Masallı Rayon Məhkəməsi Qərardad — İş №2(050)-3691/2023

Azərbaycan Respublikası adından QƏRARDAD Masallı rayonu İş № 2(050)-3691/2023 13.10.2023 MASALLI RAYON MƏHKƏMƏSİ Mən, Masallı Rayon Məhkəməsinin hakimi X2 Ərizəçi Maraqlı şəxsnə qarşı “ölüm faktının müəyyən edilməsi” tələbinə dair ərizəsini və ona əlavə edilmiş sənədləri nəzərdən keçirərək MÜƏYYƏN ETDİM: Ərizəçi Maraqlı şəxsnə qarşı “ölüm faktının müəyyən edilməsi” tələbi barədə ərizə ilə məhkəməyə müraciət edərək, 10 mart 1996-cı ildə Masallı rayonu Xırmandalı kəndində doğulmuş X1 ölüm faktının müəyyən edilməsi barədə qətnamə qəbul olunmasını xahiş etmişdir. Ərizəni və ona əlavə olunmuş sənədləri nəzərdən keçirərək hesab edirəm ki, ərizə geri qaytarılmalıdır. Belə ki, işdən göründüyü kimi ərizəçi ölümün qeydə alınması ilə bağlı ərizə ilə ərazi üzrə müvafiq Qeydiyyat Şöbəsinə müraciət etməli olduğu halda bunun etməmiş və müvafiq qurumun bu məsələ ilə bağlı imtina məktubunu almadan birbaşa məhkəməyə müraciət etmişdir. Məhkəmə izah edir ki, ərizəçi qeydiyyat şöbəsinə ərizə ilə müraciət etdikdən sonra qeydiyyat şöbəsində bu barədə müvafiq qeydiyyat aparıla bilmədiyi halda işə məhkəmə icraatı qaydasında baxılması mümkündür. MPM-in 152.1.1-ci maddəsinə əsasən iddia ərizəsinin həmin Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.1.6-cı maddəsinə əsasən müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə hakim iddia ərizəsini və ona əlavə edilmiş sənədləri geri qaytarır. Yuxarıda göstərilənlərə və Azərbaycan Respublikası MPM-nin 152-ci maddəsinə əsasən, QƏRARA ALDİM: Ərizəçi Maraqlı şəxsnə qarşı “ölüm faktının müəyyən edilməsi” tələbi barədə ərizəsi və ona əlavə edilmiş sənədlər geri qaytarılsın. Ərizənin qaytarılmasına səbəb olan nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra tərəflər 10 (on) gün müddətində (“Elektron məhkəmə” informasiya sistemində yaradılan elektron kabinet vasitəsi ilə) işə baxan Masallı Rayon Məhkəməsinə şikayət verə bilərlər. Hakim Zeynal Zeynalov