Yevlax Rayon Məhkəməsi Qətnamə — İş №2(039)-828/2023

Azərbaycan Respublikası adından QƏTNAMƏ Yevlax Rayou İş № 2(039)-828/2023 05.04.2023 YEVLAX RAYON MƏHKƏMƏSİ Hakim Əliyev Kamil Çingiz oğlunun sədrliyi, Qasımov Nurlan Asif oğlunun katibliyi, Ərizəçi iştirakı ilə, Ərizəçi “şəxsin vəfat etməsi faktının müəyyən edilməsinə” dair ərizəsinə Yevlax Rayon Məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: Ərizəçi şəxsin vəfat etməsi faktının müəyyən edilməsinə dair ərizə ilə Yevlax Rayon Məhkəməsinə müraciət edərək, onun mərhum qardaşı xx.xx.1992-ci il tarixdə Yevlax şəhərində vəfat etməsi faktının müəyyən edilməsinə dair qətnamə çıxarılmasını xahiş etmişdir. Ərizəçi ərizəsində göstərmişdir ki, ərizəçinin X1 xx.xx.1992-ci il tarixdə vəfat etmişdir. Qardaşı çox gənc yaşlarında vəfat etmiş və onun vaxtsız vəfatı ilə bağlı hədsiz kədər içərisində olduğundan onun bütün ailə üzvləri hüquqi məlumatsızlığından qardaşının ölüm aktını aidiyyəti üzrə hal-hazıradək qeyd etdirməmişlər. Həmin faktın təstiqi onun atasından miras qalmış fərdi yaşayış evinin sənədləşdirilərək həmin daşınmaz əmlakın vərəsəlik işinin açılması ilə bağlıdır. X1 xx.xx.1992-ci ildə Yevlax rayonu Köyük kənd qəbirstanlığında dəfn olunmuş və qəbr daşı qoyulmuşdur. Mərhum qardaşı Əhliman Rəhimovun adına ölüm haqqında şəhadətnamə almaq üçün Maraqlı şəxsnə müraciət etmiş, lakin tələbi təmin edilməmişdir. Qeyd olunan faktı başqa cür əldə edə bilmədiyindən məhkəməyə müraciət etmək məcburiyyətində qalmışdır. Məhkəmə iclasının vaxtı və yeri barədə lazımi qaydada xəbərdar edilmiş Maraqlı şəxs nümayəndəsinin məhkəmə iclasında iştirakını təmin etmədiyindən Azərbaycan Respublikası Mülki-Prosessual Məcəlləsinin 185-ci maddəsinin tələblərinə əsasən işə maraqlı şəxsin nümayəndəsinin iştirakı olmadan baxır. Məhkəmə iclasında iştirak edən Ərizəçi ərizəsinə uyğun izahat verərək məhkəmədən ərizəsinin təmin olunmasını xahiş etdi. Məhkəmə hesab edir ki, ərizə təmin olunmalıdır. Məhkəmə gəldiyi nəticəni aşağıda qeyd olunanlarla əsaslandırır. İş materiallarında olan və məhkəmə baxışı zamanı tədqiq edilmiş; Maraqlı şəxs tərəfindən Ərizəçi ünvanlanmış xx.xx.2022-ci il tarixli, 2557 №li məktubda X4 ölümünü təsdiq edən tibbi şəhadətnamə təqdim edildikdən sonra ona ölüm haqqında şəhadətnamənin verilməsinin mümkün olduğu bildirilmişdir. Yevlax rayonu Qaramanlı kənd sovetliyi tərəfindən verilmiş İ-ИЕ № 711098 saylı xx.xx.1959-cu il tarixli doğum haqqında şəhadətnamədən görünür ki, xx.xx.1959-cu il təvəllüdlü X4 atası X5, anası isə X2r. Maraqlı şəxs tərəfindən verilmiş İİ-ИЕ № 169326 saylı xx.xx.1961-ci il tarixli doğum haqqında şəhadətnamədən görünür ki, xx.xx.1961-ci il təvəllüdlü Ərizəçi atası X5, anası isə X2r. Yevlax rayonu, Qaramanlı kənd inzibati ərazi dairəsi üzrə nümayəndəliyi tərəfindən verilmiş xx.xx.2022-ci il tarixli, 435 saylı arayışdan görünür ki, Yevlax rayon sakini, mərhum X6 ailə qəbirstanlığı Yevlax rayonu Köyük kəndində olduğu üçün xx.xx.1992-ci ildə Yevlax rayonu Köyük kənd qəbistanlığında dəfn olunmuşdur. Maraqlı şəxs tərəfindən xx.xx.2021-ci il tarixdə verilmiş AZ-İİ seriyalı 170969 №-li ölüm haqqında şəhatdətnamədən görünür ki, X10 xx.xx.2021-ci il tarixdə vəfat etmişdir. Maraqlı şəxs tərəfindən tərəfindən xx.xx.2005-ci il tarixdə verilmiş AZ-İ seriyalı 162841 №-li ölüm haqqında şəhatdətnamədən görünür ki, X5 xx.xx.1989-cu il tarixdə vəfat etmişdir. Məhkəmə iclasında şahid qismində dindirilmiş X11, X8 və X3 ifadələrində ərizəçi onların qonşusu olduqlarını, ərizəçinin X1 xx.xx.1992-ci ildə Yevlax şəhərində öldüyünü və Köyük kənd qəbirstanlığında dəfn olduğunu bildirmiş və müvafiq fotoşəkilləri təqdim etmişdir. Azərbaycan Respublikası Nazirlər Kabinetinin xx.xx.2003-cü il tarixli, 145 №-li qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı Qaydası”nın 8.5-ci bəndinə görə ölüm faktı tibb müəssisəsinin müvafiq sənədi ilə (ölüm haqqında həkim arayışı, ölüm haqqında feldşer arayışı ilə) təsdiq edilməlidir, ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. Azərbaycan Respublikası Mülki-Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.8-ci maddəsinə görə məhkəmə, müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktının müəyyən edilməsi barədə işlərə baxır. Həmin Məcəllənin 311-ci maddəsinə əsasən məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Məhkəmə araşdırması zamanı iş üzrə toplanmış və tədqiq olunmuş ərizəçinin izahatı, şahid ifadələri və digər mötəbər sübutlar əsasında təsdiq olundu ki, X6 xx.xx.1992ci il tarixdə Yevlax şəhərində ölmüşdür. Ərizəçi qardaşının ölməsinə dair hüquqi əhəmiyyəti olan faktı təsdiq edən lazımi sənədləri başqa qaydada ala bilmədiyindən düzgün olaraq məhkəməyə müraciət etmişdir. Ona görə də məhkəmə qeyd olunan halları əsas götürərək, hesab edir ki, ərizə təmin edilməldir. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 216-220 və 311-ci maddələrini rəhbər tutaraq, məhkəmə QƏT ETDİ: Ərizə təmin edilsin. X4 xx.xx.1992-ci il tarixdə Yevlax şəhərində vəfat etməsi faktı müəyyən edilsin. Qətnamə ölümün müvafiq icra orqanında qeydə alınması üçün əsasdır. Qətnamədən rəsmi qaydada verildiyi gündən bir ay müddətində Yevlax Rayon Məhkəməsi vasitəsi ilə Şəki Apelyasiya Məhkəməsinə apelyasiya şikayəti verilə bilər. Hakim Kamil Əliyev