Sabirabad Rayon Məhkəməsi Qətnamə — İş №2(056)-2283/2023

Azərbaycan Respublikası adından QƏTNAMƏ Sabirabad rayon İş № 2(056)-2283/2023 24.10.2023 SABİRABAD RAYON MƏHKƏMƏSİ Hakim Allahverdiyev Səlim Məhərrəm oğlunun sədrliyi, Məhkəmə iclas katibi Quliyev Mətin Azər oğlunun katibliyi ilə, Ərizəçi İddiaçı maraqlı şəxs Cavabdeh qarşı “mediasiya prosesi nəticəsində bağlanmış barışıq sazişinin təsdiq edilməsi” barədə ərizəsi üzrə mülki işə məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Ərizəçi İddiaçı maraqlı şəxs Cavabdeh qarşı “mediasiya prosesi nəticəsində bağlanmış barışıq sazişinin təsdiq edilməsi” barədə ərizə ilə məhkəməyə müraciət edərək, mediasiya prosesi nəticəsində onunla Cavabdeh arasında bağlanmış xx.xx.2023-cü il tarixli, MŞS/MT-023/2023-00932 nömrəli barışıq sazişinin təsdiq edilməsi barədə qətnamə qəbul edilməsini məhkəmədən xahiş etmişdir. Ərizəçi ərizəsini onunla əsaslandırmışdır ki, Cavabdeh ona 855 manat borcu vardır. O, işlə əlaqədar Sabirabad 1 saylı Mediasiya təşkilatına müraciət etmi. və xx.xx.2023-cü il tarixdə mediator X1, onun və borclu Cavabdeh razılaşmasına əsasən xx.xx.2023-cü il tarixli, MŞS/MT 023/2023-00932 saylı "Barışıq Sazişi" tərtib edilmişdir. Barışıq sazişinə əsasən, borclu Cavabdeh mənə 855 manat olan borcunu xx.xx.2023-cü il tarixdən başlayaraq hər ay 50 azn(əlli) manat ödəməyi öz öhdəsinə götürmüşdür. Borclu Cavabdeh xx.xx.2023-cü il tarixli, MŞS/MT 023/2023-00932 saylı "Barışıq Sazişi" ilə öz üzərinə götürdüyü öhdəliyə əməl etməyərək, mənə hər ay ödəyəcəyi məbləği ödəməkdən yayınır və ödəmir. Məhkəmə iclasının vaxtı və yeri barədə xəbərdar edilmiş ərizəçi İddiaçı və maraqlı şəxs Cavabdeh məhkəmə iclasına gəlməmiş, gəlməmələrinin səbəbi barədə məhkəməyə məlumat verməmişlər. Məhkəmə Azərbaycan Respublikasının MPM-nin tələblərinə istinadedərək, işə ərizəçinin və maraqlı şəxsin iştirakı olmadan baxılmasını mümkün hesab etmişdir. Məhkəmə, ərizəni və barışıq sazişini nəzərdən keçirərək hesab edir ki, ərizə əsaslı olduğundan təmin edilməlidir. Belə ki, iş materiallarında olan doğum haqqında şəhadətnamələrin surətindən görünür ki, tərəflərin birgə nikahlarından xx.xx.2012-ci il təvəllüdlü X3 adlı uşaqları doğulmuşdur. İş materiallarında olan xx.xx.2023-cü il tarixli Barışıq sazişindən görünür ki, tərəflər İddiaçı və Cavabdeh mən mediator X2 (reyster nömrəsi 00172) iştirakı ilə aralarında olan mübahisə ilə bağlı razılığa gəldilər. Belə ki, birinci tərəf İddiaçı ikiçi tərəf Cavabdeh ona 855(səkkiz yüz əlli beş) borcunu olduğunu bildirdi. İkinci tərəf Cavabdeh 855(səkkiz yüz əlli beş) manat borcla razılaşdı və borclu olduğunu etiraf etdi. Tərəf Cavabdeh 855(səkkiz yüz əlli beş) manat pul borcunu xx.xx.2023-ci il tarixdən etibarən hər ay 50(əlli)manat olmaqla geri ödəyəcəyini öz üzərinə öhdəlik götürdü. Bu sazişin 1.3 bəndində əsasən birinci tərəf İddiaçı razılaşdığını bildirdi. Bununla bağlı tərəflər Cavabdeh rəsmi izahat təqdim etdilər. Tərəflərin qəbul etdikləri qərarı öz imzalanmızla təsdiq edirlər. Azərbaycan Respublikası Mülki Prosessual Məcəlləsinin 305.1.17-ci maddəsinə əsasən mediasiya prosesi nəticəsində bağlanılmış barışıq sazişinin təsdiq edilməsi haqqında işlərə məhkəmə xüsusi icraat qaydasında baxır. Azərbaycan Respublikası Mülki-Prosessual Məcəlləsinin 355-23.1-ci maddəsində qeyd edilmişdir ki, “Mediasiya haqqında” Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə (barışıq sazişinin bu Məcəllənin 191.2-1-ci maddəsinə uyğun olaraq təsdiq edildiyi hal istisna olmaqla) məhkəməyə müraciət edə bilər. Həmin Məcəllənin 355-24-cü maddəsində qeyd edilmişdir ki, mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizədə barışıq sazişinin könüllü icrası üçün “Mediasiya haqqında” Azərbaycan Respublikası Qanununun 34.1-ci maddəsi ilə müəyyən olunmuş müddətin keçməsi və ərizəçinin xahişi göstərilməlidir. Həmin Məcəllənin 355-26-cı maddəsinə əsasən, məhkəmə barışıq sazişi və ya onun bir hissəsi qanuna zidd olduqda; barışıq sazişi mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunulan mübahisələr üzrə keçirilmiş mediasiya prosesinin nəticəsində bağlanıldıqda barışıq sazişinin və ya onun bir hissəsinin təsdiq edilməsindən imtina edir. “Mediasiya haqqında” Azərbaycan Respublikası Qanununun 34.1-ci maddəsində müəyyən edilmişdir ki, Barışıq sazişi, əgər sazişdə ayrı şərt nəzərdə tutulmayıbsa, imzalandığı gündən tərəflər üçün məcburi xarakter daşıyır. Barışıq sazişində tərəflər arasında ayrı müddət müəyyən edilməyibsə barışıq sazişi imzalandığı gündən 10 gün müddətində könüllü şəkildə icra olunmalıdır. Məhkəmə baxışında tədqiq olunmuş sübutlarla müəyyən edilmişdir ki, tərəflər mediasiya prosesində barışıq əldə etmişdir, ərizəçi tərəfindən təsdiq olunması xahiş edilmiş barışıq sazişi tam qanuni şəkildə bağlanmış, həmçinin saziş üçüncü şəxslərin hüquqlarına toxunmur. Belə olan halda məhkəmə hesab edir ki, tərəflər arasında xx.xx.2023-cü il tarixdə bağlanmış barışıq sazişi məcburi icrası üçün təsdiq olunmalıdır. Göstərilənləri və Azərbaycan Respublikasının MPM-in 216-220, 355-23-355-26-cı maddələrini rəhbər tutaraq, məhkəmə QƏT ETDİ: Ərizə təmin edilsin. İddiaçı ilə Cavabdeh arasında bağlanmış xx.xx.2023-cü il tarixli, MŞS/MT-023/2023-00932 nömrəli Barışıq sazişi təsdiq edilsin. Qətnamədən rəsmi qaydada verildiyi gündən 1 (bir) ay müddətində Sabirabad Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər.