Göyçay Rayon Məhkəməsi Qətnamə — İş №2(046)-2044/2021

Azərbaycan Respublikası adından QƏTNAMƏ Göyçay rayonu İş № 2(046)-2044/2021 06.12.2021 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Səmidli Nərmin Yaşar qızının katibliyi, Ərizəçi iştirakı ilə, ölüm faktının qeydə alınması tələbinə dair mülki işə Göyçay şəhərində açıq məhkəmə iclasında baxaraq, məhkəmə M Ü Ə Y Y Ə N E T D İ: Ərizəçi ərizə ilə məhkəməyə müraciət edərək mərhum anası X1 22.07.2021-ci il tarixdə vəfat etməsi faktının müəyyən edilməsi barədə qətnamə qəbul edilməsini xahiş etmişdir. Ərizəçi ərizəni müdafiə edərək göstərmişdir ki, anası X3 11 iyun 1949-cu ildə Göyçay şəhərində anadan olmuşdu. ünvan 1 ünvanında yerləşən binanın 19 saylı mənzilində 24.11.2019-cu il tarixdən 22.07.2021-ci il tarixinədək kirayədə yaşamışdır. Anası 21 iyul 2021-ci tarixdə qızdırması yüksək olduğu üçün təcili tibbi yardım çağırmış, həkim anasından Korona xəstəliyindən şübhələnib, Kovid 19 testi götürmüşdür. 22 iyul 2021-ci tarixdə anasının vəziyyəti pisləşmiş, buna görə də təcili tibbi yardım çağırmışdır. Qeyd edilən çağırış üzrə gələn təcili yardım briqadasının tərtib etdiyi "X6 Vərəqəsi"ndə qeyd olunduğu kimi, briqada hadisə yerinə çatdıqda anası X3 vəfat etmişdi. Anası Abşeron rayonu Xırdalan şəhər qəbristanlığında dəfn edilmişdir. Hal-hazırda anasının qəbri Abşeron rayonu Xırdalan şəhər qəbristanlığında yerləşir. Ölüm haqqında həkim şəhadətnaməsi olmadığı üçün ölüm haqqında şəhadətnaməni verməli olan maraqlı şəxsdən anasının ölümü haqqında şəhadətnaməni ala bilmir. Buna görə də ərizəsinin təmin edilməsi barədə qətnamə qəbul edilməsini xahiş etmişdir. İş üzrə maraqlı tərəf Maraqlı şəxsnə məhkəmənin yeri və vaxtı barədə məlumat verilmiş, Maraqlı şəxs nümayəndəsi məhkəmə iclasında iştirak etməmişdir. Məhkəmə işə Qeydiyyat Şöbəsinin nümayəndəsinin iştirakı olmadan baxılmasını mümkün hesab etmişdir. Ərizəçini dinləyən və iş üzrə təqdim edilmiş sübutlara qiymət verən məhkəmə hesab edir ki, ərizə əsaslıdır və aşağıda göstərilənlərə əsasən təmin edilməlidir. Məhkəməyə təqdim edilmiş X4 təsdiq edilmiş surətindən görünür ki, Ərizəçi xx.xx.1975-ci il tarixdə anadan olmuşdur. anası X2r. Məhkəməyə təqdim edilmiş TTTYS-nın X6 vərəqəsindən görünür ki, X3 22.07.2021-ci il tarixdə həkimə qədər vəfat etmişdir. Məhkəməyə təqdim edilmiş Göyçay rayon rayon Qeydiyyat Şöbəsi tərəfindən verilmiş 16.09.2021-ci il tarixli məktubdan görünür ki, X1 ölümünün qeydə alınması üçün ölüm haqqında tibbi şəhadətnamə Qeydiyyat Şöbəsinə təqdim olunmalıdır. Ölüm haqqında tibbi şəhadətnamə olmadığı halda isə ölüm haqqında akt qeydinin qeydə alınması mümkün deyildir. Bu səbəbdən məhkəməyə müraciət edilməsi tövsiyə edilmişdir. Məhkəməyə təqdim edilmiş Abşeron rayon Xırdalan Bələdiyyəsi tərəfindən 03.12.2021-ci il tarixdə verilmiş arayışdan görünür ki, Ərizəçi anası X3 22.07.2021-ci il tarixdə vəfat etmiş və Xırdalan qəbirstanlığında dəfn edilmişdir. Məhkəməyə təqdim edilmiş Abşeron rayon Xırdalan Bələdiyyəsinin mərasim xidməti şöbəsinin 03.12.2021-ci il tarixli aktından görünür ki, X3 22.07.2021-ci il tarixdə Xırdalan qəbirstanlığında dəfn edilmişdir. Məhkəmə baxışı zamanı müəyyən edilir ki, Ərizəçi mərhum anası 22.07.2021-ci il tarixdə vəfat etmiş X1 ölümünün qeyd edilməsini başqa qaydada əldə edə bilməz. Azərbaycan Respublikası MPM-nin 307.2.3-cü maddəsinə əsasən ölümün qeyd edilmə faktı məhkəmə tərəfindən müəyyən oluna bilər. Sadalananlara əsasən məhkəmə hesab edir ki, Ərizəçi anası X1 22.07.2021-ci il tarixdə vəfat etməsi faktının müəyyən edilməsi barədə ərizəsi təmin edilməlidir. Yuxarıda şərh olunanlara əsasən Azərbaycan Respublikası MPM-nin 216, 220, 227, 357 və 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. Ərizəçi anası X1 22.07.2021-ci il tarixdə Bakı şəhərində vəfat etməsi faktının müəyyən edilməsi barədə ərizəsi təmin edilsin. Bu qətnamə X1 ölümünün qeydiyyat orqanında qeydə alınaraq, ölüm haqqında şəhadətnamə verilməsi üçün əsasdır. Qətnamənin icrası Göyçay rayonu Qeydiyyat Şöbəsinə həvalə edilsin. Qətnamədən rəsmi qaydada verildiyi gündən 1 ay müddətində Göyçay Rayon Məhkəməsi vasitəsi ilə Şəki Apellyasiya Məhkəməsinə apellyasiya şikayəti verilə bilər. Hakim: İbrahim Fəttahov