Bərdə Rayon Məhkəməsi Qərardad — İş №2(021)-3279/2024

Azərbaycan Respublikası adından QƏRARDAD Bərdə rayonu İş № 2(021)-3279/2024 05.09.2024 BƏRDƏ RAYON MƏHKƏMƏSİ Mən, Bərdə Rayon Məhkəməsinin hakimi Abdullayev Ziya Yaşar oğlu, İddiaçı1, İddiaçı2 qızı Cavabdeh qarşı “Vərəsəlik şəhadətnaməsinin ləğv edlməsi, həmçinin DƏDRX-nın 7 saylı Bərdə Ərazi İdarəsi tərəfindən verilmiş hüquqların Dövlət qeydiyyatı haqqında daşınmaz əmlakın Dövlət reyestrindən çıxarışın ləğv edilməsi və qanun üzrə vərəsələr arasında miras əmlakın bölünməsi, payın müəyyən edilməsi, evdən istifadə hüququnun və evin hissəsinə vərəsəlik hüququnun tanınması və məcburi payların müəyyən edilməsi ” tələbinə dair ərizəsini nəzərdən keçirib Müəyyənetdim: İddiaçı1, İddiaçı2 qızı məhkəməyə müraciət edərək,Cavabdeh adına rəsmiləşdirilmiş Bərdə rayonu Mollaəhmədli kəndinə yerləşən torpaq sahəsi və üzərində olan fərdi yaşayış evinə dair Bərdə şəhər 1 saylı notariat ofisi tərəfindən verilmiş Vərəsəlik şəhadətnaməsinin ləğv edilməsi, həmçinin DƏDRX-nın 7 saylı Bərdə Ərazi İdarəsi tərəfindən verilmiş hüquqların Dövlət qeydiyyatı haqqında daşınmaz əmlakın Dövlət reyestrindən çıxarışın ləğv edilməsi və qanun üzrə vərəsələr arasında miras əmlakın bölünməsi, payın müəyyən edilməsi, evdən istifadə hüququnun və evin hissəsinə vərəsəlik hüququnun tanınması və məcburi payların müəyyən edilməsi barədə qətnamə qəbul edilməsini xahiş etmişdir. Məhkəmə ərizəni və ona əlavə edilmiş sənədləri nəzərdən keçirərək hesab edir ki, aşağıda göstərilənlərə əsasən ərizə geri qaytarılmalıdır. Mülki Prosessual Məcəllənin 152.1.1-ci maddəsinə əsasən iddia ərizəsi bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. İddia ərizəsindən və ona əlavə edilmiş sənədlərdən görünür ki, iddia ərizəsi Azərbaycan Respublikasının Mülki Prosessual Məcəlləsinin (bundan sonra Azərbaycan Respublikası MPM və ya MPM) 149-cu maddəsinin tələbləri pozulmaqla tərtib edilmiş, iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) düzgün göstərilməmişdir. Belə ki, tərəflərin şəxsiyyətini eyniləşdirməyə imkan verən məlumatlar göstərilməmişdir. Bu baxımdan ərizəçi forma və məzmun tələblərini gözləməklə ümumi iddia icraatı qaydasında cavabdehin rəsmi qeydə alındığı yerin məhkəməsinə müraciət etməlidir. 152.1 və 152.1.1-ci maddələrinə görə, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. 152.2-ci maddəsinə əsasən, iddia ərizəsinin qaytarılması haqqında hakim qərardad çıxarır. 152.3-cü maddəsinə əsasən, iddia ərizəsinin qaytarılması haqqında qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi gündən verilmiş hesab edilir. 152.4-cü maddəsinə görə, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. İstinad edilən qanunvericilik normalarının tələblərinə əsasən İddiaçı1, İddiaçı2 qızı Cavabdeh qarşı “Vərəsəlik şəhadətnaməsinin ləğv edlməsi, həmçinin DƏDRX-nın 7 saylı Bərdə Ərazi İdarəsi tərəfindən verilmiş hüquqların Dövlət qeydiyyatı haqqında daşınmaz əmlakın Dövlət reyestrindən çıxarışın ləğv edilməsi və qanun üzrə vərəsələr arasında miras əmlakın bölünməsi, payın müəyyən edilməsi, evdən istifadə hüququnun və evin hissəsinə vərəsəlik hüququnun tanınması və məcburi payların müəyyən edilməsi ”tələbinə dair iddia ərizəsi geri qaytarılmalıdır. İddiaçıya izah edilir ki, qeyd olunan nöqsanları aradan qaldırdıqdan sonra eyni tələblə yenidən məhkəməyə müraciət edə bilər. Şərh olunanlara əsasən və Azərbaycan Respublikasının MPM-nin 149-152-ci maddələrini rəhbər tutaraq Q ə r a r a a l d ı: İddiaçı1, İddiaçı2 qızı Cavabdeh qarşı “Vərəsəlik şəhadətnaməsinin ləğv edlməsi, həmçinin DƏDRX-nın 7 saylı Bərdə Ərazi İdarəsi tərəfindən verilmiş hüquqların Dövlət qeydiyyatı haqqında daşınmaz əmlakın Dövlət reyestrindən çıxarışın ləğv edilməsi və qanun üzrə vərəsələr arasında miras əmlakın bölünməsi, payın müəyyən edilməsi, evdən istifadə hüququnun və evin hissəsinə vərəsəlik hüququnun tanınması və məcburi payların müəyyən edilməsi ” tələbinə dair ərizə geri qaytarılsın. İddiaçı2 tərəfindən ödənilmiş 100 (bir yüz) manat dövlət rüsumu onlara geri qaytarılsın. Qərardaddan 10 gün müddətinə yazılı şəkildə qərardadı qəbul edən məhkəməyə şikayət verilə bilər. Hakim : Ziya Abdullayev