Gədəbəy Rayon Məhkəməsi Qətnamə — İş №2(042)-216/2025

Azərbaycan Respublikası adından QƏTNAMƏ Gədəbəy rayonu İş № 2(042)-216/2025 11.02.2025 GƏDƏBƏY RAYON MƏHKƏMƏSİ Gədəbəy Rayon Məhkəməsi hakim Mirzəquliyev Fizuli Balağa oğlunun sədrliyi, məhkəmə iclas katibi Salmanov Orxan Aqil oğlunun katibliyi, Ərizəçi iştirakı ilə Ərizəçi Maraqlı şəxsnə qarşı ölüm faktının müəyyən edilməsinə dair ərizəsi üzrə mülki işə Gədəbəy Rayon Məhkəməsinin inzibati binasında açıq məhkəmə iclasında baxaraq, müəyyən etdi: Ərizəçi Maraqlı şəxsnə qarşı xx.xx.2002-cı il tarixdə Gədəbəy rayonu, Çalburun kəndində anadan olmuş oğlu X1 30 sentyabr 2024-cü il tarixdə ölməsi faktının müəyyən edilməsi barədə ərizə ilə məhkəməyə müraciət etmişdir. Ərizəçi məhkəmə baxış iclasında ərizəsini müdafiə etmiş, izahat verərək bildirmişdir ki, övladı xx.xx.2002-ci il tarixdə anadan olmuş X3 30 sentyabr 2024-cü il tarixdə Rusiya ilə Ukrayna arasında gedən hərbi əməliyyatlar yerində həlak olmuşdur. Onun həlak olduğu ərazi Ukrayna Respublikasının ərazisi kimi tanınan, hazırda Rusiyanın nəzarəti altında olan torpaqlarda olmuşdur. Oğluna verilən ölüm haqqında tibbi şəhadətnamədə öldüyü yer kimi Rusiya Federasiyası, Pokrovsksiy rayonu, Qotnyak yaşayış məntəqəsi göstərilmişdir. Hazırda o, oğlunun ölümü ilə əlaqədar şəhadətnamə almaq üçün qeydiyyat şöbəsinə müraciət etmiş, ona bildirilmişdir ki, Ukrayna Respublikası Ədliyyə Nazirliyi tərəfindən göndərilmiş məktuba əsasən zəbt olunmuş ərazilərdə tərtib edilmiş sənədlər qanunsuz və etibarsızdır. Ona görə də verilmiş ölüm haqqında tibbi şəhadətnamənin əsasında ölüm haqqında şəhadətnamə verilməsi mümkün deyil. Bəzi sənədləşdirmə işlərinin aparılması ilə əlaqədar ölüm faktının müəyyən edilməsi zəruridir. Ona görə də ərizəsinin təmin edilməsi haqqında qətnamə çıxarılmasını xahiş edir. Maraqlı şəxsnə məhkəmə iclasının vaxtı və yeri barədə lazımı qaydada xəbərdar edilməsinə baxmayaraq, nümayəndəsini məhkəmə iclasına göndərməmişdir. Мəhkəmə Аzərbaycan Respublikası MPM-nin 185.6-cı maddəsinin tələblərini nəzərə alaraq, işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Azərbaycan Respublikası MPM-nin 106.1-ci maddəsinə əsasən işdə iştirak edən şəxslərin iş üçün əhəmiyyətli olan və onlara məlum olan faktlar barədə izahatları iş üzrə toplanmış digər sübutlarla yanaşı yoxlanılmalı və qiymətləndirilməlidir. Məcəllənin 76.1 və 76.2-ci maddələrinə əsasən tərəflərin tələb və etirazlarını əsaslandıran halların və işi düzgün həll etmək üçün əhəmiyyəti olan başqa halların mövcud olduğunu və ya olmadığını məhkəmə müəyyən edərkən bu Məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur. Bu məlumatlar yazılı və maddi sübutlarla, ekspertlərin rəyləri ilə, yerində müayinə keçirməklə, səs və video yazıları ilə, şahidlərin ifadələri ilə, işdə iştirak edən şəxslərin izahatları ilə müəyyən edilir. İşdə olan X2 təsdiq olunmuş surətindən görünür ki, X3 01 fevral 2002-ci il tarixdə doğulmuşdur. Onun atası qrafasındı Ərizəçi, anası qrafasında X4 qeyd edilmişdir. İşdə olan olan Rusiya Federasiyası Müdafə Nazirliyi Dövlət Məhkəmə-X5 tərəfindən verilmiş X8 Şəhadətnamənin təsdiq olunmuş surətindən görünür ki, X3 xx.xx.2024-cü il tarixdə ölmüşdür. İşdə olan Maraqlı şəxs tərəfindən verilmiş məktubdan görünür ki, ərizəçiyə məhkəməyə müraciət etməsi tövsiyyə edilmişdir. Azərbaycan Respublikası MPM-nin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Məcəllənin 217.4-cü maddəsinə görə məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Məhkəmə ərizəçinin izahatını, işdə olan sənədləri tədqiq edərək, hesab edir ki, ərizə təmin edilməlidir. Azərbaycan Respublikası MPM-nin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.8-ci maddəsinə əsasən müvafiq icra hakimiyyəti orqanlarının imtina etdiyi hallarda şəxsin müəyyən vaxtda, müəyyən şəraitdə vəfat etməsi faktını müəyyən edir. Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Məcəllənin 311-ci maddəsinə əsasən məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Beləliklə, xx.xx.2002-cı il tarixdə Gədəbəy rayonu, Çalburun kəndində doğulmuş X1 ölməsi faktı sübut edilmişdir. Ona görə də ərizə təmin edilməli, xx.xx.2002-cı ildə Gədəbəy rayonu, Çalburun kəndində doğulmuş X1 30 sentyabr 2024-cü il tarixdə hərbi əməliyyatlar zamanı Ukrayna Respublikasında ölməsi faktı müəyyən edilməlidir. Məhkəmə yuxarıda göstərilənləri və Azərbaycan Respublikası MPM-nin 216-227, 358-360 və 362-ci maddələrini rəhbər tutaraq, qət etdi: Ərizə təmin edilsin. xx.xx.2002-cı ildə Gədəbəy rayonu, Çalburun kəndində doğulmuş X1 xx.xx.2024-cü il tarixdə hərbi əməliyyatlar zamanı Ukrayna Respublikasında ölməsi faktı müəyyən edilsin. Qətnamədən rəsmi qaydada verildiyi gündən 1 (bir) ay müddətində Gədəbəy Rayon Məhkəməsi vasitəsilə “Elektron məhkəmə” informasiya sistemində yaradılan elektron kabinet vasitəsilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Fizuli Mirzəquliyev