Masallı Rayon Məhkəməsi Qətnamə — İş №2(050)-1492/2025

Azərbaycan Respublikası adından QƏTNAMƏ Masallı rayonu İş № 2(050)-1492/2025 26.05.2025 MASALLI RAYON MƏHKƏMƏSİ Zeynalov Zeynal Ağabala oğlunun sədrliyi, Qasımov Xanbaba Alxas oğlunun katibliyi, Ərizəçi iştirakı ilə, Ərizəçi ölüm faktının müəyyən edilməsi tələbinə dair ərizəsi üzrə xüsusi icraat qaydasında mülki işə açıq məhkəmə iclasında baxaraq, məhkəmə müəyyənetdi: Ərizəçi ərizə ilə məhkəməyə müraciət edərək, xx.xx.1989-cu il tarixdə doğulmuş X1 xx.xx.1989-cu il tarixdə, xx.xx.1991-ci il təvəllüdlü X2 xx.xx.1991-ci il tarixdə ölmələri faktının müəyyən edilməsi barədə qətnamə çıxarılmasını xahiş etmişdir. Ərizə onunla əsaslandırmışdır ki, o, hal-hazırda Masallı rayonu Məmmədoba kəndində qeydiyyatda olmaqla yaşayır. xx.xx.1989-cu il tarixdə doğulmuş X3 və xx.xx.1991-ci il təvəllüdlü X4 onun övladlarıdır. Onlar doğularkən xəstə olmuşlar və 2-3 ay yaşayaraq ölmüşlər. Onlar el adəti qaydasında Məmmədoba kənd qəbristanlığında dəfn etmişlər. Onun həmin qəbristanlığında dəfn etməklərini şahidlər təsdiq edir. Övladları körpə olduğundan onlar üçün başdaşı qoyulmamışdır. Onların ölümü ilə bağlı tibbi şəhadətnamə olmadığından və göstərilən faktın təsdiq edilməsinə dair sənəd verən yeganə orqan həmin sənədin verilməsindən imtina etdiyindən o, onların ölüm haqqında şəhadətnaməsini başqa qaydada əldə edə bilmir. Buna görə də məhkəməyə müraciət etmək məcburiyyətində qalmışdır. Ərizəçi məhkəmə iclasında ərizənin məzmununa uyğun izahat verərərək, ərizənin təmin edilməsini xahiş etdi. Maraqlı şəxs Masallı Regional “ASAN Xidmət” X5 nümayəndəsi məhkəmə iclasının vaxtı və yeri barədə lazımi qaydada xəbərdar edilsə də, məhkəməyə gəlməmiş və gəlməməsinin səbəbi barədə məlumat verməmişdir. Belə olan halda məhkəmə Azərbaycan Respublikası MPM-in 185.5-ci maddəsinə əsasən işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Məhkəmə iclasında şahid qismində dindirilmiş Şahid1 ifadəsində göstərdi ki, o, Ərizəçi qonşusudur. Onun övladları xx.xx.1989-cu il tarixdə doğulmuş X3 xx.xx.1989-cu il tarixdə, xx.xx.1991-ci il təvəllüdlü X4 xx.xx.1991-ci il tarixdə vəfat etmişlər. Məhkəmə iclasında şahid qismində dindirilmiş Şahid2 ifadəsində göstərdi ki, o, Ərizəçi qonşusudur. Onun övladları xx.xx.1989-cu il tarixdə doğulmuş X3 xx.xx.1989-cu il tarixdə, xx.xx.1991-ci il təvəllüdlü X4 xx.xx.1991-ci il tarixdə vəfat etmişlər. İş materiallarında olan: doğum haqqında arayışdan görünür ki, xx.xx.1989-cu il tarixdə doğulmuş X1 atası X6, anası Ərizəçidır. doğum haqqında arayışdan görünür ki, xx.xx.1991-ci il təvəllüdlü X2 atası X6, anası Ərizəçidır. Masallı Regional “ASAN Xidmət” X5 08 aprel 2025-ci il tarixli, 3/16-5/8-21xx-xx/2025 saylı arayışından görünür ki, xx.xx.1989-cu ildə Masallı rayonu, Məmmədoba kəndində anadan olmuş X1 ölümü haqqında məlumatın müəyyən edilməsi məqsədi ilə “Vətəndaşlıq vəziyyəti aktları” avtomatlaşdırılmış qeydiyyat informasiya sistemində xx.xx.2025-ci ilədək daxil edilmiş bütün vətəndaşlı vəziyyəti aktları üzrə yoxlama aparılmış və ölüm haqqında akt qeydi aşkar edilməmişdir. Masallı Regional “ASAN Xidmət” X5 08 aprel 2025-ci il tarixli, 3/16-5/8-21xx-xx/2025 saylı arayışından görünür ki, xx.xx.1991-ci ildə Masallı rayonu, Məmmədoba kəndində anadan olmuş X2 ölümü haqqında məlumatın müəyyən edilməsi məqsədi ilə “Vətəndaşlıq vəziyyəti aktları” avtomatlaşdırılmış qeydiyyat informasiya sistemində xx.xx.2025-ci ilədək daxil edilmiş bütün vətəndaşlıq vəziyyəti aktları üzrə yoxlama aparılmış və ölüm haqqında akt qeydi aşkar edilməmişdir. “Masallı rayon Mərkəzi Xəstəxanası” publik hüquqi şəxs tərəfindən verilmiş 10 aprel 2025-ci il tarixli, 18-1-60/2-Ş-222-31-182/2025 nömrəli arayışdan görünür ki, X1 ölməsi barədə “Masallı Rayon Mərkəzi Xəstəxanası” PHŞ-də hər-hansı bir məlumat aşkar olunmamışdır. “Masallı rayon Mərkəzi Xəstəxanası” publik hüquqi şəxs tərəfindən verilmiş 10 aprel 2025-ci il tarixli, 18-1-60/2-Ş-31-183/2025 nömrəli arayışdan görünür ki, X2 ölməsi barədə “Masallı Rayon Mərkəzi Xəstəxanası” PHŞ-də hər-hansı bir məlumat aşkar olunmamışdır. Məhkəmə ərizəçinin izahatını, şahidlərin ifadələrini dinləyərək, işin materiallarını tədqiq edib, sübutların məcmusuna hüquqi qiymət verərək hesab edir ki, ərizə təmin edilməlidir. Belə ki, işin halları ilə müəyyən olunur ki, X3 xx.xx.1989-cu ildə Masallı rayonu, Məmmədoba kəndində anadan olmuş və xx.xx.1989-cu il tarixdə vəfat etmiş, Masallı rayonu, Məmmədoba kənd qəbiristanlığında dəfn edilmişdir. X4 xx.xx.1991-ci ildə Masallı rayonu, Məmmədoba kəndində anadan olmuş və xx.xx.1991-ci il tarixdə vəfat etmiş, Masallı rayonu, Məmmədoba kənd qəbiristanlığında dəfn edilmişdir. Onların ölüm faktının qeydə alınması üçün tələb olunan tibbi sənəd (həkim arayışı) müvafiq icra hakimiyyəti orqanına təqdim edilmədiyi üçün ölüm qeydinin rəsmləşdirilməsi mümkün olmamışdır. Azərbaycan Respublikası Nazirlər Kabinetinin 31 oktyabr 2003-cü il tarixli 41 saylı qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı qaydasının” ölümün qeydə alınmasının 8.1 və 8.2.-ci maddələrinə görə ölümün qeydə alınması ölmüş şəxsin yaşamış olduğu yerdə və ya ölümün baş verdiyi yerdə qeydiyyat orqanı, konsulluq idarəsi, icra hakimiyyətinin nümayəndəliyi tərəfindən aparılır. Ölüm faktının müəyyən edilməsi haqqında və ya vətəndaşın ölmüş elan edilməsi haqqında məhkəmənin qətnaməsi üzrə ölümün qeydə alınması qətnamə cıxarmış məhkəmənin olduğu yerdə aparılır. Həmin qaydanın 8.5.-ci maddəsinə əsasən ölüm faktı tibb müəssisəsinin müvafiq sənədi ilə (ölüm haqqında həkim arayışı, ölüm haqqında feldşer arayışı ilə) təsdiq edilməlidir. Ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. Azərbaycan Respublikası Mülki Prosessual Məcəlləsinin: 307.2.3-ci maddəsinə əsasən məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsi haqqında işlərə baxır. 307.2.8.-ci maddəsinə əsasən məhkəmə müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktını müəyyən edir. 308-ci maddəsinə əsasən məhkəmə hüquqi əhəmiyyətli faktları o zaman müəyyən edə bilər ki, ərizəçi həmin faktları təsdiq edən lazımı sənədləri başqa qaydada ala bilməsin, yaxud itirilmiş sənədlərin bərpası mümükün olmasın. Məhkəmə iş üzrə toplanmış sübutlara məcmu halda hüquqi qiymət verərək hesab edir ki, X1 xx.xx.1989-cu il tarixdə və X2 xx.xx.1991-ci il tarixdə ölmələri faktının müəyyən edilməsi üçün qanuni əsaslar vardır, bu iş materialları, habelə ərizəçinin izahatı və şahidlərin ifadələri ilə tam sübuta yetirilir, ərizəçi həmin faktı təsdiq edən sənədi başqa qaydada ala bilmir, buna görə də ərizə təmin edilməli, xx.xx.1989-cu il tarixdə doğulmuş X1 xx.xx.1989-cu il tarixdə, xx.xx.1991-ci il təvəllüdlü X2 xx.xx.1991-ci il tarixdə ölmələri faktı müəyyən edilməlidir. Göstərilənlərə əsasən Azərbaycan Respublikası Mülki Prosessual Məcəlləsinin 216- 220, 233 və 360-cı maddələrini rəhbər tutaraq, məhkəmə qət etdi: Ərizə təmin edilsin. xx.xx.1989-cu il tarixdə doğulmuş X1 xx.xx.1989-cu il tarixdə, xx.xx.1991-ci il təvəllüdlü X2 xx.xx.1991-ci il tarixdə ölmələri faktı müəyyən edilsin. Qətnamədən onun rəsmi qaydada verildiyi gündən bir ay müddətində (“Elektron məhkəmə” informasiya sistemində yaradılan elektron kabinet vasitəsi ilə) Masallı Rayon Məhkəməsi vasitəsilə Şirvan Apellyasiya Məhkəməsinin mülki kollegiyasına apellyasiya şikayəti verilə bilər. Sədrlik edən: Zeynal Zeynalov