı qızının ölüm haqqında şəhadətnamə almaq üçün müraciətinə məhkəməyə müraciət etməli olduğu məsləhət görülmüşdür. Azərbaycan Respublikasının Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.5-ci maddəsinə əsasən məhkəmə şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının müəyyən edilməsinə dair işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımı sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 311-ci maddəsinə əsasən, məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Həmin Məcəllənin 13.4-cü maddəsinə əsasən, brəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımı sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Göstərilən maddələrin tələblərinə əsasən və araşdırılmış sübutların məcmusuna qiymət verərək məhkəmə belə hesab edir ki, ərizəçinin, şahidlərin məhkəmə iclasında verdikləri izahatları və iş materiallarında olan digər sənədlərlə təsdiq olunduğundan ərizə təmin edilməli, mərhum Məmmədov Aliq Mirtağı oğlunun 12 sentyabr 2017-ci il tarixdə Bərdə şəhərində ölməsi faktı müəyyən edilməlidir. Azərbaycan Respublikası Mülki Prosessual Məcəllənin 9.1, 9.3, 14.2, 88, 217.1, 218.1, 218.3 və 220.4-cü maddələrinə görə hər hansı mübahisənin qanuni və əsaslı həlli üçün məhkəmə baxışı zamanı məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli olan hüquq normalarına müvafiq qiymət verməlidir. Məhkəmənin qətnaməsi qanuni və əsaslı olmalıdır. Hakim işdə iştirak edən şəxslərin verdiyi tələblər üzrə qətnamə çıxarır. Qətnamə çıxarıldıqda hakim sübutları qiymətləndirir, iş üçün əhəmiyyətli olan nə kimi halların müəyyən edildiyini, nə kimi halların müəyyən edilmədiyini, tərəflərin hansı hüquqi münasibətdə olmalarını, həmin iş üzrə hansı qanunun tətbiq edilməli olduğunu və iddianın təmin olunub-olunmadığını müəyyən etməlidir. Həmin Məcəllənin 217.3-cü maddəsinə əsasən qətnamə iş üzrə müəyyən edilmiş həqiqi hallara və tərəflərin qarşılıqlı münasibətinə uyğun əsaslandırılmalıdır. Həmin Məcəllənin 217.4-cü maddəsinə əsasən, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Məhkəmədə aşkar edilmişdir ki, ərizəçi həmin faktı təsdiq edən lazımi sənədləri başqa qaydada ala bilməmişdir. Göstərilən faktın müəyyən olunması ərizəçi üçün müvafiq sənədlərin əldə edilməsi üçün lazımdır. Qətnamənin icrası Maraqlı şəxsnə həvalə edilməlidir. Şərh olunanlara əsasən və Azərbaycan Respublikası Mülki Prosessual Məcəlləsinin 216-220, 227, 307, 308-ci maddələrini rəhbər tutaraq, məhkəmə Q Ə T E T D İ : Ərizə təmin edilisin. 05 mart 1961-ci il tarixdə doğulmuş X8 oğlunun 12 sentyabr 2017-ci il tarixdə ölməsi faktı müəyyən edilsin. Qətnamənin icrası Maraqlı şəxsnə həvalə edilsin. Qətnamədən rəsmi qaydada verildiyi gündən bir ay müddətində Bərdə Rayon Məhkəməsi vasitəsi ilə Azərbaycan Respublikası Gəncə Apellyasiya Məhkəməsinin Mülki Kollegiyasına apellyasiya şikayəti verilə bilər.