Yevlax Rayon Məhkəməsi Qətnamə — İş №2(039)-804/2025

Azərbaycan Respublikası adından QƏTNAMƏ Yevlax Rayou İş № 2(039)-804/2025 03.04.2025 YEVLAX RAYON MƏHKƏMƏSİ Hakim Əlizadə Ruslan Əliyar oğlunun sədrliyi, Vəliyev Rövşən Rafail oğlunun katibliyi, Ərizəçi iştirakı ilə, Ərizəçi Maraqlı şəxsnə qarşı “şəxsin vəfat etmə faktının müəyyən edilməsi” haqqında ərizəsi üzrə mülki işə 03 aprel 2025-ci il tarixdə Yevlax Rayon Məhkəməsinin binasında açıq məhkəmə iclasında baxaraq, M Ü Ə Y Y Ə N E T D İ: Ərizəçi maraqlı orqan Maraqlı şəxsnə qarşı “şəxsin vəfat etmə faktının müəyyən edilməsi” haqqında ərizə ilə məhkəməyə müraciət edərək, mərhum atası X3 26 sentyabr 2024-cü il tarixdə Yevlax rayonunun Kövər kəndində vəfat etməsi faktının müəyyən edilməsi tələbinə dair qətnamə çıxarılmasını xahiş etmişdir. Ərizəçi ərizəni müdafiə edərək izah etdi ki, atası X5 26 sentyabr 2024-cü il tarixdə vəfat etmişdir. Yevlax rayonunun Malbinəsi kənd qəbiristanlığında dəfn olunmuşdur. Onun ölümü barədə şəhadətnamə almamışdır. Verilmiş suala cavab olaraq bildirdi ki, Yevlax rayonunun Kövər kəndinin qəbiristanlığı, Yevlax rayonunun Malbinəsi kəndində yerləşir. Ərizəçi məhkəmədən ərizənin təmin olunmasına dair qətnamə çıxarılmasını xahiş etdi. Maraqlı şəxs məhkəməyə ərizə ünvanlayaraq, işə iştirakları olmadan baxılmasını xahiş etmişdir. Məhkəmə iclasında şahid qismində dindirilən Şahid1 ifadə verərək göstərdi ki, ərizəçi onun qonşusudur. Ərizəçinin atası 26 sentyabr 2024-cü il tarixdə vəfat etmişdir. Dəfində iştirak etmişdir. Məhkəmə iclasında şahid qismində dindirilən Şahid2 ifadə verərək göstərdi ki, ərizəçi, onun dayısıdır mərhum isə babasıdır. 26 sentyabr 2024-cü ildə vəfat etmişdir. Yevlax rayonunun Malbinəsi kənd qəbiristanlığında dəfn olunmuşdur. Məhkəmə iş materiallarını araşdıraraq, ərizəçinin izahatını və şahidlərin ifadəsini dinləyərək hesab edir ki, ərizə təmin edilməlidir. İş materiallarında olan və məhkəmə iclasında tədqiq edilən, Azərbaycan Respublikasının Ədliyyə Nazirliyi Maraqlı şəxs 07 fevral 2025-ci il tarixli, 246 nömrəli məktubdan məlum olur ki, Ərizəçi məhkəməyə müraciət etməsi bildirilmişdir. İş materiallarında olan və məhkəmə iclasında tədqiq edilən, 27 oktyabr 1970-ci il tarixli, A3 ******* nömrəli doğum haqqında şəhadətnamədən məlum olur ki, Ərizəçi xx xxxxxxx 1970-ci il tarixdə anadan olmuş, atası X4, anası isə X6r. İş materiallarında olan və məhkəmə iclasında tədqiq edilən, Təcili və X2 Xəbərdarlıq vərəqəsindən məlum olur ki, X3 həkimə qədər ölümü qeyd olunmuşdur. İş materiallarında olan və məhkəmə iclasında tədqiq edilən, Azərbaycan Respublikası “Tibbi Ərazi Bölmələrini İdarəetmə Birliyi” X11 28 yanvar 2025-ci il tarixli, 18-1- 82/2-M-327-xx-xx/2025 nömrəli məktubundan məlum olur ki, X5 barəsində ölüm haqqında tibbi şəhadətnaməsinin verilməsi “Yevlax rayon Mərkəzi Xəstəxanası” PHŞ-nin səlahiyyətləri xaricində olduğu üçün məhkəməyə müraciət edilməsi bildirilmişdir. İş materiallarında olan və məhkəmə iclasında tədqiq edilən, Azərbaycan Respublikası Yevlax şəhər İcra Hakimiyyəti Başçısının Kövər kənd İƏD üzrə nümayəndəliyi tərəfindən verilmiş 16 dekabr 2024-cü il tarixli, 5-9-11/2-447/2024 nömrəli arayışdan məlum olur ki, Yevlax rayonunun Kövər kəndində yaşamış X5 26 sentyabr 2024-cü il tarixdə vəfat etmişdir. Azərbaycan Respublikasının MPM-nin 307.2.3 maddəsinə əsasən, şəxsin ölümünün qeyd edilmə faktı məhkəmə qaydasında müəyyən edilir. Azərbaycan Respublikası MPM-nin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Beləliklə, məhkəmə iclasında ərizəçinin izahatı və təqdim olunmuş sənədlərlə təsdiq olundu ki, ərizəçinin oğlu X5 26 sentyabr 2024-cü il tarixdə vəfat etmişdir. Onun ölüm haqqında şəhadətnaməsi alınmamışdır. Hazırda ərizəçinin sosial hüquqlarının həyata keçirməsi üçün ölüm barədə şəhadətnamə tələb olunur. Ölümün başqa qaydada təsdiq edilməsi mümkün deyil. Məhkəmə belə hesab edir ki, X3 26 sentyabr 2024-cü il tarixdə vəfat etməsi barədə hüquqi əhəmiyyəti olan fakt müəyyən edilməlidir. Azərbaycan Respublikası MPM-nin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə görə isə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Məhkəmə iş üzrə sübutlara MPM-nin 88-ci maddəsinin tələblərinə uyğun olaraq obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət vermiş, ərizədə qoyulmuş tələb üzrə nəticəyə gələrkən isə Mülki Prosessual Məcəllənin 217.4-cü maddəsində təsbit edilmiş bilavasitəlilik prinsipinə uyğun olaraq yalnız məhkəmə iclasında tədqiq olunmuş sübutlara əsaslanmışdır. Göstərilənlərə əsasən və Azərbaycan Respublikası MPM-nin 216-220, 227, 233, 307, 307.2, 307.2.3, 311, 360-cı maddələrini rəhbər tutaraq, məhkəmə Q Ə T E T D İ: Ərizə təmin edilsin. X3 26 sentyabr 2024-cü il tarixdə vəfat etməsi barədə hüquqi əhəmiyyəti olan fakt müəyyən edilsin. X1 Qeydiyyat orqanlarında ölüm faktının qeydi üçün əsasdır. Qətnamədən rəsmi qaydada verildiyi gündən bir ay müddətində Yevlax Rayon Məhkəməsi vasitəsilə Şəki Apellyasiya Məhkəməsinə (Elektron Məhkəmə İnformasiya Sistemində yaradılmış Elektron Kabinetdən istifadə edilməklə) apelyasiya şikayəti verilə bilər. Sədrlik edən Ruslan Əlizadə