Masallı Rayon Məhkəməsi Qərardad — İş №2(050)-11/2024

Azərbaycan Respublikası adından QƏRARDAD Masallı rayonu İş № 2(050)-11/2024 18.01.2024 MASALLI RAYON MƏHKƏMƏSİ hakim Quliyev Ceyhun Əmir oğlunun sədrliyi, X1 katibliyi, Cavabdeh1 iştirakı ilə, İddiaçı Masallı Rayonu Sığdaş Bələdiyyəsinin cavabdehlər Cavabdeh1 və Cavabdeh2 qarşı “qanunsuz tikilinin sökülərək torpağın əvvəlki vəziyyətə gətirilməsi, zəbt olunmuş torpaq sahəsindən çıxarılma” tələbinə dair iddia ərizəsi üzrə mülki işə məhkəmə iclasında baxaraq, məhkəmə müəyyən etdi: Masallı Rayonu Sığdaş Bələdiyyəsi Cavabdeh1 və Cavabdeh2 qarşı “qanunsuz tikilinin sökülərək torpağın əvvəlki vəziyyətə gətirilməsi, zəbt olunmuş torpaq sahəsindən çıxarılma” tələbinə dair iddia ərizəsi ilə müraciət edərək qətnamə çıxarılmasını xahiş etmişdir. Məhkəmə baxış iclasları xx.xx.2023-cü il və xx.xx.2024-cü il tarixlərə təyin edilmişdir. İddiaçının nümayəndəsi və Cavabdeh2 məhkəmə iclaslarının vaxtı və yeri barədə lazımi qaydada məlumatlandırılmalarına baxmayaraq, məhkəmə iclasına gəlməmişlər və bununla bağlı məhkəməyə məlumat verməmişdilər. Cavabdeh1 məhkəmə iclasında işə mahiyəti üzrə baxılmasını tələb etmədiyini bildirdi. Azərbaycan Respublikası Mülki Prosessual Məcəlləsinin (bundan sonra-MPM) 259.0.7-ci maddəsinə əsasən işə onun iştirakı olmadan baxmağı xahiş etməmiş iddiaçı məhkəmənin birinci çağırışında gəlmədikdə, cavabdeh isə işin mahiyyəti üzrə baxılmasını tələb etmədikdə məhkəmə ərizəni baxılmamış saxlayır. 23 oktyabr 2023-cü il tarixli ekspert rəyinə dair bildirişdən görünür ki, aparılmış ekspertiza tədqiqatın dəyəri 50 manat olmuşdur. Azərbaycan Respublikası Mülki Prosessual Məcəlləsinin 260.3-cü maddəsinə əsasən qərardadda işdə iştirak edən şəxslərin arasında məhkəmə xərclərinin bölünməsi, büdcədən dövlət rüsumunun qaytarılması məsələləri həll edilə bilər. MPM-nin 119.1-ci maddəsinə əsasən iddia ərizəsi baxılmamış saxlanıldığından iddiaçı tərəfindən mütəxəssis rəyinin verilməsi üçün ödənilmiş 95 manat pul ona aid edilməli, ekspertizanın keçirilməsinə xərclənmiş 50 manat pul isə iddiaçıdan tutularaq Azərbaycan Respublikası Ədliyyə Nazirliyi Məhkəmə Ekspertizası Mərkəzinin hesabına keçirilməlidir. MPM-in 260.4-cü maddəsinə görə iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Göstərilənlərə əsasən və MPM-in 259, 260, 263-264, 267-268-ci maddələrini rəhbər tutaraq, məhkəmə qərara aldı: İddiaçı Masallı Rayonu Sığdaş Bələdiyyəsinin cavabdehlər Cavabdeh1 və Cavabdeh2 qarşı “qanunsuz tikilinin sökülərək torpağın əvvəlki vəziyyətə gətirilməsi, zəbt olunmuş torpaq sahəsindən çıxarılma” tələbinə dair iddia ərizəsi baxılmamış saxlanılsın. İddiaçı Masallı Rayonu Sığdaş Bələdiyyəsi tərəfindən mütəxəssis rəyinin verilməsi üçün ödənilmiş 95 manat pul ona aid edilsin. Ekspertizanın tədqiqatın dəyəri olan 50 manat pul Masallı Rayonu Sığdaş Bələdiyyəsindən tutularaq Azərbaycan Respublikası Ədliyyə Nazirliyi Məhkəmə Ekspertizası Mərkəzinin hesabına keçirilsin. İddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Qərardad tərəfə rəsmi qaydada verildikdən sonra 10 gün müddətində Masallı Rayon Məhkəməsinə şikayət verilə bilər. Hakim Ceyhun Quliyev