Kürdəmir Rayon Məhkəməsi Qətnamə — İş №2(041)-2384/2025

Azərbaycan Respublikası adından QƏTNAMƏ Kürdəmir rayon İş № 2(041)-2384/2025 05.01.2026 KÜRDƏMİR RAYON MƏHKƏMƏSİ Hakim Mehdiyev Rahid Baxşəli oğlunun sədrliyi, Əhmədova Aidə Sədrəddin qızının katibliyi, Ərizəçi iştirakı ilə, Ərizəçi maraqlı şəxs Kürdəmir rayon Qeydiyyat şöbəsinə qarşı “ölüm faktının müəyyən edilməsi” barədə ərizəsinə xüsusi icraat qaydasında məhkəmənin inzibati binasında açıq məkəmə iclasında baxaraq, MÜƏYYƏN ETDİ: Ərizəçi maraqlı şəxs Kürdəmir rayon Qeydiyyat şöbəsinə qarşı “ölüm faktının müəyyən edilməsi” barədə ərizə ilə xx.xx.2025-ci il tarixdə məhkəməyə müraciət edərək, xx.xx.1988-ci il tarixdə Kürdəmir rayonunun Sor-Sor kəndində doğulmuş X3 xx.xx.1989-cu il tarixdə Kürdəmir rayonunun Sor-Sor kəndində ölməsi faktının müəyyən edilməsi barədə qətnamə qəbul edilməsini xahiş etmişdir. Məhkəmə iclasında iştirak edən Ərizəçi izahat verərək bildirdi ki, o, hazırda Kürdəmir rayonunun Sor-Sor kəndində yaşayır. Mərhum X5 xx.xx.1988-ci il tarixdə mərhum ǝri X10 ilə birgə nikahlarından Kürdəmir rayonunun Sor-Sor kəndində doğulmuşdur. X5 doğulandan sonra ona doğum haqqında şəhadətnamə almışlar. X5 8 aylıq olarkən xx.xx.1989-cu il tarixdə ölmüşdür. Mərhum X5 öləndən sonra onu yaşadıqları Kürdəmır rayonunun Sor-Sor kəndinin qəbiristanlığında dəfn etmişlər. Oğlu X2 yaşlarında ölməsi onlara çox pis təsir etdiyinə görə həmin vaxt onun ölməsi barədə heç bir sənəd almamışlar. Hazırda ailəyə vacib lazım olan bəzi sənədləşmə işlərinin aparılması məqsədi ilə X5na ölüm haqqında şəhadətnamə almaq məqsədi ilə Kürdəmir regional "Asan xidmət" mərkəzində Qeydiyyat şöbəsinə müraciət etmişdir. Kürdəmir regional "Asan xidmət" mərkəzində Qeydiyyat şöbəsində X3 ölümünün qeyd edilmədiyini bildirib, bu barədə xx.xx.2025-ci il tarixli arayış vermişlər. Bundan sonra X3 ölümü ilə bağlı tibbi şəhadətnaməni almaq üçün "Kürdəmir rayon Mərkəzi Xəstəxanası" publik hüquqi şəxsinə müraciət etmişdir. "Kürdəmir rayon Mərkəzi Xəstəxanası" publik hüquqi şəxsi mərhum X3 ölümü barəsində "Kürdəmir rayon Mərkəzi Xəstəxanası" PHŞ-də heç bir məlumatın tapılmadığını bildirib bu barədə xx.xx.2025-ci il tarixli məktub vermişlər. Mərhum X3 ölümünün qeyd edilməsi ilə bağlı sənədi başqa cür əldə edə bilmir. Buna görə ailəyə lazım olan sənədləşmə işlərini apara bilmir. Ona görə də X3 ölüm faktının müəyyən edilməsi ilə bağlı məhkəməyə müraciət etmək məcburiyyətində qalmışdır. Odur ki, X3 ölüm faktının müəyyən edilməsi barədə qətnamə qəbul edilməsini xahiş edir. Məhkəmə iclasının vaxtı və yeri haqqında iş üzrə maraqlı şəxs Kürdəmir rayon Qeydiyyat şöbəsinə lazımi qaydada məlumat verilməsinə baxmayaraq, nümayəndəsinin məhkəmədə iştirakını təmin etməmişdir. Odur ki, məhkəmə işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Məhkəmə iclasında şahid qismində dindirilmiş X6 ifadəsində göstərdi ki, Ərizəçi onun qardaşı arvadıdır. Həm də qonşuluqda yaşayırlar. Aralarında 100 metr məsafələri var. Gülsümün 4 uşağı olmuşdur. Onlardan biri təxminən 7 aylıq, biri təxminən 9 aylıq digəri isə təxminən 8 aylıq olan zaman ölmüşdür. Gülsümün bədənində xəstəlik olduğuna görə uşaqları doğulsa da çox yaşamamışlar. Asim ən sonuncu uşaq olmuş, xx.xx.1989-cu il tarixdə evdə ölmüşdür. Onu Kürdəmir rayonu, Sor-Sor kənd qəbiristanlığında dəfn etmişlər. Məhkəmə iclasında şahid qismində dindirilmiş X8 ifadəsində göstərdi ki, Ərizəçi onun arvadının bacısıdır. Ərizəçi 3 uşağı ölmüşdür. Ən axırıncı uşağı Asim olmuş və o da xəstəlikdən təxminən 8 aylıq olan zaman, xx.xx.1989-cu il tarixdə evdə ölmüşdür. Onu Kürdəmir rayonu, Sor-Sor kənd qəbiristanlığında dəfn etmişlər. Məhkəmə ərizəçinin və şahidlərin izahatlarını dinləyib, iş materiallarında olan sənədləri nəzərdən keçirib, sübutlara obyektiv, qərəzsiz, hərtərəfli və tam baxdıqdan sonra hesab edir ki, ərizə əsaslı olduğundan təmin edilməlidir. Belə ki, iş materiallarında olan Kürdəmir regional “Asan Xidmət” mərkəzi qeydiyyat şöbəsi tərəfindən verilmiş xx.xx.2025-ci il tarixli 3-16-5/U-925/2025 nömrəli arayışdan görünür ki, X11 xx.xx.1988-ci il tarixdə Kürdəmir rayonu Sor-Sor kəndində doğulmuşdur. Bu barədə 28 aprel 1989-cu il tarixdə Kürdəmir rayon Muradxan kənd icra nümayəndəliyində 46 nömrəli doğum haqqında akt qeydi tərtib olunmuşdur. İş materiallarında olan Kürdəmir regional “Asan Xidmət” mərkəzi qeydiyyat şöbəsi tərəfindən verilmiş xx.xx.2025-ci il tarixli 05/874 nömrəli arayışdan görünür ki, 20 dekabr 1988-ci ildə Kürdəmir rayonu Sor-Sor kəndində anadan olmuş X7 ölümü haqqında məlumatın müəyyən edilməsi məqsədilə Azərbaycan Respublikası Ədliyyə Nazirliyinin “X4 Sistemində” xx.xx.2025-ci ilədək daxil edilmiş bütün vətəndaşlıq vəziyyəti aktları üzrə yoxlama aparılmış və ölüm haqqında akt qeydi aşkar olunmamışdır. İş materiallarında olan Azərbaycan Respublikası Tibbi Ərazi Bölmələrinin İdarəetmə Birliyi “Kürdəmir Rayon Mərkəzi Xəstəxanası” PHŞ-in xx.xx.2025-ci il tarixli 18-1-49/2-U-98-xxxx/2025 nömrəli Ərizəçi ünvanlandığı məktubdan görünür ki, Azərbaycan Respublikasının Səhiyyə Nazirliyinin xx.xx.2016-cı il tarixli 100 nömrəli əmri ilə təsdiq edilmiş “Ölüm hadisələrinin qeydiyyat kitabı”-nın baxılma müddəti 3 (üç) il olduğu üçün və vaxtı keçmiş tibbi sənədlərin utilizasiya olunması ilə bağlı sözü gedən X7 ölümü barəsində “Kürdəmir Rayon Mərkəzi Xəstəxanası” PHŞ-də heç bir məlumat tapılmamışdır. Azərbaycan Respublikası MPM-in 305.1.1-ci maddəsinə əsasən məhkəmə xüsusi icraat qaydasında hüquqi əhəmiyyətli faktların müəyyən edilməsi haqqında işlərə baxır. Azərbaycan Respublikası MPM-in 307.2.8-ci maddəsinə əsasən məhkəmə müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktının müəyyən edilməsi barədə işlərə baxır. Azərbaycan Respublikası MPM-in 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Azərbaycan Respublikası MPM-in 311-ci maddəsinə əsasən məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Beləliklə, məhkəmə iş üzrə toplanmış sübutlara məcmu şəkildə qiymət verərək hesab edir ki, xx.xx.1988-ci ildə doğulmuş X7 xx.xx.1989-cu il tarixdə Kürdəmir rayonu Sor-Sor kəndində ev şəraitində ölməsi faktı iş materialları ilə tam sübut olunduğundan və ölüm haqqında şəhadətnamənin alınması zəruri olduğundan həmin hüquqi fakt təsdiq edilməlidir. Azərbaycan Respublikasının MPM-in 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Şərh olunanlara əsasən və Azərbaycan Respublikası MPM-in 216-220, 227, 233, 307- 311, 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. xx.xx.1988-ci ildə doğulmuş X7 xx.xx.1989-cu il tarixdə Kürdəmir rayonunun Sor-Sor kəndində ev şəraitində ölməsi faktı müəyyən edilsin. X1 ölümünün qeydə alınması üçün əsasdır. Ödənilmiş dövlət rüsumu ərizəçiyə aid edilsin. Qətnamədən, qətnamə işdə iştirak edən şəxslərə rəsmi qaydada verildiyi gündən bir ay müddətində “Elektron məhkəmə” informasiya sistemində yaradılan elektron kabinetdən Kürdəmir Rayon Məhkəməsi vasitəsilə Şirvan Apelyasiya Məhkəməsinin Mülki Kollegiyasına apelyasiya şikayəti verilə bilər. Sədrlik edən: Rahid Mehdiyev