Yevlax Rayon Məhkəməsi Qətnamə — İş №2(039)-1784/2021

Azərbaycan Respublikası adından QƏTNAMƏ Yevlax Rayou İş № 2(039)-1784/2021 31.08.2021 YEVLAX RAYON MƏHKƏMƏSİ Hakim Cavadova Günay İsmayıl qızının sədrliyi, Qasımov Nurlan Asif oğlunun katibliyi, Ərizəçi iştirakı ilə, Ərizəçi “şəxsin vəfat etməsi faktının müəyyən edilməsinə” dair ərizəsinə Yevlax Rayon Məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: Ərizəçi Maraqlı şəxs qeyd etməklə, şəxsin vəfat etməsi faktının müəyyən edilməsinə dair ərizə ilə Yevlax Rayon Məhkəməsinə müraciət edərək, 21.12.1953-ci il təvəllüdlü atası X3 26.11.2011-ci il tarixdə vəfat etməsi faktının müəyyən edilməsinə dair qətnamə çıxarılmasını xahiş etmişdir. Ərizəçi ərizəsində göstərmişdir ki, X5 onun doğma atasıdır. X5 21.12.1953-cü il tarixdə Yevlax rayonunda anadan olmuş, 26.11.2011-ci il tarixdə Rusiya Federasiyasında cəzaçəkmə müəssisəsində xəstəlik səbəbindən vəfat etmişdir. Atası Yevlax şəhərində Dəvəçi qəbirstanlığında dəfn edilmişdir. Atasının ölümü barədə tibbi şəhadətnamə ala bilmədiyindən mərhum atasının ölüm faktı qeydiyyat orqanında qeyd etdirməmişdir. Atasının ölüm haqqında şəhadətnaməsinin olmaması ona bir sıra mülki hüquqlarını həyata keçirmisənə mane olur. Bu barədə Maraqlı şəxsnə müraciət etmiş, lakin tələbi təmin edilməmişdir. Qeyd olunan faktı başqa cür əldə edə bilmədiyindən məhkəməyə müraciət etmək məcburiyyətində qalmışdır. Məhkəmə iclasının vaxtı və yeri barədə lazımi qaydada xəbərdar edilmiş Maraqlı şəxs nümayəndəsinin məhkəmə iclasında iştirakını təmin etmədiyindən və bu barədə məhkəməyə heç bir məlumat vermədiyindən Azərbaycan Respublikası Mülki-Prosessual Məcəlləsinin 185-ci maddəsinin tələblərinə əsasən işə maraqlı şəxsin nümayəndəsinin iştirakı olmadan baxmışdır. Məhkəmə iclasında iştirak edən Ərizəçi ərizəsinə uyğun izahat verərək məhkəmədən ərizənin təmin olunmasını xahiş etdi. Məhkəmə hesab edir ki, ərizə təmin olunmalıdır. Məhkəmə gəldiyi nəticəni aşağıda qeyd olunanlarla əsaslandırır. İş materiallarında Maraqlı şəxs tərəfindən Ərizəçi ünvanlanmış 30.07.2021-ci il tarixli, 1528 №li məktubda X3 ölümünü təsdiq edən tibbi şəhadətnamə təqdim edildikdən sonra ona ölüm haqqında şəhadətnamənin verilməsinin mümkün olduğu bildirilmişdir. İş materiallarında olan elektron portaldan çıxarışdan görünür ki, X5 21.12.1953-cü ildə Yevlax şəhərində anadan olmuş, Yevlax şəhəri Bakıxanov küçəsi ev 53 ünvanında qeydiyyatda olmuş və ona Yevlax rayon Polis Şöbəsi tərəfindən 17.02.2004-cü il tarixli, AZE seriyalı, ******* nömrəli şəxsiyyət vəsiqəsi verilmişdir. İş materiallarında olan 18.11.2020-ci il tarixdə verilmiş nikah haqqında arayışdan görünür ki, X5 ilə X1 arasında bağlanmış nikah 1984-cü ilin aprel ayının 25-ci günündə akt qeydləri kitabında 136 nömrə ilə qeyd edilmişdir. Nikah bağlandıqdan sonra ərə Hüseynov, arvada isə Hüseynova soyadı verilmişdir. Məhkəmə iclasında şahid qismində dindirilmiş Hüseynova Solmaz Məmməd qızı və X4 ifadələrində ərizəçinin anası və qonşusu olduqlarını, X3 26.11.2011-ci ildə Rusiya Federasiyasında cəzaçəkmə müəssisəsində öldüyünü və Yevlax şəhər Dəvəçi qəbirstanlığında dəfn olunduğunu bildirmişlər. Azərbaycan Respublikası Nazirlər Kabinetinin 31.10.2003-cü il tarixli, 145 №-li qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı Qaydası”nın 8.5ci bəndinə görə ölüm faktı tibb müəssisəsinin müvafiq sənədi ilə (ölüm haqqında həkim arayışı, ölüm haqqında feldşer arayışı ilə) təsdiq edilməlidir, ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. Azərbaycan Respublikası Mülki-Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.8-ci maddəsinə görə məhkəmə, müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktının müəyyən edilməsi barədə işlərə baxır. Həmin Məcəllənin 311-ci maddəsinə əsasən məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Məhkəmə araşdırması zamanı iş üzrə toplanmış və tədqiq olunmuş ərizəçinin izahatı, şahid ifadələri və digər mötəbər sübutlar əsasında təsdiq olundu ki, 21.12.1953-cü ildə Yevlax şəhərində doğulmuş X5 26.11.2011-ci il tarixdə Rusiya Federasiyasının Moskva şəhərində ölmüşdür. Ərizəçi atasının ölməsinə dair hüquqi əhəmiyyəti olan faktı təsdiq edən lazımi sənədləri başqa qaydada ala bilmədiyindən düzgün olaraq məhkəməyə müraciət etmişdir. Ona görə də məhkəmə qeyd olunan halları əsas götürərək hesab edir ki, ərizə əsaslıdır və təmin edilməlidir. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 216-220 və 311-ci maddələrini rəhbər tutaraq, məhkəmə QƏT ETDİ: Ərizə təmin edilsin. 21.12.1953-cü ildə Yevlax şəhərində doğulmuş X3 26.11.2011-ci il tarixində Rusiya Federasiyasının Moskva şəhərində vəfat etməsi faktı müəyyən edilsin. Qətnamə ölümün müvafiq icra orqanında qeydə alınması üçün əsasdır. Qətnamədən rəsmi qaydada verildiyi gündən bir ay müddətində Yevlax Rayon Məhkəməsi vasitəsi ilə Şəki Apellyasiya Məhkəməsinə apellyasiya şikayəti verilə bilər. Hakim Günay Cavadova