Saatlı Rayon Məhkəməsi Qətnamə — İş №2(055)-312/2023

Azərbaycan Respublikası adından QƏTNAMƏ Saatlı rayonu İş № 2(055)-312/2023 25.04.2023 SAATLI RAYON MƏHKƏMƏSİ Hakim Sadıqov Mirlətif Süleyman oğlunun sədrliyi, məhkəmə iclasının katibi X5, Ərizəçi iştirakı ilə, Ölüm faktının müəyyən edilməsi barədə Ərizəçi ərizəsi üzrə mülki işə açıq məhkəmə iclasında baxaraq, məhkəmə M ü ə y y ə n e t d i: Ərizəçi ərizə ilə məhkəməyə müraciət edərək X4 15 sentyabr 1991-ci il tarixdə Saatlı rayonunun Şirinbəy kəndində ölməsi faktının və X1 10 avqust 1996-cı il tarixdə Saatlı rayonunun Şirinbəy kəndində ölməsi faktının müəyyən edilməsinə dair qətnamə çıxarılmasını xahiş etmişdir. Məhkəmə baxışı zamanı Ərizəçi ərizəni müdafiə edərək izahatında göstərdi ki, X8 onun oğludur. Oğlu Sərvər 03 may 1991-ci ildə anadan olmuş, 15 sentyabr 1991-ci ildə Saatlı rayonunun Şirinbəy kəndində vəfat etmiş və Saatlı rayonunun Şirinbəy kəndinin kənd qəbristanlığında dəfn olunmuşdur. X6 isə onun qızıdır. Qızı Kamilə 20 noyabr 1995-ci ildə anadan olmuş, 10 avqust 1996-cı ildə Saatlı rayonunun Şirinbəy kəndində vəfat etmiş və Saatlı rayonunun Şirinbəy kəndinin kənd qəbristanlığında dəfn olunmuşdur.Həmin vaxt oğlunun və qzının ölümü haqqında şəhadətnamələri almamış, hazırda da mərhum oğlu-X8 və mərhum qızı X2 ölümünü təsdiq edən tibbi sənədlər olmadığından Saatlı rayon Qeydiyyat Şöbəsi tərəfindən ölüm haqqında şəhadətnamə verilməmiş, lakin həmin orqanda ona izah edilmişdir ki, ölüm haqqında şəhadətnaməni almaq üçün Rayon Məhkəməsinə müraciət etmək hüququ vardır. Fakt təsdiqi ona ölüm haqqında şəhadətnamə almaq üçün lazımdır. Ona görə də göstərdiklərini nəzərə alaraq ərizənin təmin edilməsi barədə qətnamə çıxarılmasını məhkəmədən xahiş etdi. Məhkəmə iclasının vaxtı və yeri haqqında lazımi qaydada xəbərdar edilmiş maraqlı tərəf Saatlı rayon Qeydiyyat Şöbəsinin nümayəndəsi heç bir üzrlü səbəb olmadan məhkəmənin iclasında iştirak etmir və məhkəmə Azərbaycan Respublikası Mülki Prosessual Məcəlləsinin 185.6-cı maddəsinə əsaslanaraq maraqlı tərəf Saatlı rayon Qeydiyyat Şöbəsinin nümayəndəsinin iştirakı olmadan işə baxılmasını mümkün hesab etmişdir. Məhkəmə baxışı zamanı şahid qismində dindirilmiş X11 ifadəsində göstərdi ki, mərhum Sərvər Sarıyev və mərhum Kamilə Nəcimova onun qardaşı Qənbərin övladlarıdır. X3 Sərvər Qənbər oğlu həqiqətən də 15 sentyabr 1991-ci ildə, qardaşı Qənbərin qızı X7 isə 10 avqust 1996-cı ildə Saatlı rayonunun Şirinbəy kəndində vəfat etmiş və hər ikisi həmin kəndin kənd qəbristanlığında dəfn olunmuşdur. Məhkəmə baxışı zamanı şahid qismində dindirilmiş X9 da digər şahid X10 ifadəsi ilə eyniməzmunlu ifadə verdi. İşdə olan və məhkəmə iclasında elan edilmiş Saatlı rayon İcra Hakimiyyəti Başçısının Saatlı rayon Şirinbəyli kənd İƏD üzrə nümayəndəsi Nüsrəddin Məmmədov və Saatlı rayon Şirinbəyli kənd sakinləri X11, X9 və Ərizəçi imzaları ilə təsdiq edilmiş aktdan görünür ki, mərhum X8 15 sentyabr 1991-ci ildə, mərhum X7 isə 10 avqust 1996-cı ildə vəfat etmiş və hər ikisi həmin kəndin kənd qəbristanlığında dəfn olunmuşdur. İşdə olan və məhkəmə iclasında elan edilmiş Saatlı rayon Qeydiyyat Şöbəsi tərəfindən verilmiş 10 fevral 2023-cü il tarixli rəydən görünür ki, X4 və X1 ölümünün qeydə alınmasından ərizəçi tərəfindən ölüm faktını təsdiq edən heç bir sənəd təqdim edilmədiyi üçün imtina olunmuşdur. Məhkəmə ərizəçini və şahidləri dinləyib, işə əlavə edilmiş sənədləri araşdırıb, məhkəmə tədqiqatı zamanı toplanmış sübutların məcmusuna qiymət verərək belə hesab edir ki, ərizə təmin olunmalıdır. Belə ki, Azərbaycan Respublikası Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.3-cü maddəsinə əsasən məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsi barədə işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o, zaman müəyyən edə bilər ki, ərizəçi həmin faktları təstiq edən lazımı sənədləri başqa qaydada ala bilməsin, yaxud itirilmiş sənədlərin bərpası mümkün olmasın. İş materiallarından, ərizəçinin və şahidlərin ifadələrindən göründüyü kimi ərizəçinin oğlu X8 15 sentyabr 1991-ci ildə, ərizəçinin qızı X7 isə 10 avqust 1996-cı ildə vəfat etmiş, lakin hər iki mərhuma ölüm haqqında şəhadətnamə alınmamışdır. Ona görə də ərizəçi oğlunun və qızının ölüm faktının müəyyən edilməsi üçün ərizə ilə məhkəməyə müraciət etmişdir. Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 88-ci maddəsinə əsasən məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Heç bir sübutun məhkəmə üçün qabaqcadan müəyyən edilmiş qüvvəsi yoxdur. Həmin Məcəllənin 217.4-cü maddəsinin tələbinə görə isə məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Şərh olunanları nəzərə alaraq məhkəmə belə nəticəyə gəlir ki, Ərizəçi ərizəsi əsaslı olduğundan təmin edilməklə onun oğlu X4 15 sentyabr 1991-ci ildə Saatlı rayonunun Şirinbəy kəndində, qızı X1 isə 10 avqust 1996-cı ildə Saatlı rayonunun Şirinbəy kəndində ölməsi faktı müəyyən edilməlidir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216- 220-ci maddələrini rəhbər tutaraq məhkəmə, Qətetdi: Ərizə təmin edilsin. 03 may 1991-ci il təvəllüdlü X4 15 sentyabr 1991-ci ildə Saatlı rayonunun Şirinbəy kəndində ölməsi faktı, 20 noyabr 1995-ci il təvəllüdlü X1 isə 10 avqust 1996-cı ildə Saatlı rayonunun Şirinbəy kəndində ölməsi faktı müəyyən edilsin. Qətnamədən bir ay müddətində Saatlı Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti vermək olar. Hakim: Mirlətif Sadıqov