Sabirabad Rayon Məhkəməsi Qətnamə — İş №2(056)-1900/2023

Azərbaycan Respublikası adından QƏTNAMƏ Sabirabad rayon İş № 2(056)-1900/2023 19.10.2023 SABİRABAD RAYON MƏHKƏMƏSİ X7 Allahverdiyevin sədrliyi, Məhkəmə iclasının katibi Quliyev Mətin Azər oğlunun katibliyi, Ərizəçi iştirakı ilə, Ərizəçi (Maraqlı şəxs kimi qeyd edilməklə) «ölüm faktının müəyyən olunması» barədə ərizəsi üzrə mülki işə Sabirabad Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Ərizəçi (Maraqlı şəxs kimi qeyd edilməklə) «ölüm faktının müəyyən olunması» barədə ərizə ilə məhkəməyə müraciət edərək, xx.xx.1956-cı ildə Sabirabad rayonu Şıxlar kəndində anadan olmuş X1 xx.xx.2022-ci il tarixdə Sabirabad rayonu, Şıxlar kəndində ölümünün qeyd edilmə faktı kimi müəyyən edilməsi barədə qətnamə çıxarılmasını xahiş etmişdir. Ərizəçi ərizəni onunla əsaslandırmışdır ki, xx.xx.1956-cı il tarixdə anadan olmuş X2 onun bacısıdır. Bacısı xx.xx.2022-ci il tarixdə vəfat emişdir. X8 Sabirabad rayonu Şıxlar kəndində yerləşən qəbristanlıqda dəfn olunmuşdur. Faktın təsdiqi bacısını adına olan şəhadətnamə almaq və bundan irəli gələn mülki hüquq münasibətlərinin tənzimlənməsi üçün zəruridir. Məhkəmə iclasında iştirak edən Ərizəçi ərizəsinin məzmununa uyğun izahat verərək ərizənin təmin olunmasını xahiş etdi. Məhkəmə iclasının vaxtı və yeri barədə müvafiq qaydada xəbərdar edilmiş Maraqlı şəxs məhkəmə iclasında nümayəndəsinin iştirakını təmin etməmişdir. Məhkəmə Azərbaycan Respublikası MPM-nin 185.6-cı maddəsinə əsasən işə maraqlı şəxin nümayəndəsinin iştirakı olmadan baxılmasını mümükün hesab etmişdir. Məhkəmə iclası zamanı X4 şahid qismində ifadə verərək bildirdi ki, ərizəçi onun qonşusudur. Ərizəçinin bacısı Əliyeva Mənsimə xx.xx.2022-ci il tarixdə səhhətində olan problemlərlə bağlı Şıxlar kəndində vəfat etmişdir. O, mərhumun dəfn və hüzn mərasimlərində yaxından iştirak etmişdir. Məhkəmə iclasında iştirak edən digər şahid qismində dindirilmiş X3 ərizəçi ilə həm qonşu, həm də qohum olduğunu bildirmiş və qeyd etmişdir ki, onların ataları əmioğlu olmuşlar. Ərizəçinin bacısı Əliyeva Mənsimə xx.xx.2022-ci il tarixdə səhhətində olan problemlərlə bağlı Şıxlar kəndində vəfat etmişdir. O, mərhumun dəfn və hüzn mərasimlərində yaxından iştirak etmişdir. Məhkəmə ərizəçini və şahidləri dinləyib, iş materiallarını araşdıraraq hesab edir ki, ərizə əsaslı olduğundan təmin edilməlidir. İş materiallarına əlavə edilmiş; Maraqlı şəxs tərəfindən verilmiş xx.xx.2023-cü il tarixli 05/xx-xx/2023 saylə rəydən görünür ki, əsas olmadığı üçün xx.xx.1956-cı il tarixdə Sabirabad rayonunun Şıxlar kəndində anadan olmuş və xx.xx.2022-ci il tarixdə vəfat etmiş X1 ölümünün dövlət qeydiyyatına alınaraq ölüm haqqında şəhadətnamə verilməsindən imtina edilmişdir. Sabirabad rayon Şıxlar kənd sakinlərinin imzaları və Ulacalı kənd İƏD-si üzrə nümayəndəliyinin möhürü ilə təsdiq edilmiş xx.xx.2023-cü il tarixli AKT-dan görünür ki, X2 xx.xx.2022-ci il tarixdə Sabirabad rayonu Şıxlar kəndində ölmüş və Şıxlar kənd qəbristanlığında dəfn edilmişdir. Azərbaycan Respublikasının Mülki Prosessual Məcəlləsinin 14.2-ci mаddəsinə əsаsən, məhkəmə yаlnız tərəflərin təqdim etdikləri sübutlаrı аrаşdırmаlı və оnlаrdаn istifаdə etməlidir. Həmin Məcəllənin 77.1-ci mаddəsinə əsаsən, hər bir tərəf öz tələblərinin və etirаzlаrının əsаsı kimi istinаd etdiyi hаllаrı sübut etməlidir. Həmin Məcəllənin 217.4-cü mаddəsinə əsаsən, məhkəmə öz qətnаməsini yаlnız məhkəmə iclаsındа tədqiq оlunmuş sübutlаrlа əsаslаndırır. Həmin Məcəllənin 307.2.8-ci maddəsinə əsasən məhkəmə müvafiq icra hakimiyyəti orqanlarının imtina etdiyi hallarda şəxsin müəyyən vaxtda, müəyyən şəraitdə vəfat etməsi faktını müəyyən edir. Həmin Məcəllənin 308-ci maddəsinə əsasən, məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımı sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 311-ci mаddəsinə əsаsən, məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Məhkəmə iş üzrə təqdim edilmiş sübutlara əsasən hesab edir ki, xx.xx.1956-cı il təvəllüdlü X1 xx.xx.2022-ci il tarixdə vəfat etməsini təsdiq etmək üçün kifayət qədər sübut vardır. Ona görə də ərizə əsaslı hesab edilərək təmin edilməlidir. Şərh olunanlara əsaslanaraq və Azərbaycan Respublikasının MPM-nin 216-220 və 305-311-ci maddələrini rəhbər tutaraq məhkəmə QƏT ETDİ: Ərizə təmin edilsin. xx.xx.1956-cı il tarixdə Sabirabad rayonu Şıxlar kəndində doğulmuş X1 xx.xx.2022-ci il tarixdə vəfat etməsi faktı müəyyən edilsin. Hazırkı qətnamə X2 barədə ölüm haqqında şəhadətnamənin verilməsi üçün əsasdır. Qətnamədən, onun surəti rəsmi qaydada verildiyi gündən 1 (bir) ay müddətində Sabirabad Rayon Məhkəməsi vasitəsi ilə Şirvan Apelyasiya Məhkəməsinə apelyasiya şikayəti verilə bilər.