Bərdə Rayon Məhkəməsi Qətnamə — İş №2(021)-751/2025

Azərbaycan Respublikası adından QƏTNAMƏ Bərdə rayonu İş № 2(021)-751/2025 12.03.2025 BƏRDƏ RAYON MƏHKƏMƏSİ Hakim Məhərrəmov Bayram Yusif oğlunun sədrliyi, məhkəmə iclasının katibi X1, Ərizəçi iştirakı ilə, Ərizəçi Maraqlı şəxsnə qarşı “şəxsin vəfat etməsi faktının müəyyən edilməsi” barədə ərizəsi üzrə mülki işə Bərdə Rayon Məhkəməsinin inzibati binasında açıq məhkəmə iclasında baxaraq, məhkəmə M Ü Ə Y Y Ə N E T D İ: Ərizəçinin tələbi: Ərizəçi Maraqlı şəxsnə qarşı ərizə ilə məhkəməyə müraciət edərək, mərhum oğlu X2 21avqust 1990-cı il tarixdə vəfat edərək Bərdə rayon Körpsındıran kənd qəbristanlığında dəfn olunması faltının müəyyən edilməsi barədə qətnamə qəbul olunmasını xahiş etmişdir. Ərizəçi ərizəsini onunla əsaslandırmışdır ki, oğlu X6 11 iyul 1990-cı il tarixdə Bərdə şəhərində doğulmuşdur. X6 21 avqust 1990-cı il tarixdə qəflətən vəfat etmiş və Bərdə rayon Körpüqıran kənd qəbirstanlığında dəfn olunmuşdur. Onlar baş qarışıqlığından mərhum övladına ölüm haqqında şəhadətnamə ala bilməmişdir. Hazırda bir çox sənədlərin hazırlanmasında ondan övladı X2 ölüm haqqında şəhadətnaməsini tələb edilir. Lakin ölüm kağızı olmadığı üçün o, sənədləri hazırlaya bilmir. O, mərhum oğlu X3 ölüm haqqında şəhadətnamə almaq üçün Maraqlı şəxsnə müraciət etmiş, orda isə mərhum övladı Ramil Hüseynovun ölümünü təsdiq edən sənədin olmamasını əsas gətirərək ölüm haqqında şəhadətnamə verməkdən imtina edilərək məhkəməyə müraciət etməli olduğunu bildirmişlər. Tərəflərin iştirakı və izahatları: Məhkəmə iclasında Ərizəçi ərizəsini müdafiə edərək, bildirdi ki, oğlu 11 iyul 1990-cı il tarixdə Bərdə şəhərində doğulmuşdur, oğlu 40 günlük olarkən qızdırması qalxmış, həkimə aparmışlar, həkim müayinə edərək müalicə yazmışdır. Lakin müalicənin heç bir xeyri olmamışdır. Övladı 21 avqust 1990-cı ildə vəfat etmişdir. Onu Bərdə rayonu Körpüqran (indiki Körpüsındıran) kənd qəbristanlığında babasının yanında dəfn etmişlər. Ona ölüm haqqında şəhadətnamə ala bilməmiş, ölüm haqqında şəhadətnamənin olmaması isə evlə bağlı sənədləşmədə problem yaratmışdır. Ərizənin təmin edilməsini xahiş etmişdir. Məhkəmə iclasının yeri və vaxtı barədə lazımi qaydada xəbərdar edilməsinə baxmayaraq Maraqlı şəxs nümayəndəsi məhkəmə iclasına nümayəndəsini göndərməmişdir. Azərbaycan Respublikası Mülki Prosessual Məcəlləsinin 185.6-cı maddəsinin tələblərinə görə işdə iştirak edən şəxsin nümayəndəsinin gəlməməsi işə baxmağa mane olmur. Şərh olunan prosessual hüquq normasına əsaslanaraq məhkəmə işə maraqlı şəxs nümayəndəsinin iştirakı olmadan baxılmasını mümkün sayır. Məhkəmə ərizəçinin izahatını dinləyib, mülki işin materiallarını nəzərdən keçirib belə hesab edir ki, aşağıda göstərilənlərə əsasən ərizə təmin edilməlidir. İş materiallarına istinad: İş materiallarına əlavə edilmiş AZE ******** seriyalı ********* nömrəli şəxsiyyət vəsiqəsinin surətindən müəyyən olunur ki, Ərizəçi xx.xx.1966-cı il tarixdə Ağdərə rayonunda doğulmuşdur, Bərdə rayonu, Körpüqıran kəndində qeydiyyatdadır. İş materiallarına əlavə edilmiş Bərdə rayon Qeydyyat Şöbəsi tərəfindən verilmiş 3 yanvar 2024-cü il tarixli İ-AZ İ 274675 nömrəli doğum haqqında şəhadətnamədən görünür ki, X6 11 iyul 1990-cı il tarixdə doğulmuşdur. Ata qrafasında ata adı X7, ana qrafasında ana adı Ərizəçi kimi qeyd olunmuşdur. İş materiallarına əlavə edilmiş Bərdə rayon Kələntərli kənd inzibati ərazi dairəsi üzrə nümayəndəliyi tərəfindən verilmiş 8 noyabr 2024-cü il tarixli 1796 nömrəli arayışından görünür ki, Ərizəçi Bərdə rayonu, Körpüsındıran kəndində yaşayır. İş materiallarına əlavə edilmiş Bərdə rayon Kələntərli kənd inzibati ərazi dairəsi üzrə nümayəndəliyi tərəfindən verilmiş 8 noyabr 2024-cü il tarixli 1795 nömrəli arayışından görünür ki, Bərdə rayonunu korpüsındıran kəndində xx.xx.1990-cı ildə anadan olmuş, X6 özlərinin dediyinə görə xx.xx.1990-cı ildə vəfat edib və Körpüsındıran kənd qəbristanlığında dəfn olunub. İş materiallarına əlavə edilmiş Maraqlı şəxs tərəfindən verilmiş xx.xx.2024-cü il tarixli məktubdan görünür ki, Ərizəçi mərhum övladının ölüm haqqında şəhadətnaməsini almaq üçün Maraqlı şəxsnə ərizə ilə müraciət etmiş, vətəndaşlıq vəziyyəti aktlarının dövlət qeydiyyatı orqanı ölüm faktını qeydə almaqdan imtina etmişdir. İş materiallarında olan “Tibbi Ərazi Bölmələrini İdarəetmə Birliyi” X13 “Bərdə Rayon Mərkəzi Xəstəxanası” X8 10 yanvar 2025-ci il tarixli 18-1-28/2-47/2025 nömrəli məktubundan görünür ki, 1990-cı il təvəllüdlü X2 ölümü ilə bağlı Bərdə RMX-da hər hansı bir məlumat (xəstəlik tarixi, tibbi şəhadətnamə) aşkar olunmamışdır. İş materiallarına əlavə edilmiş mədaxil qəbzindən görünür ki, Ərizəçi məhkəməyə müraciət etmək üçün 100 manat dövlət rüsumu ödəmişdir. Məhkəmə iclasında şahid qismində izahat vermiş X4 bildirmişdir ki, Ərizəçi əmisi oğlu Arifin həyat yoldaşıdır, əmisi oğlu vəfat edib, onların hazırda 3 uşağı var, oğlu Ramil 1990cı ildə vəfat edib, əmisi nəvəsi Ramili əmisinin yanında dəfn ediblər. Tətbiq edilən hüquq: Azərbaycan Respublikası Mülki Prosessual Məcəlləsinin: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. 76.1 və 76.2-ci maddələrinə əsasən tərəflərin tələb və etirazlarını əsaslandıran halların və işi düzgün həll etmək üçün əhəmiyyətli olan başqa halların mövcud olduğunu və ya olmadığını məhkəmə müəyyən edərkən həmin Məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur.Bu məlumatlar yazılı və maddi sübutlarla, ekspertlərin rəyləri ilə, yerində müayinə keçirməklə, səs və video yazıları ilə, şahidlərin ifadələri ilə, işdə iştirak edən şəxslərin izahatları ilə müəyyən edilir. 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. 307.2.8-ci maddəsində göstərilir ki, müvafiq icra hakimiyyəti orqanlarının imtina etdiyi hallarda şəxsin müəyyən vaxtda, müəyyən şəraitdə vəfat etməsi faktının müəyyən edilməsinə dair işlərə məhkəmədə baxılır. 308-ci maddəsinə əsasən məhkəmə hüquqi əhəmiyyətli olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. 311-ci maddəsinə əsasən məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydə alınma üçün əsasdır. «Hüquqi əhəmiyyəti olan faktların müəyyən edilməsinə dair işlər üzrə məhkəmə təcrübəsinin bəzi məsələləri haqqında» Azərbaycan Respublikası Ali Məhkəməsi Plenumunun 03 №-li 12 aprel 2019-cu il tarixli qərarı ilə müəyyən edilmişdir ki, Azərbaycan Respublikası MPM-nin 307.2.8-ci maddəsində şəxsin müəyyən vaxtda və müəyyən şəraitdə vəfat etməsi faktının müəyyən edilməsi haqqında işlərə baxılarkən məhkəmələr ilk növbədə nəzərə almalıdırlar ki, Azərbaycan Respublikası Nazirlər Kabinetinin 2003-ci il 31 oktyabr tarixli, 145 nömrəli Qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı Qaydası”nın 8.5-ci bəndinə əsasən ölüm faktı tibb müəssisəsinin müvafiq sənədi ilə (ölüm haqqında həkim arayışı, ölüm haqqında feldşer arayışı ilə) təsdiq edilməlidir. Ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. Məhkəmənin mövqeyi: Məhkəmə yuxarıda qeyd olunan maddələrin tələblərinə əsasən və araşdırılmış sübutların məcmuuna qiymət verərək belə hesab edir ki, Ərizəçi mərhum oğlu X2 21 avqust 1990-cı il tarixdə vəfat etməsi faktının müəyyən olunması işdə olan sənədlər və digər sübutlarla təsdiq edildiyindən ərizəsi təmin edilməli, X2 21 avqust 1990-cı il tarixdə vəfat etməsi faktı müəyyən olunmalıdır. Bundan başqa məhkəmə hesab edir ki, Azərbaycan Respublikası MPM-in 119-cu maddəsinə əsasən iş üzrə ödənilmiş 100 manat dövlət rüsumu ərizəçiyə aid edilməlidir. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 216-220, 307, 311 və 360-cı maddələrini rəhbər tutaraq, məhkəmə QƏTETDİ: Ərizəçi “şəxsin vəfat etməsi faktının müəyyən edilməsi” barədə ərizə təmin edilsin. 11 iyul 1990-cı il təvəllüdlü X2 21 avqust 1990-cı il tarixdə Bərdə rayonu, Körpüsındıran kəndində vəfat etməsi faktı müəyyən edilsin. İş üzrə ödənilmiş 100 manat dövlət rüsumu ərizəçiyə aid edilsin. Qətnamədən tərəflərə rəsmi qaydada verildiyi gündən 1 (bir) ay müddətində Bərdə Rayon Məhkəməsi vasitəsi ilə Gəncə Apellyasiya Məhkəməsinin Mülki Kollegiyasına apellyasiya şikayəti verilə bilər. Hakim: Bayram Məhərrəmov