Kürdəmir Rayon Məhkəməsi Qətnamə — İş №2(041)-2081/2024

Azərbaycan Respublikası adından QƏTNAMƏ Kürdəmir rayon İş № 2(041)-2081/2024 04.11.2024 KÜRDƏMİR RAYON MƏHKƏMƏSİ Hakim Mehdiyev Rahid Baxşəli oğlunun sədrliyi, Qurbanov Ruslan Şirvan oğlunun katibliyi, Ərizəçi iştirakı ilə, Ərizəçi Maraqlı şəxsnə qarşı “ölüm faktının müəyyən edilməsi” barədə ərizəsinə xüsusi icraat qaydasında məhkəmənin inzibati binasında açıq məkəmə iclasında baxaraq, MÜƏYYƏN ETDİ: Ərizəçi Maraqlı şəxsnə qarşı “ölüm faktının müəyyən edilməsi” barədə ərizə ilə xx.xx.2024-cü il tarixdə məhkəməyə müraciət edərək, xx.xx.1991-ci il tarixdə doğulmuş oğlu X2 xx.xx.2012-ci il tarixdə Kürdəmir rayonunda vəfat etməsi faktının müəyyən edilməsi barədə qətnamə çıxarılmasını xahiş etmişdir. Məhkəmə iclasında iştirak edən Ərizəçi izahat verərək bildirdi ki, mərhum X5 onun oğludur. Oğlu xx.xx.1991-ci il tarixdə doğulmuş və yetkinlik yaşına çatdıqdan sonra yəni, 2011-ci ildə hərbi xidmətə getmiş və hərbi xidmətdə olarkən pnevmaniya xəstəliyinə tutulmuşdur. Əsgərlikdən gəldikdən sonra işləmək üçün Bakı şəhərinə getmiş və xəstələndiyi üçün rayona qayıtmış, bir müddət sonra yəni 2012-ci ilin mart ayının 5-də evdə vəfat etmiş və Mürtülü kənd qəbiristanlığına dəfn etmişlər. Oğlu öləndən sonra savadsızlığı üzündən onun ölməsini heç bir orqanda qeyd etdirməmişlər. Daha sonra kənd və rayon xəstəxanasına müraciət etsə də onun ölümü barədə sənəd əldə edə bilməmişdir. Onun doğumu dövlət orqanında qeydiyyata alındığı üçün onlar özlərinə məxsus torpaq sahəsini rəsmiləşdirə bilmirlər. Ona görə də həmin sənədin zəruriliyini nəzərə alıb Maraqlı şəxsnə müraciət etmiş, lakin orada oğlu Röyalın ölümünün qeyd edilmədiyi ona bildirilmiş və məhkəməyə müraciət etməyi izah olunmuşdur. Ona görə ki, həmin sənədi artıq başqa cür əldə edə bilmir. Bu səbəbdən ölüm faktının müəyyən edilməsi barədə qətnamə çıxarılmağını xahiş edir. Məhkəmə iclasının vaxtı və yeri haqqında iş üzrə Maraqlı şəxsnə lazımi qaydada məlumat verilməsinə baxmayaraq, nümayəndəsinin məhkəmədə iştirakını təmin etməmişdir. Odur ki, məhkəmə işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Məhkəmə iclasında şahid qismində dindirilmiş X7 ifadəsində göstərdi ki, Ərizəçi onun qohumudur. Ərizəçinin oğlu Röyal xx.xx.2012-ci ildə evdə ölmüş, onları kənd camaatı ilə Kürdəmir rayon Mürtülü kənd qəbirstanlığında dəfn etmişlər. O, yaxın qonşu kimi dəfn və yas mərasimlərində iştirak etmişdir. Məhkəmə iclasında dindirilmiş digər şahidlər X3 və X8 şahid X7 ilə eyni məzmunda ifadə verərək Röyalın xx.xx.2012-ci ildə ev şəraitində öldüyünü, onun Kürdəmir rayon Mürtülü kənd qəbiristanlığında dəfn edildiyini təsdiq etdi. Məhkəmə ərizəçinin və şahidlərin izahatlarını dinləyib, iş materiallarında olan sənədləri nəzərdən keçirib, sübutlara obyektiv, qərəzsiz, hərtərəfli və tam baxdıqdan sonra hesab edir ki, ərizə əsaslı olduğundan təmin edilməlidir. İş materiallarında olan şəxsiyyət vəsiqəsinin surətindən görünür ki, X5 xx.xx.1991-ci ildə Kürdəmir rayonunun Atakişili kəndində doğulmuşdur. İş materiallarında olan Azərbaycan Respublikası Ədliyyə Nazirliyi Maraqlı şəxs xx.xx.2024-cü il tarixli 25/2024 nömrəli məktubundan müəyyən olunur ki, X2 ölüm faktının qeydə alınması ölüm haqqında tibbi şəhadətnamə təqdim edilmədiyi üçün mümkün olmadığından imtina edilərək, Ərizəçi aidiyyəti üzrə məhkəməyə müraciət edilməsi tövsiyyə edilmişdir. İş materiallarında olan Azərbaycan Respublikası Tibbi Ərazi Bölmələrinin İdarəetmə Birliyi Kürdəmir rayon Mərkəzi xəstəxanasının publik hüquqi şəxsi tərəfindən yazılı sorğuya cavab olaraq bildirilib ki, X2 ölümü ilə bağlı Kürdəmir rayon X4 bölməsində məlumat tapılmamışdır. Səbəb isə Azərbaycan Respublikası Səhiyyə Nazirliyinin 30 dekabr 2016-cı il 100 nömrəli əmri ilə təsdiq edilmiş “Tibbi qeydiyyat sənədlərinin saxlanılması müddətinə əsasən” sənədlərin saxlanma müddətinin 3 il olması və ondan sonra aktlaşdırılaraq utilizasiya olunmasıdır. Azərbaycan Respublikası MPM-in 305.1.1-ci maddəsinə əsasən məhkəmə xüsusi icraat qaydasında hüquqi əhəmiyyətli faktların müəyyən edilməsi haqqında işlərə baxır. Azərbaycan Respublikası MPM-in 307.2.8-ci maddəsinə əsasən məhkəmə müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktının müəyyən edilməsi barədə işlərə baxır. Azərbaycan Respublikası MPM-in 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Azərbaycan Respublikası MPM-in 311-ci maddəsinə əsasən məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Beləliklə, məhkəmə iş üzrə toplanmış sübutlara məcmu şəkildə qiymət verərək hesab edir ki, xx.xx.1991-ci il tarixdə doğulmuş X2 xx.xx.2012-ci il tarixdə Kürdəmir rayonunun Atakişili kəndində ev şəraitində ölməsi faktı iş materialları ilə tam sübut olunduğundan və ölüm haqqında şəhadətnamənin alınması zəruri olduğundan həmin hüquqi fakt təsdiq edilməlidir. Azərbaycan Respublikasının MPM-in 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Şərh olunanlara əsasən və Azərbaycan Respublikası MPM-in 216-220, 227, 233, 307- 311, 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. xx.xx.1991-ci ildə doğulmuş X2 xx.xx.2012-ci ildə Kürdəmir rayonunun Atakişili kəndində, ev şəraitində ölməsi faktı müəyyən edilsin. X1 ölümünün qeydə alınması üçün əsasdır. Ödənilmiş dövlət rüsumu ərizəçiyə aid edilsin. Qətnamədən, qətnamə işdə iştirak edən şəxslərə rəsmi qaydada verildiyi gündən bir ay müddətində “Elektron məhkəmə” informasiya sistemində yaradılan elektron kabinetdən Kürdəmir Rayon Məhkəməsi vasitəsilə Şirvan Apelyasiya Məhkəməsinin Mülki Kollegiyasına apelyasiya şikayəti verilə bilər. Sədrlik edən: Rahid Mehdiyev