Yevlax Rayon Məhkəməsi Qətnamə — İş №2(039)-258/2024

Azərbaycan Respublikası adından QƏTNAMƏ Yevlax Rayou İş № 2(039)-258/2024 22.01.2024 YEVLAX RAYON MƏHKƏMƏSİ Hakim Əliyev Kamil Çingiz oğlunun sədrliyi, Sadıqov Mehman Əlixan oğlunun katibliyi, Ərizəçi iştirakı ilə, Ərizəçi “şəxsin vəfat etməsi faktının müəyyən edilməsinə” dair ərizəsinə Yevlax Rayon Məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: Ərizəçi şəxsin vəfat etməsi faktının müəyyən edilməsinə dair ərizə ilə Yevlax Rayon Məhkəməsinə müraciət edərək, mərhum övladı X4 xx.xx.2000-ci il tarixdə Yevlax rayonu Tanrıqulular kəndində vəfat etməsi faktının müəyyən edilməsinə dair qətnamə çıxarılmasını xahiş etmişdir. Ərizəçi ərizəsində göstərmişdir ki, xx.xx.1980-ci il təvəllüdlü X9 onun doğma övladı olmuş, xx.xx.2000-ci il tarixdə yaşadığı Yevlax rayonu Tanrıqulular kəndində elektrik cərəyanı vurması nəticəsində vəfat etmiş və həmin kəndin qəbristanlığında dəfn edilmişdir. Mərhum övladı X4 ölümü qeydiyyat orqanında qeyd edilməmişdir. Lakin mərhum övladının ölümü barədə qeydiyyat orqanında məlumat vermədiyi üçün ölüm haqqında şəhadətnamə almamışlar. Hazırda müəyyən mülki hüquqlarının həyata keçirilməsi ilə əlaqədar mərhum övladı Vüsal Bayramovun ölüm haqqında şəhadətnaməsi tələb olunur. Bu barədə aidiyyəti üzrə Maraqlı şəxsnə müraciət etmiş, lakin tələbi təmin edilməmişdir. Qeyd olunan faktı başqa cür əldə edə bilmədiyindən məhkəməyə müraciət etmək məcburiyyətində qalmışdır. Məhkəmə iclasının vaxtı və yeri barədə lazımi qaydada xəbərdar edilmiş Maraqlı şəxs nümayəndəsinin məhkəmə iclasında iştirakını təmin etmədiyindən Azərbaycan Respublikası Mülki-Prosessual Məcəlləsinin 185-ci maddəsinin tələblərinə əsasən işə maraqlı şəxsin nümayəndəsinin iştirakı olmadan baxır. Məhkəmə iclasında iştirak edən Ərizəçi ərizəsinə uyğun izahat verərək məhkəmədən ərizəsinin təmin olunmasını xahiş etdi. Məhkəmə hesab edir ki, ərizə təmin olunmalıdır. Məhkəmə gəldiyi nəticəni aşağıda qeyd olunanlarla əsaslandırır. İş materiallarında olan və məhkəmə baxışı zamanı tədqiq edilmiş; Maraqlı şəxs tərəfindən Ərizəçi ünvanlanmış xx.xx.2023-cü il tarixli, 3472 №li məktubda X7 ölümünü təsdiq edən tibbi şəhadətnamə təqdim edildikdən sonra ona ölüm haqqında şəhadətnamənin verilməsinin mümkün olduğu bildirilmişdir. Maraqlı şəxs tərəfindən xx.xx.2023-cü il tarixdə verilmiş 3554 № doğum haqqında arayışdan görünür ki, xx.xx.1980-cı il təvəllüdlü X4 atası Ərizəçi Qinyaz oğlu anası X3r. xx.xx.2023-cü il tarixli aktdan görünür ki, Yevlax rayonu Tanrıqulular kənd sakinilər atası Ərizəçi, anası X5, X1, X8 və X2 rayonu Tanrıqulular kəndi sakini mərhum X9 xx.xx.1980-cı ildə doğulub xx.xx.2000-ci ildə Yevlax rayonu Tanrıqulular kəndində elektirik cərəyanı vurulması nəticəsində vəfat etmiş və Tanrıqulular kənd qəbristanlığında dəfn olunmuş və mərasimdə iştirak etmişdirlər. Yevlax rayonu Tanrıqulular kənd inzibati ərazi dairəsi üzrə nümayəndəli tərəfindən verilmiş 20 noyabr 2023-cü il tarixli, 5-9-16/2-610/2023 №-li arayışdan görünür ki, Ərizəçi həqiqətən Yevlax rayonu Tanrıqulular kəndində yaşayır və qeydiyyatdadır. Məhkəmə iclasında şahid qismində dindirilmiş X10 və X1 ifadələrində ərizəçinin həmkəndlisi və qonşusu olduqlarını, X9 xx.xx.2000-ci ildə Yevlax rayonu Tanrıqulular kəndində öldüyünü və kənd qəbirstanlığında dəfn olduğunu bildirmiş və müvafiq fotoşəkilləri təqdim etmişdir. Azərbaycan Respublikası Nazirlər Kabinetinin xx.xx.2003-cü il tarixli, 145 №-li qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı Qaydası”nın 8.5-ci bəndinə görə ölüm faktı tibb müəssisəsinin müvafiq sənədi ilə (ölüm haqqında həkim arayışı, ölüm haqqında feldşer arayışı ilə) təsdiq edilməlidir, ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. Azərbaycan Respublikası Mülki-Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.8-ci maddəsinə görə məhkəmə, müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktının müəyyən edilməsi barədə işlərə baxır. Həmin Məcəllənin 311-ci maddəsinə əsasən məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Məhkəmə araşdırması zamanı iş üzrə toplanmış və tədqiq olunmuş ərizəçinin izahatı, şahid ifadələri və digər mötəbər sübutlar əsasında təsdiq olundu ki, X9 xx.xx.2000ci il tarixdə Yevlax rayonu Tanrıqulular kəndində ölmüşdür. Ərizəçi övladının ölməsinə dair hüquqi əhəmiyyəti olan faktı təsdiq edən lazımi sənədləri başqa qaydada ala bilmədiyindən düzgün olaraq məhkəməyə müraciət etmişdir. Ona görə də məhkəmə qeyd olunan halları əsas götürərək, hesab edir ki, ərizə təmin edilməldir. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 216-220 və 311-ci maddələrini rəhbər tutaraq, məhkəmə QƏT ETDİ: Ərizə təmin edilsin. X4 xx.xx.2000-ci il tarixdə Yevlax rayonu Tanrıqulular kəndində vəfat etməsi faktı müəyyən edilsin. Qətnamə ölümün müvafiq icra orqanında qeydə alınması üçün əsasdır. Qətnamədən rəsmi qaydada verildiyi gündən bir ay müddətində Yevlax Rayon Məhkəməsi vasitəsi ilə (Elektron Məhkəmə İnformasiya Sistemində yaradılmış Elektron Kabinetdən istifadə edilməklə) Şəki Apellyasiya Məhkəməsinə apellyasiya şikayəti verilə bilər. Hakim Kamil Əliyev