Şabran Rayon Məhkəməsi Qətnamə — İş №2(031)-697/2025

Azərbaycan Respublikası adından QƏTNAMƏ Şabran şəhəri İş № 2(031)-697/2025 28.07.2025 ŞABRAN RAYON MƏHKƏMƏSİ Hakim Məmmədov Ayaz Süleyman oğlunun sədrliyi, X4 katibliyi, Ərizəçi iştirakı ilə, Ərizəçi maraqlı şəxs Azərbaycan Respublikasının Ədliyyə Nazirliyi Maraqlı şəxsnə qarşı “ölüm faktının müəyyən edilməsi” tələbinə dair ərizəsi üzrə mülki işə Şabran Rayon Məhkəmə binasında açıq məhkəmə iclasında baxaraq, məhkəmə MÜƏYYƏN ETDİ: Ərizəçi maraqlı şəxs Azərbaycan Respublikasının Ədliyyə Nazirliyi Maraqlı şəxsnə qarşı “ölüm faktının müəyyən olunması” tələbinə dair iddia ərizəsi ilə məhkəməyə müraciət edərək, xx.xx.1982-ci ildə Şuşa şəhərində doğulmuş X1 xx.xx.1984-cü ildə Xaçmaz rayonunda vəfat etməsi faktının müəyyən edilməsi barədə qətnamə çıxarılmasını xahiş etmişdir. Ərizəni onunla əsaslandırmışdır ki, X2 onun qızı olmuşdur. Qızı xx.xx.1982-ci ildə Şuşa şəhərində anadan olmuş və xx.xx.1984-cü ildə Xaçmaz rayonunda vəfat etmiş və Köhnə Xaçmaz kənd qəbristanlığında dəfn olunmuşdur. Vəfat edərkən təcili tibbi yardım çağırılmadığı üçün ölüm haqqında tibbi arayış alınmamışdır. Qızı üçün ölüm haqqında şəhadətnamə almaqdan ötrü Maraqlı şəxsnə müraciət etmişdir. Lakin bildirilmişdir ki, ölüm haqqında tibbi şəhadətnamə olmadığından Qeydiyyat şöbəsi tərəfindən ölüm haqqında şəhadətnamə verilə bilməz, bu barədə məhkəməyə müraciət edilməlidir. Bundan başqa qızının doğum haqqında şəhadətnamə əldə bilmirlər, onlara izah edilmişdir ki, doğum şəhadətnaməsinin əldə edilməsi üçün Ədliyyə Nazirliyinin Ədliyyə Sahəsinsə Xidmətlər İdarəsinə müraciət olunmalıdır. Ona görə də məcbur olaraq məhkəməyə müraciət etmişdir. Məhkəmə iclasında iştirak edən Ərizəçi ərizənin məzmununa uyğun izahat verərək, onun təmin edilməsini məhkəmədən xahiş etmişdir. Maraqlı şəxs məhkəmə iclasının vaxtı və yeri barədə lazımi qaydada məlumatlandırılsa da, məhkəmə iclasında nümayəndəsinin iştirakını təmin etməmişdir. Məhkəmə analogiya tətbiq edərək, Azərbaycan Respublikası MPM-nin 185.5-ci maddəsinə əsasən maraqlı şəxsin nümayəndəsinin iştirakı olmadan işə baxılmasını mümkün hesab etmişdir. Məhkəmə iclasında şahid qismində iştirak edən X3 öz izahatında bildirmişdir ki, Ərizəçi onun eltisidir. Onun 1982-ci ilin dekabrında bir qız uşağı olmuşdur, adı Gülmirə idi, Gülmirə xəstə olduğu üçün iki yaşı olmamış 1984-cü ilin aprel ayında vəfat etmiş və Köhnə Xaçmaz kənd qəbiristanlığında dəfn edilmişdir. Yas mərasimlərində qohum kimi iştirak etmişdir. Məhkəmə iclasında iştirak edən şahid X5 öz izahatında bildirmişdir ki, Ərizəçi qardaşının həyat yoldaşıdır. Onun 1982-ci ilin dekabrında Gülmirə adlı bir qız uşağı olmuşdur, Gülmirənin başında şiş olduğu üçün xəstəlikdən 1984-cü ilin aprel ayında vəfat etmiş və Köhnə Xaçmaz kənd qəbiristanlığında dəfn edilmişdir. Yas mərasimlərində yaxın qohum kimi iştirak etmişdir. Məhkəmə ərizəçinin və şahidlərin izahatlarını dinləyib, iş materiallarını araşdırıb və sübutlara məcmu halda hüquqi qiymət verərək hesab edir ki, ərizə təmin edilməlidir. Belə ki, məhkəmə Mülki Prosessual Məcəlləsinin 305.1.1, 307.1, 307.2.3, 308, 309.1 və 310-311-ci maddələrinin tələblərini rəhbər tutaraq, müəyyən etmişdir ki, xx.xx.1982-ci ildə Şuşa şəhərində doğulmuş X2 xx.xx.1984-cü ildə Xaçmaz rayonunda vəfat etmişdir. İş materiallarında olan Azərbaycan Respublikasının Ədliyyə Nazirliyi Maraqlı şəxs tərəfindən verilmiş xx.xx.2025-ci il tarixli, 24 nömrəli məktubda göstərilmişdir ki, ölüm haqqında tibbi şəhadətnamə şöbəyə təqdim edilmədiyindən xx.xx.1982-ci ildə Şuşa şəhərində doğulmuş X1 ölümünün qeydə alınması mümkün deyildir. Azərbaycan Respublikası Mülki Prosessual Məcəlləsinin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Beləliklə, məhkəmə qeyd edir ki, iş materiallarının məcmusu ərizənin doğruluğunu təsdiq edir. Belə olduğu halda, məhkəmə hesab edir ki, ərizə əsaslı olub təmin edilməli, xx.xx.1982-ci ildə Şuşa şəhərində doğulmuş X1 xx.xx.1984-cü ildə Xaçmaz rayonunda vəfat etməsi faktı müəyyən edilməlidir. Yuxarıdakılara əsasən və Azərbaycan Respublikası Mülki Prosessual Məcəlləsinin 14.2, 77.1, 88, 216-220, 227, 358, 360 və 362-ci maddələrini rəhbər tutaraq, məhkəmə QƏT ETDİ: Ərizə təmin edilsin. xx.xx.1982-ci ildə Şuşa şəhərində doğulmuş X1 xx.xx.1984-cü ildə Xaçmaz rayonunda vəfat etməsi faktı müəyyən edilsin. Qətnamə işdə iştirak edən şəxslərə rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılan elektron kabinetdən Şabran Rayon Məhkəməsi vasitəsilə Sumqayıt Apellyasiya Məhkəməsinin Mülki Kollegiyasına apellyasiya şikayəti verilə bilər. Sədrlik edən: Ayaz Məmmədov