Neftçala Rayon Məhkəməsi Qətnamə — İş №2(053)-760/2023

Azərbaycan Respublikası adından QƏTNAMƏ Neftçala rayonu İş № 2(053)-760/2023 16.10.2023 NEFTÇALA RAYON MƏHKƏMƏSİ Hakim Quliyev Samir İdris oğlunun sədrliyi, Qəmbərov Əli Qəmbər oğlunun katibliyi, Ərizəçi nümayəndəsi X7 iştirakı ilə Ərizəçi “Şəxsin ölməsi faktının müəyyən edilməsi” tələbinə dair ərizəsi üzrə mülki işə açıq məhkəmə iclasında baxaraq, məhkəmə MÜƏYYƏN ETDİ: Ərizəçi ərizə ilə məhkəməyə müraciət edərək, 1908-ci il tarixdə Neftçala rayonu, Qoltuq kəndində anadan olmuş babası X14 06 yanvar 1982-ci il tarixdə ölməsi faktının müəyyən edilməsinə dair qətnamə çıxarılmasını xahiş etmişdir. Ərizəçi ərizəsini onunla əsaslandırmışdır ki, babası 1908-ci il təvəllüdlü X24 06 yanvar 1982-ci ildə vəfat etmişdir. Ölüm haqqında məlumat verilmədiyindən ona ölüm haqqında şəhadətnamə alınmamışdır. X3 13 fevral 2023-cü ildə vəfat etmişdir. X4 ölüm haqqında şəhadətnamə alınması üçün Maraqlı şəxsnə müraciət etmişdir. Maraqlı şəxs 22 iyun 2023-cü il tarixli, 3165/815- 286/3023 nömrəli imtina məktubunda bildirmişdir ki, babanız X24 və nənəniz X16 barədə “Vətəndaşlıq vəziyyəti aktları” avtomatlaşdırılmış qeydiyyat informasiya sisteminə daxil edilmiş bütün vətəndaşlıq vəziyyəti aktları üzrə yoxlama aparılmış, X9 və Əliyeva Surayǝ Mehti qızının ölümü haqqında akt qeydi aşikar olunmamışdır. Arxiv məlumatları 1970- 1976-cı illər və 1979-1985-ci illər Maraqlı şəxs ilkin akt qeydləri üzrə yoxlanılmışdır. Belə ki, Azərbaycan Respublikası Nazirlər Kabinetinin xx.xx.2003-cü il tarixli Qərarı ilə təsdiq olunmuş “Vətəndaşlıq vəziyyəti aktlarının dövlət qeydiyyatı” Qaydasının 8.5-ci bəndinə əsasən ölüm hqqında tibbi şəhadətnamə olmadıqda ölüm faktı məhkəmə qaydasında müəyyən edildikdən sonra dövlət qeydiyyatına alına bilər. Odur ki, ölüm haqqında tibbi şəhadətnamə təqdim edə bilmədiyinizdən babanızın və nənənizin ölməsi faktının müəyyən edilməsi ilə bağlı məhkəməyə müraciət edə bilərsininz. “Neftçala Rayon Mərkəzi Xəstəxanası” Publik Hüquqi şəxsi 3 iyun 2023-cü il tarixli, PHS - 6-63/2-494/2023 nömrəli imtina məktubunda bildirir ki, Neftçala şəhəri, Məhəllə 6 ünvanında yaşamış 1908-ci il təvəllüdlü X14 06 yanvar 1982-ci ildə, 1908-cu il təvəllüdlü Əliyeva Surǝyya Mehtiqulu qızının 06 yanvar 1982-cü ildə ölmələri ilə bağlı Neftçala Rayon Mərkəzi Xəstəxanası X37 statistika bölməsində məlumat olmadığından onların ölümü haqqında tibbi şəhadətnamə verilməmiş və verilməsi mümkün deyildir. X9 06 yanvar 1982-ci il tarixdə vəfat etməsi onun məzar daşında qeyd edliməsi ölüm tarixi ilə təsdiq olunur. Neftçala rayon İcra Hakimiyyəti başçısının Neftçala şəhər İƏD üzrə nümayəndəsinin xx.xx.2023-cü il tarixli, 2507 saylı arayışından görünür ki, Ərizəçi babası X24 06 yanvar 1982-ci ildə, nənəsi mərhumǝ X5 06 yanvar 1982-cü ildə vəfat etmişdir. Hər ikisi Neftçala rayonu, İsmilli qəbiristanlığında dəfn ediliblər. Ölüm haqqında şəhadətnamələri yoxdur. X1 06 yanvar 1982-ci ildə vəfat edib, Neftçala rayonu, İsmilli qǝbiristanlığında dəfn edilməsini X10 və X17 məhkəmədə şahid qismində təsdiq edə bilərlər. X9 ölüm fktının müəyyən olunması vərəsəlik işinin aparılması üçün ona lazımdır. Ölüm haqqında şəhadətnaməni başqa cür əldə edə bilmədiyi üçün məhkəməyə müraciət etmişdir. Ərizəçi nümayəndəsi (anası) X22 məhkəmə baxışı iclası zamanı iddia ərizəsinin məzmununa uyğun izahat verməklə mərhum qaynatasının xəstəlikdən vəfat etdiyini və Neftçala rayonunun İsmilli qəbiristanlığında dəfn edildiyini bildirərək ərizənin təmin edilməsini xahiş etmişdir. Məhkəmədə şahid qismində dindirilmiş X23, X18 və X10 ərizəçinin nümayəndəsinin məhkəməyə bildirdiklərinə uyğun məzmunlu ifadələr vermişlər. Məhkəmə, ərizəçininin nümayəndəsini və şahidləri dinləyib, iş materiallarını araşdıraraq, hesab edir ki, ərizə təmin edilməlidir. “Doğum haqqında” şəhadətnamənin surətindən görünür ki, X19 07 iyul 1956-cı il tarixdə anadan olmuş, X26 atası, X20 isə anasıdır. “Doğum haqqında” şəhadətnaməsinin surətindən görünür ki, X11 25 avqust 1939cu il tarixdə anadan olmuş, X25 atası, X6 isə anasıdır. “Nikahın bağlanması haqqında” şəhadətnamənin surətindən görünür ki, X19 ilə X12 arasında nikah 08 oktyabr 1980-ci il tarixdə 350 nömrəsi ilə qeyd edilmiş, nikahdan sonra arvada “Əliyeva” soyadı verilmişdir. “Doğum haqqında” şəhadətnamənin surətindən görünür ki, Ərizəçi 02 avqust 1987ci il tarixdə anadan olmuş, X19 atası, X22 isə anasıdır. “Ölüm haqqında” şəhadətnamənin surətindən görünür ki, X19 13 fevral 2023-cü il tarixdə durğunluq ürək çatmamazlığından vəfat etmişdir. “Neftçala Rayon Mərkəzi Xəstəxanası” X37 arayışından görünür ki, Neftçala şəhəri, Məhəllə 6 ünvanında yaşamış 1908-cu il təvəllüdlü X9 06 yanvar 1982-ci il tarixdə ölümü haqqında Neftçala RMX-sı PHŞ-nin statistika bölməsində məlumat olmadığından ölüm haqqında heç bir tibbi sənəd verilməmişdir. Neftçala Rayon İcra Hakimiyyəti Başçısının Neftçala Şəhər İƏDÜN-nin 2507 №-li məktubunda qeyd edilir ki, həqiqətən də Ərizəçi babası X26 xx.xx.1982-ci ildə Neftçala şəhərində, nənəsi X6 isə xx.xx.1973-cü ildə Neftçala şəhərində vəfat etmiş və hər ikisi İsmilli qəbiristanlığında dəfn edilmişlər. Onların ölüm haqqında şəhadətnamələri yoxdur. Neftçala Rayon İcra Hakimiyyəti Neftçala Rayon Dövlət Arxivinin 05.07 2023-cü il tarixli arayışından görünür ki, mərhum X14 1982-ci, X2 isə 1973-cü ildə ölməsi təsdiq edən şəhadətnamələri arxivə təhvil verilməmişdir. “Məzar daşı” abidəsinin fotoşəkillərində X9 doğum tarixi 1908-ci il, ölüm tarixi isə 06 yanvar 1982-ci il kimi qeyd edilmişdir. Azərbaycan Respublikası MPM-nin 307.2.8-ci maddəsinə əsasən məhkəmə «müvafiq icra hakimiyyəti orqanlarının (Azərbaycan Respublikasının Ədliyyə Nazirliyi və Naxçıvan MR ərazisində Naxçıvan MR Ədliyyə Nazirliyi) imtina etdiyi hallarda şəxsin müəyyən vaxtda, müəyyən şəraitdə vəfat etməsi faktının» müəyyən edilməsi barədə işlərə baxır. Həmin Məcəllənin 308-ci maddəsinə əsasən «Məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın». Müvafiq sənədlərin başqa qaydada alına bilməməsi Ərizəçi ərizəsinə Maraqlı şəxs tərəfindən 22 iyun 2023-cü il tarixli məktubla imtina cavabı verilməsi ilə təsdiq olunur. Yuxarıda göstərilənlərə əsasən və Azərbaycan Respublikası MPM-nin 213, 216–220, 227, 233, 307, 311, 357–360 və 362-ci maddələrini rəhbər tutaraq, məhkəmə QƏT ETDİ: Ərizə təmin olunsun. 1908-ci il tarixdə Neftçala rayonu, Qoltuq kəndində anadan olmuş X9 06 yanvar 1982-ci il tarixdə Neftçala şəhərində ölməsi faktı müəyyən edilsin. Qətnamə Qeydiyyat orqanları tərəfindən ölümün qeydə alınması üçün əsasdır. Qətnamənin icrası Azərbaycan Respublikası Ədliyyə Nazirliyinin Maraqlı şəxsnə həvalə olunsun. Qətnamədən rəsmi qaydada verildiyi gündən 01 (bir) ay müddətində Neftçala Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər. Qətnamə şikayət verilməmişdirsə, qəbul edildiyi gündən 01 (bir) ay keçdikdən sonra qanuni qüvvəyə minir. Hakim Samir Quliyev