Qusar Rayon Məhkəməsi Qərardad — İş №2(029)-822/2021

Azərbaycan Respublikası adından QƏRARDAD Qusar şəhəri İş № 2(029)-822/2021 09.09.2021 QUSAR RAYON MƏHKƏMƏSİ Mən, Qusar rayon məhkəməsinin hakimi Vəliyev Adil Yaqub oğlu Ərizəçi Maraqlı şəxsnə qarşı hüquqi əhəmiyyəti olan faktın müəyyən edilməsinə dair ərizəsinə baxaraq, Müəyyənetdim: Ərizəçi Maraqlı şəxsnə qarşı hüquqi əhəmiyyəti olan faktın müəyyən edilməsinə dair ərizə ilə məhkəməyə müraciət etmişdir. İş materiallarından görünür ki, ərizədə Azərbaycan Respublikasının MPM-nin 307.2.3-cü maddəsinə istinad olunmaqla X1 30 oktyabr 2001-ci il tarixdə Qusar rayonu Cibir kəndində ölümünün qeyd edilmə faktının müəyyən edilməsi tələb olunsa da, ölümün qeydə alınmasına dair müvafiq qeydin itməsi, məhv olması və s. səbəblərdən vətəndaşlıq vəziyyəti aktlarının qeydiyyatını aparan orqan tərəfindən verilməsinin mümkün olmamasına dair müvafiq arayış ərizəyə əlavə olunmamışdır. Həmçinin, ərizənin məzmunundan və ona əlavə olunmuş sənədlərdən görünür ki, Fizabani Cəbrayılovanın ölümü ümumiyyətlə vətəndaşlıq vəziyyəti aktlarının qeydiyyatını aparan orqanda qeydə alınmamışdır. Azərbaycan Respublikasının MPM-nin 149.2.3-cü maddəsinə əsasən ərizədə iddiaçının və ya ərizəçinin tələbi, onların öz tələblərini əsaslandırdıqları hallar, iddia bir neçə cavabdehə verildikdə isə onların hər birinə qarşı yönələn tələbgöstərilməlidir. Həmin Məcəllənin 150.0.5-ci maddəsinə əsasən iddiaçının öz tələblərini əsaslandırdığı hallara dair sənədlər, əgər bu sənədlərin surətləri cavabdehlər və üçüncü şəxslərdə yoxdursa, onlara verilmək üçün bu sənədlərin surətləri iddia ərizəsinə əlavə edilir. Beləliklə, ərizə Azərbaycan Respublikasının MPM-nin 149-cu maddəsinin tələbləri pozulmaqla məhkəməyə verilmişdir. Azərbaycan Respublikasının MPM-nin 152.1.1-ci maddəsinəəsasən ərizənin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Ona görə də, hesab edirəm ki, ərizə geri qaytarılmalıdır. Yuxarıda göstərilənlərə əsasən və Azərbaycan Respublikasının MPM-nin 152, 263- 264, 267-268-ci maddələrini rəhbər tutaraq, Qərara aldım: Ərizə və ona əlavə edilmiş sənədlər Ərizəçi geri qaytarılsın. Ərizəçi izah edilsin ki, göstərilən nöqsanlar aradan qaldırıldıqdan sonra yenidən ümumi qaydada ərizə ilə aidiyyəti üzrə məhkəməyə müraciət etmək olar. Qərardaddan tərəfə rəsmi qaydada verildikdən sonra 10 gün müddətində Qusar rayon məhkəməsinə şikayət vermək olar. Qusar rayon məhkəməsinin hakimi: Adil Vəliyev