Mingəçevir Şəhər Məhkəməsi Qətnamə — İş №2(051)-940/2023

Azərbaycan Respublikası adından QƏTNAMƏ Mingəçevir şəhəri İş № 2(051)-940/2023 17.04.2023 MİNGƏÇEVİR ŞƏHƏR MƏHKƏMƏSİ Hakim Kərimova Məhburə Kərim qızının sədrliyi, Ağakişiyeva Aləmzar Həmid qızının katibliyi Ərizəçi iştirakı ilə, ölüm faktının müəyyən edilməsinə dair işə Mingəçevir Şəhər Məhkəməsinin binasında açıq məhkəmə iclasında baxaraq Müəyyənetdi: Ərizəçi məhkəməyə müraciət edərək, oğlu X5 ölüm faktının müəyyən edilməsini xahiş etmişdir. Ərizəçi məhkəmə iclasında ərizəni müdafiə edərək izahatında bildirdi ki, X9 onun oğludur. Elşad Cəfərov xx.xx.1973-cü il tarixdə Mingəçevir şəhərində anadan olmuş, xx.xx.2001-ci ildə bədbəxt hadisə nəticəsində Kür çayında batmış və üç gün sonra axtarılaraq meyidi tapılmışdır. Oğlu Elşadı xx.xx.2001-ci ildə Mingəçevir şəhər “Mingəçevir kənd” qəbirstanlığında dəfn etmişlər. Oğlunun ölümündən sonra sarsıntı keçirdiyindən və uzun müddət özünə gələ bilmədiyi üçün olüm haqqında şəhadətnamə ala bilməmişlər. Hazırda oğlunun ölüm haqqında şəhadətnaməsi yoxdur. Ölüm faktını təsdiq edən arayış olmadığı üçün Maraqlı şəxs tərəfindən oğlu Elşadın ölümü haqqında şəhadətnamə verilməsindən imtina edilmişdir. Həmin şəhadətnamənin başqa qaydada alınması mümkün deyil. Ona görə də məhkəməyə müraciət etmək məcburiyyətində qalmışdır. Ərizənin təmin olunmasını, xx.xx.1973-cü ildə anadan olmuş X5 31 mart 2001-ci ildə ölməsi faktının müəyyən olunmasını xahiş edir. Ölüm faktının müəyyən edilməsi oğlu Elşada ölüm haqqında şəhadətnamə almaq üçün lazımdır. Maraqlı şəxs rəisi S.Hüseynova məhkəməyə ərizə göndərərək işə onun iştirakı olmadan baxılmasını xahiş etmişdir. Məhkəmə maraqlı şəxsin iştirakı olmadan işə baxılmasını mümkün hesab edir. X2 məhkəmə iclasında verdiyi ifadəsində bildirdi ki, ərizəçi ilə 1977-ci ildən qonşudur. Ərizəçinin oğlu Elşad həqqətən də 31 mart 2001-ci ildə suda boğullaraq vəfat etmişdir. Yas mərasimində yaxından iştirak etmişdir. Ərizəçinin oğlu Mingəçevir şəhərində dəfn edilmişdir. X1 məhkəmə iclasında verdiyi ifadəsində bildirdi ki, əizəçi onun qardaşı arvadıdır. 40 ildən çoxdur ki, gəlin gəlib. Həqiqətən də Elşad xx.xx.2001-ci ildə vəfat edib. X3 məhkəmə iclasında verdiyi ifadəsində bildirdi ki, ərizəçinin həm qaynıdır, həm də kəndçisidir. Həqiqətən də Elşad 2001-ci ilin mart ayının 31-də suda boğularaq vəfat edib. Məhkəmə ərizəçini və şahidləri dinləyib, iş materialını araşdırıb hesab edir ki, ərizə təmin olunmalıdır. İşə əlavə edilmiş Maraqlı şəxs tərəfindən verilmiş 05/Q-04/15 №-li 31 yanvar 2023-cü il tarixli arayışda göstərilir ki, akt qeydləri arxivində X5 ölümünün qeydə alınması barədə heç bir akt qeydi aşkar olunmadı. İşə əlavə edilmiş Mingəçevir şəhər Bələdiyyəsi tərəfindən verilmiş 22 fevral 2023-cü il tarixli 186 №-li arayışda göstərilir ki, X9 31 mart 2001-ci ildə Mingəçevir şəhəri ”Mingəçevir kənd” qəbirstanlığında dəfn olunmuşdur. Məhkəmə tədqiqi zamanı X5 31 mart 2001-ci ildə Mingəçevir şəhərində ölməsi faktı müəyyən edildi. Həmçinin, müəyyən edildi ki, onun ölümü qeydə alınmamışdır. Azərbaycan Respublikası MPM-nin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.8-ci maddəsinə görə məhkəmə müvafiq icra hakimiyyəti orqanlarının imtina etdiyi hallarda şəxsin müəyyən vaxtda, müəyyən şəraitdə vəfat etməsi faktının müəyyən edilməsi barədə işə baxır. Azərbaycan Respublikası MPM-nin 308-ci maddəsinin tələbinə görə məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin. Məhkəmə toplanmış sübutlara qiymət verərək hesab edir ki, ərizə təmin olunmalı, X5 31 mart 2001-ci ildə Mingəçevir şəhərində ölməsi faktı müəyyən edilməlidir. Ölüm faktının müəyyən edilməsi ölüm haqqında şəhadətnamə almaq üçün lazımdır. Göstərilənlərə əsasən və Azərbaycan Respublikası MPM-nin 216-220, 360-cı maddələrini rəhbər tutub, məhkəmə Qətetdi: Ərizə təmin olunsun. 07 iyun 1973-cü ildə anadan olmuş X5 31 mart 2001-ci ildə Mingəçevir şəhərində ölməsi faktı müəyyən edilsin. Qətnamədən rəsmi qaydada verildiyi gündən 1 (bir) ay müddətində (Elektron Məhkəmə İnformasiya Sistemində yaradılan Elektron kabinetdən istifadə edilməklə) Mingəçevir Şəhər Məhkəməsi vasitəsi ilə Şəki Apelyasiya Məhkəməsinə apelyasiya şikayəti verilə bilər. Sədrlik edən: Məhburə Kərimova