Göyçay Rayon Məhkəməsi Qərardad — İş №2(046)-1952/2021

Azərbaycan Respublikası adından QƏRARDAD Göyçay rayonu İş № 2(046)-1952/2021 23.09.2021 GÖYÇAY RAYON MƏHKƏMƏSİ X2, Ərizəçi Maraqlı şəxsnə qarşı ölüm faktın müəyyən edilməsi tələbinə dair ərizəyə baxaraq, məhkəmə MÜƏYYƏN ETDİ: Ərizəçi ərizə ilə məhkəməyə müraciət edərək anası X1 28.03.2018-ci il tarixdə ölümünün qeyd edilməsi faktının müəyyən edilməsi barədə qətnamə qəbul edilməsini xahiş etmişdir. Aşağıda göstərilənlərə əsasən Ərizəçi ərizəsi və əlavə edilmiş sənədlər geri qaytarılmalıdır. Belə ki, ərizəyə əlavə edilmiş şəxsiyyət vəsiqəsinin surətindən və E-məhkəmə sistemindən çıxarışdan görünür ki, Ərizəçi ünvan 1 ünvanda qeydiyyatdadır. Azərbaycan Respublikası MPM-nin 309.1-ci maddəsinə əsasən hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir. Yuxarıda göstərilənləri nəzərə alaraq məhkəmə hesab edir ki, Ərizəçi hüquqi əhəmiyyətli faktın müəyyən edilməsi barədə ərizə ilə yaşadığı yerin məhkəməsinə, yəni Binəqədi Rayon Məhkəməsinə müraciət etməli olduğu halda Göyçay Rayon Məhkəməsinə müraciət etmişdir. Azərbaycan Respublikası MPM-nin 152.1.3-ci maddəsinə əsasən əgər iş ərazi aidiyyəti üzrə həmin məhkəmədə baxılmalı deyildirsə iddia ərizəsi və ona əlavə edilmiş sənədlər geri qaytarılır. Şərh olunanlara əsasən və Azərbaycan Respublikası MPM-nin 152, 263, 264, 268ci maddələrini rəhbər tutaraq, məhkəmə QƏRAR VERDİ : Ərizəçi Maraqlı şəxsnə qarşı ölüm faktın müəyyən edilməsi tələbinə dair ərizəsi və ona əlavə edilmiş sənədlər geri qaytarılsın. Ərizəçiyə yaşadığı yerin məhkəməsinə, yəni Binəqədi Rayon Məhkəməsinə müraciət etmək hüququ izah edilsin. Qərardaddan rəsmi qaydada verildikdən sonra 10 (on) gün müddətinə Göyçay Rayon Məhkəməsinə şikayət verilə bilər. Hakim Famil Nəsibov