Gəncə Şəhəri Kəpəz Rayon Məhkəməsi Qərardad — İş №2(043)-2110/2022

Azərbaycan Respublikası adından QƏRARDAD Gəncə şəhəri İş № 2(043)-2110/2022 21.06.2022 GƏNCƏ ŞƏHƏRİ KƏPƏZ RAYON MƏHKƏMƏSİ Gəncə şəhəri Kəpəz Rayon Məhkəməsinin hakimi Qocayev Tural Şəmsi oğlu X1 adından İddiaçı Cavabdeh qarşı “qanunsuz tikilmiş qeyri-yaşayış sahəsinin sökülməsi və boşaldılması” tələbinə dair iddia ərizəsini və ərizəyə əlavə edilmiş sənədləri nəzərdən keçirib, müəyyənetdi: X1 adından İddiaçı Cavabdeh qarşı iddia ərizəsi ilə məhkəməyə müraciət edərək, cavabdeh tərəfindən Gəncə şəhəri, Nizami küçəsinin qərb hissəsində “A” literli tikilinin yerində qanunsuz olraq tikilmiş qeyri-yaşayış binasının cavabdehin hesabına sökülmsi tikilinin və torpaq sahəsini boşaldılaraq əmlak üzərində istifadə və sahiblik hüququnun həyata keçirilməsinə mane olan halların aradan qaldırılması barədə qətnamə qəbul edilməsini xahiş etmişdir. İddia ərizəsi və ona əlavə edilmiş sənədlər öyrənilərkən müəyyən edilmişdir ki, iddia ərizəsinin məzmununa dair tələblərə riayət edilməmişdir. Azərbaycan Respublikası Mülki Prosessual Məcəlləsinin 50.1-ci maddəsinə əsasən prosesdə tərəflər iddiaçı və cavabdeh hesab edilirlər. Fiziki və hüquqi şəxslər, vəzifəli şəxslər, dövlət orqanları və başqa orqanlar iddiaçı və ya cavabdeh qismində çıxış edə bilərlər. Azərbaycan Respublikası Mülki Məcəlləsinin 25.1 və 25.2-ci maddələrinə əsasən fiziki şəxsin mülki hüquq qabiliyyəti insanın mülki hüquqlara malik olmaq və mülki hüquq vəzifələri daşımaq qabiliyyətidir. Bütün fiziki şəxslərin mülki hüquq qabiliyyəti eyni dərəcədə tanınır. Fiziki şəxsin hüquq qabiliyyəti onun doğulduğu an əmələ gəlir və ölümü ilə xətm edilir. Beyinin fəaliyyətinin dayanması ölüm anı sayılır. İddia ərizəsindən və ona elan edilmiş ölüm haqqında şəhadətnamənin surətindən göründüyü kimi iddiaçı qismində göstərilən şəxs ölmüşdür. İddiaçının oğlu İddiaçı özünü iddia ərizəsində iddiaçının prosessual hüquq varisi kimi göstərmiş və iddia ərizəsini imzalamışdır. Halbuki, prosessual hüquq varisliyi məhkəmənin icraatında olan işdə tərəf sıradan çıxdıqda yarana bilər. Yəni, iddiaçı məhkəməyə iddia ərizəsi ilə müraciət etdikdən sonra vəfat etsəydi onun prosessual hüquq varisi ilə əvəz edilməsinə yol verilərdi. Hazırkı iddia ərizəsində isə ümumiyyətlə iddiaçı yoxdur. Ölmüş şəxs mülki hüquq qabiliyyətinə malik olmadığından onun tərəf kimi qəbul edilməsi mümkün deyildir. Beləliklə məhkəmə hesab edir ki, iddia ərizəsinin məzmununa dair tələbə riayət edilməmiş, yəni iddia ərizəsində iddiaçı göstərilməmişdir. Azərbaycan Respublikası Mülki Prosessual Məcəlləsinin 149.2.2-ci maddəsinə əsasən iddia ərizəsində iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) göstərilməlidir. Həmin Məcəllənin 152.1.1-ci maddəsinə əsasən, iddia ərizəsinin bu Məcəllənin 149cu maddəsi ilə müəyyən olunmuş formasına və məzmununa riayət edilmədikdə iddia ərizəsi və ona əlavə edilmiş sənədlər geri qaytarılır. Məhkəmə İddiaçı izah edir ki, mübahisəli hüquq münasibətləri onun marağına toxunursa hüquqi marağını əsaslandırmaqla və zəruri sənədləri təqdim etməklə öz adından iddia ərizəsi ilə məhkəməyə müraciət edə bilər. Şərh olunanlara əsasən və Azərbaycan Respublikası Mülki Prosessual Məcəlləsinin 149, 152, 263-264 və 267-268-ci maddələrini rəhbər tutaraq, məhkəmə q ə r a r a a l d ı: X1 adından İddiaçı Cavabdeh qarşı “qanunsuz tikilmiş qeyri-yaşayış sahəsinin sökülməsi və boşaldılması” tələbinə dair iddia ərizəsi geri qaytarılsın. Qərardaddan rəsmi qaydada verildiyi vaxtdan 10 (on) gün müddətində Gəncə şəhəri Kəpəz Rayon Məhkəməsinə şikayət verilə bilər. Hakim: Tural Qocayev