Laçın Rayon Məhkəməsi Qətnamə — İş №2(047)-290/2023

Azərbaycan Respublikası adından QƏTNAMƏ Laçın rayonu İş № 2(047)-290/2023 18.04.2023 LAÇIN RAYON MƏHKƏMƏSİ Hakim İbrahimov Cavad Cavanşir oğlunun sədrliyi, məhkəmə iclas katibi Şükürov Yaşasın Valeh oğlunun katibliyi, Ərizəçi iştirakı ilə, Ərizəçi Maraqlı şəxsnə qarşı «ölüm faktının müəyyən edilməsi» tələbinə dair mülki işə açıq məhkəmə iclasında baxaraq, müəyyənetdi: Ərizəçi Maraqlı şəxsnə qarşı «ölüm faktının müəyyən edilməsi» tələbinə dair ərizə ilə məhkəməyə müraciət edərək anası Əmrasdanova (Mehdiyeva) Ayna Rəhman qızının xx.xx.1999-cu il tarixdə Bakı şəhərində vəfat etməsi (ölməsi) faktının qeyd edilməsi barədə qətnamə qəbul olunmasını xahiş etmişdir. Məhkəmə iclasında iştirak edən Ərizəçi ərizəsini müdafiə edərək bildirdi ki, anası Əmrasdanova (Mehdiyeva) Ayna Rəhman qızı XX.XX.1951-ci ildə Laçın rayon Ağcakənd kəndində anadan olmuş, xx.xx.1999-cu il tarixdə xəstəliyi ilə əlaqədar olaraq Bakı şəhərində M.Mirqasımov adına xəstəxanada vəfat etmiş, xx.xx.1999-cu il tarixdə Laçın rayon Qarakeçdi kənd qəbirstanlığında dəfn olunmuş, lakin anasına ölüm haqqında şəhadətnamə alınmamışdır. Bu barədə o, Maraqlı şəxsnə müraciət etsə də oradan məhkəməyə müraciət etməli olduğunu ona bildirmişlər. Bu faktı isə yalnız şahidlər təsdiq edə bilərlər. Bundan başqa o, bildirir ki, anasının ölüm haqqında şəhadətnaməsini başqa qaydada ala bilmir. Ona görə də məhkəməyə müraciət etmək məcburiyyətindədir. Qeyd edilənlərə əsasən də XX.XX.1951-ci ildə Laçın rayon Ağcakənd kəndində anadan olmuş mərhum anası Əmrasdanova (Mehdiyeva) Ayna Rəhman qızının xx.xx.1999-cu ildə Bakı şəhərində vəfat etməsi (ölməsi) faktının müəyyən edilməsi barədə qətnamə çıxarılmasını məhkəmədən xahiş etmişdir. Maraqlı şəxsnə məhkəmə iclasının vaxtı və yeri barədə məlumat verilməsinə baxmayaraq onun nümayəndəsi məhkəməyə gəlməmiş, habelə işə onların iştirakı olmadan baxılmasını xahiş etməmişdir. Məhkəmə Azərbaycan Respublikası MPM-nin 185.6-cı maddəsinin tələblərinə əsasən işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Məhkəmə iclasında şahid qimində dindirimiş X2 ifadəsində göstərdi ki, ərizəçi onun xalası oğludur. Ərizəçinin anası mərhum Əmrasdanova (Mehdiyeva) Ayna Rəhman qızı həqiqətən də xəstəliyi ilə əlaqədar olaraq xx.xx.1999-cu ildə Bakı şəhəri M.Mirqasımov adına xəstəxanada vəfat etmiş, xx.xx.1999-cu il tarixdə isə Laçın rayon Qarakeçdi kənd qəbirstanlığında dəfn edilmiş və onun yas mərasimində iştirak etmişdir. Məhkəmə iclasında şahid qimində dindirimiş X4 ifadəsində göstərdi ki, ərizəçi onun xalası oğludur. Ərizəçinin anası mərhum Əmrasdanova (Mehdiyeva) Ayna Rəhman qızı həqiqətən də xəstəliyi ilə əlaqədar olaraq xx.xx.1999-cu ildə Bakı şəhəri, M.Mirqasımov adına xəstəxanada vəfat etmiş, xx.xx.1999-cu il tarixdə isə Laçın rayon Qarakeçdi kənd qəbirstanlığında dəfn edilmiş və onun yas mərasimində iştirak etmişdir. Məhkəmə ərizəçinin izahatını, şahidlərin ifadələrini dinləyib, mülki işin materiallarını nəzərdən keçirərək belə hesab edir ki, ərizə təmin olunmalıdır. Belə ki, işdə olan Laçın rayon İcra hakimiyyəti başçısının Qoşasu kənd icra nümayəndəliyinin xx.xx.2023-cü il tarixli arayışından görünür ki, Ərizəçi məcburi köçkündür və hal-hazırda Ağcabədi rayon, Taxta körpü qəsəbəsi Laçın rayon Qoşasu obasında məskunlaşmışdır. İşə əlavə edilmiş şəxsiyyət vəsiqəsinin surətindən görünür ki, Ərizəçi Laçın rayonu Qoşasu kəndində qeydiyyatdadır. İşdə olan X2, X4 və X1 tərəfindən tərtib edilmiş və Laçın rayon İcra Hakimiyyəti başçısının Qoşasu kənd icra nümayəndəliyi tərəfindən imzalanaraq təsdiq edilmiş xx.xx.2023-cü il tarixli aktın məzmunundan və qəbrin fotoşəkillərindən görünür ki, Laçın rayon Qoşasu kənd sakini Əmrasdanova (Mehdiyeva) Ayna Rəhman qızı xx.xx.1999-cu il tarixdə Bakı şəhəri M.Mirqasımov adına xəstəxanada vəfat etmiş və xx.xx.1999-cu il tarixdə isə Laçın rayon Qarakeçdi kənd qəbirstanlığında dəfn olunmuşdur. İş materiallarında olan Maraqlı şəxs tərəfindən verilmiş xx.xx.2023-cü il tarixli məktubdan görünür ki, Laçın rayonu qeydiyyat şöbəsi və Azərbaycan Respublikası Ədliyyə Nazirliyinin “Vətəndaşlıq vəziyyəti aktları” avtomatlaşdırılmış qeydiyyat informasiya sisteminə daxil edilmiş bütün vətəndaşlıq vəziyyəti aktları üzrə yoxlama aparılmış və Əmrasdanova (Mehdiyeva) Ayna Rəhman qızının ölümü barədə akt qeydi aşkar olunmamışdır. Ona görə də Əmrasdanova (Mehdiyeva) Ayna Rəhman qızının ölməsi faktının müəyyən olunması üçün məhkəməyə müraciət olunması tövsiyyə edilmişdir. İş materiallarında olan doğum haqqında şəhadətnamənin təsdiqlənmiş surətindən görünür ki, Əmrasdanova (Mehdiyeva) Ayna Rəhman qızı, Ərizəçi anasıdır. İş materiallarında olan pasportun surətindən görünür ki, Əmrasdanova (Mehdiyeva) Ayna Rəhman qızı XX.XX.1951-ci ildə Laçın rayon Ağcakənd kəndində anadan olmuşdur. Bundan başqa, Azərbaycan Respublikası MPM-nin 307.2.8-ci maddəsinə görə müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktının müəyyən edilməsi barədə işlərə baxır. Azərbaycan Respublikası MPM-nin 308-ci maddəsinə uyğun olaraq məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Azərbaycan Respublikası MPM-nin 309.1-ci maddəsinə əsasən hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir. Azərbaycan Respublikası MPM-nin 310-cu maddəsinə uyğun olaraq ərizədə həmin faktın müəyyən edilməsinin ərizəçiyə nə məqsəd üçün lazım olduğu, habelə lazımi sənədləri ərizəçinin ala bilməməsini, yaxud itən sənədlərin bərpasının mümkünsüzlüyünü təsdiq edən sübutlar göstərilməlidir. Azərbaycan Respublikası MPM-nin 14.2-ci maddəsinin tələbinə görə, məhkəmə yalnız tərəflərin təqdim etdikləri subutları araşdırmalı və onlardan istifadə etməlidir. Azərbaycan Respublikası MPM-nin 77.1-ci maddəsinə görə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Azərbaycan Respublikası MPM-nin 217.4-cü maddəsinin tələblərinə görə, məhkəmə (hakim) öz qətnaməsini yalnız məhkəmə iclasında tədqiq olunmuş subutlarla əsaslandırır. Göstərilən qanunvericilik aktlarını və işin müəyyən edilmiş hallarını əsas götürən məhkəmə belə nəticəyə gəlir ki, XX.XX.1951-ci ildə Laçın rayon Ağcakənd kəndində anadan olmuş Əmrasdanova (Mehdiyeva) Ayna Rəhman qızının xx.xx.1999-cu ildə Bakı şəhərində ölməsi subuta yetirildiyindən və həmin faktın müəyyən edilməsi hüquqi əhmiyyətli olduğundan, Ərizəçi ərizəsi əsaslıdır, ona görə də təmin edilməli, göstərilən fakt məhkəmə tərəfindən müəyyən edilməli və bu barədə ölüm haqqında şəhadətnamənin verilməsi Maraqlı şəxsnə həvalə edilməlidir. Məhkəmə qeyd olunanlara əsasən və Azərbaycan Respublikası MPM-nin 216-220, 233, 307-311 və 360-cı maddələrini rəhbər tutaraq, qətetdi: Ərizə təmin edilsin. XX.XX.1951-ci ildə Laçın rayon Ağcakənd kəndində anadan olmuş Əmrasdanova (Mehdiyeva) Ayna Rəhman qızının xx.xx.1999-cu il tarixdə Bakı şəhərində vəfat etməsi (ölməsi) barədə hüquqi əhəmiyyəti olan fakt müəyyən edilsin. Ölüm haqqında şəhadətnamənin verilməsi Maraqlı şəxsnə həvalə edilsin. Qətnamədən rəsmi qaydada verildiyi gündən bir ay müddətində Laçın Rayon Məhkəməsi vasitəsilə Azərbaycan Respublikası Şirvan Apellyasiya Məhkəməsinin Mülki Kollegiyasına apellyasiya şikayəti verilə bilər. Hakim: Cavad İbrahimov