Sabirabad Rayon Məhkəməsi Qətnamə — İş №2(056)-289/2024

Azərbaycan Respublikası adından QƏTNAMƏ Sabirabad rayon İş № 2(056)-289/2024 16.02.2024 SABİRABAD RAYON MƏHKƏMƏSİ X4 Novruzəli oğlunun sədrliyi, Əliyev Ələkbər Əlisahib oğlunun katibliyi, Ərizəçi iştirakı ilə, Ərizəçi (Maraqlı şəxs kimi qeyd edilən) «ölüm faktının müəyyən olunması» barədə ərizəsinə dair mülki işə xx.xx.2024-ci il tarixdə Sabirabad şəhərində, Sabirabad Rayon Məhkəməsinin inzibati binasında açıq məhkəmə iclasında baxaraq MÜƏYYƏN ETDİ: Ərizəçi (Maraqlı şəxs kimi qeyd edilən) «ölüm faktının müəyyən olunması» barədə ərizə ilə məhkəməyə müraciət edərək, xx.xx.1996-cı il tarixdə Sabirabad rayonu Çöl Ağammədli kəndində anadan olmuş X2 xx.xx.1998-ci il tarixdə ölməsi faktının müəyyən edilməsi barədə qətnamə çıxarılmasını xahiş etmişdir. Ərizəçi ərizəni onunla əsaslandırmışdır ki, oğlu X3 xx.xx.1996-cı ildə Sabirabad rayonu Çöl Ağammədli kəndinda anadan olmuşdur. Onlar ailələri ilə birlikdə Sabirabad rayonu Çöl Ağammədli kəndində yaşammışlar. İlkin Yusifov xx.xx.1998-ci il tarixdə vəfat etmiş və mərhumu kənd qəbristanlığında dəfn etmişlər. Oğlunun ölümü haqqında qeydiyyat şöbəsində akt qeydi tərtib edilməmiş və müvafiq şəhadətnamə alınmamışdır. Faktın təsdiqi ona Dövlət aktı üzrə yaranmış problemlərin həlli üçün zəruridir. Məhkəmə iclasında iştirak etmiş Ərizəçi ərizəyə uyğun məzmunda izahat verərək ərizənin təmin olunmasını xahiş etmişdir. Maraqlı şəxs məhkəməyə müraciət edərək məhkəmə iclasının onların nümayəndəsinin iştirakı olmadan keçirilməsini, iş üzrə qəbul olunacaq qərarı məhkəmənin mülhaizəsinə buraxdıqlarını və tələbin təmin ediləcəyi təqdirdə üzərinə düşən öhdəliklərin onlar tərəfindən icra olunacağını bildirmişdir. Məhkəmə iclasında şahid qismində ifadə vermiş Şahid3 bildirmişdir ki, ərizəçi onun həmkəndlisi və qonşusudur. X1 xx.xx.1998-ci il tarixdə yaşadığı evdə ölmüşdür. Hadisə yerində olmuş və mərhumun dəfn mərasimində iştirak etmişdir. X6 kənd qəbristanlığında dəfn edilmişdir. Məhkəmə iclasında şahid qismində ifadə vermiş Şahid1 bildirmişdir ki, ərizəçi onun həmkəndlisi və qonşusudur. X1 xx.xx.1998-ci il tarixdə yaşadığı evdə ölmüşdür. Hadisə yerində olmuş və mərhumun dəfn mərasimində iştirak etmişdir. X6 kənd qəbristanlığında dəfn edilmişdir. Məhkəmə iclasında şahid qismində ifadə vermiş Şahid2 Ağaqulu oğlu bildirmişdir ki, ərizəçi onun həmkəndlisi və qonşusudur. X1 xx.xx.1998-ci il tarixdə yaşadığı evdə ölmüşdür. Hadisə yerində olmuş və mərhumun dəfn mərasimində iştirak etmişdir. X6 kənd qəbristanlığında dəfn edilmişdir. Məhkəmə ərizəçi və şahidləri dinləyib, iş materiallarını araşdıraraq, hesab edir ki, ərizə əsaslı olduğundan təmin edilməlidir. İş materiallarında olan Maraqlı şəxs tərəfindən verilmiş xx.xx.2023-cü il tarixli rəydən görünür ki, əsas olmadığı üçün X2 ölümünün qeydə alınmasından imtina edilmişdir. İş materiallarına əlavə edilmiş doğum haqqında arayışdan görünür ki, X3 xx.xx.1996-cı il tarixdə Sabirabad rayonu Çöl Ağammədli kəndində anadan olmuşdur. İş materiallarına əlavə edilmiş Sabirabad rayon Çöl Ağammədli kənd sakinlərinin imzası ilə, həmçinin Sabirabad rayon Əhmədabad kənd İƏD-si üzrə nümayəndəliyinin möhürü və imzası ilə təsdiq edilmiş xx.xx.2023-cü il tarixli aktdan görünür ki, xx.xx.1996-cı il tarixdə anadan olmuş X3 xx.xx.1998-ci il tarixdə ölmüş və kənd qəbristanlığında dəfn edilmişdir. Azərbaycan Respublikası Mülki Prosessual Məcəlləsinin 307.1-ci maddəsinin tələbinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Azərbaycan Respublikası MPM-nın 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımı sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Azərbaycan Respublikası MPM-nın 307.2.8-ci maddəsinə əsasən məhkəmə müvafiq icra hakimiyyəti orqanlarının imtina etdiyi hallarda şəxsin müəyyən vaxtda, müəyyən şəraitdə vəfat etməsi faktını müəyyən edir. Məhkəmə iş üzrə təqdim edilmiş sübutlara əsasən hesab edir ki, xx.xx.1996-cı il təvəllüdlü X2 xx.xx.1998-ci il tarixdə Sabirabad rayon Çöl Ağammədli kəndində vəfat etməsini təsdiq etmək üçün kifayət qədər sübut vardır. Şərh olunanlara əsaslanaraq və Azərbaycan Respublikası MPM-nın 216-220 və 305-311ci maddələrini rəhbər tutaraq məhkəmə QƏT ETDİ: Ərizə təmin edilsin. xx.xx.1996-cı il tarixdə Sabirabad rayonu Çöl Ağammədli kəndində doğulmuş X2 xx.xx.1998-ci il tarixdə vəfat etməsi faktı təsdiq edilsin. Hazırkı qətnamə X3 barədə ölüm haqqında şəhadətnamənin verilməsi üçün əsasdır. Qətnamədən, onun surəti rəsmi qaydada verildiyi gündən bir ay müddətində Sabirabad Rayon Məhkəməsi vasitəsi ilə Azərbaycan Respublikası Şirvan Apelyasiya Məhkəməsinə apelyasiya şikayəti verilə bilər. Sədrlik edən: Füzuli Pənahov