Salyan Rayon Məhkəməsi Qətnamə — İş №2(057)-862/2023

Azərbaycan Respublikası adından QƏTNAMƏ Salyan rayon İş № 2(057)-862/2023 05.07.2023 SALYAN RAYON MƏHKƏMƏSİ Hakim Məmmədli Ənnağı Əbdül oğlunun sədrliyi, X12 qızının katibliyi, Ərizəçi iştirakı ilə, Ərizəçi (Maraqlı şəxs) “şəxsin vəfat etməsi faktının müəyyən edilməsi” tələbinə dair ərizəsi üzrə mülki işə açıq məhkəmə iclasında baxaraq, məhkəmə M Ü Ə Y Y Ə N E T D İ: Ərizəçi Maraqlı şəxsnə qarşı “hüquqi əhəmiyyəti olan faktın müəyyən edilməsi” tələbi barədə ərizəsi ilə məhkəməyə müraciət edərək xx.xx.1984-cü ildə Salyan rayonu, Şorsulu kəndində anadan olmuş qardaşı - X6 xx.xx.1999-cu il tarixdə Salyan rayonunun, Boranıkənd kəndində ölməsi faktının müəyyən edilməsi barədə qətnamə çıxarılmasını məhkəmədən xahiş etmişdir. Ərizəçi ərizəsini onunla əsaslandırmışdır ki, xx.xx.1984-cü ildə Salyan rayonu, Şorsulu kəndində anadan olmuş qardaşı - X6 xx.xx.1999-cu il tarixdə Salyan rayonunun, Boranıkənd kəndində vəfat etmişdir. Lakin həmin vaxt ölümün qeydiyyatı üçün sənədləşmə işlərinin aparılmalı olduğunu bilmədikləri üçün tibbi şəhadətnamə alınması və ölümün qeydiyyatı ilə bağlı məsələlər üzrə aidiyəti orqanlara müraciət olunmamışdır. Hazırda bu məsələ ilə bağlı əlaqədar qurumlara müraciət edilmiş, lakin Maraqlı şəxs tərəfindən verilmiş rəsmi cavabda, ölüm faktının qeydə alınmasından imtina olunaraq buna əsas kimi ölüm haqqında tibbi şəhadətnamənin olmaması əsas göstərilmiş və ölüm faktının müəyyən edilməsi üçün məhkəməyə müraciət edilməsi tövsiyə olunmuşdur. Hazırda X2nun ölümü barədə lazımi sənədin olmaması ona və digər ailə üzvlərinə ailə təsərrüfatı ilə bağlı və digər məsələlərdə qanunvericilikdə nəzərdə tutulmuş hüquqlarının həyata keçirilməsinə maneələr yaradır. X2 xx.xx.1999-cu ildə Salyan rayonunun, Boranıkənd kəndində vəfat etmiş və həmin kənd qəbiristanlığında dəfn olunmuşdu. Ərizəsinə əlavə etdiyi məzar daşının fotoşəkilləri bu faktı bir daha təsdiqləyir. Eləcə də kəndə yaşayan müvafiq yaş qrupuna mənsub bütün sakinlər qardaşının ölüm faktını təsdiq edə bilərlər. Həmçinin Şorsulu İƏN-i tərəfindən verilmiş arayışda da qardaşının xx.xx.1999-cu ildə ölməsi faktı təsdiqlənmişdir. Odur ki, xx.xx.1984-cü ildə Salyan rayonu, Şorsulu kəndində anadan olmuş qardaşı - X6 xx.xx.1999-cu il tarixdə Salyan rayonunun, Boranıkənd kəndində ölməsi faktının müəyyən edilməsi barədə qətnamə çıxarılmasını məhkəmədən xahiş etmişdir. Məhkəmə iclasında iştirak edən Ərizəçi ərizənin məzmununa uyğun izahat verərək, ərizənin təmin olunması barədə qətnamə çıxarılmasını xahiş etmişdir. Maraqlı şəxsnə məhkəmə iclasının yeri və vaxtı haqqında lazımi qaydada məlumat verilməsinə baxmayaraq, nümayəndəsinin məhkəmə iclasında iştirakını təmin etməmişdir. Azərbaycan Respublikası Mülki Prosessual Məcəlləsinin 185.5-ci maddəsinə əsasən məhkəmə iclasının vaxtı və yeri haqqında lazımi qaydada xəbərdar edilmiş cavabdehin (cavabdehlərin) gəlməməsinin səbəbləri haqqında məlumat olmadıqda və ya məhkəmə gəlməməyin səbəblərini üzrsüz hesab etdikdə, yaxud məhkəmə cavabdehin icraatı qəsdən yubandırdığını aşkar etdikdə, işə baxmağa haqlıdır. Bu halda qətnamə çəkişmə şəraitində qəbul edilmiş kimi qiymətləndirilərək cavabdehə apellyasiya qaydasında şikayət etmək hüququ verilir. Məhkəmə işə maraqlı şəxsin nümayəndəsinin iştirakı olmadan işə baxılmasını mümkün hesab etmişdir. Məhkəmə ərizəçini dinləyib, iş materiallarını araşdıraraq, iş üzrə toplanmış sübutlara hüquqi qiymət verərək, belə hesab edir ki, aşağıdakılara əsasən ərizə təmin edilməlidir. Belə ki, məhkəmə iclasında iştirak edən şahid qismində dindirilən X3 ifadəsində göstərmişdir ki, xx.xx.1966-cı ildə Salyan rayonu, Boranıkənd kəndində anadan olmuşdur. X8 vəfat edibdir, o tələbə olmuş, qiyabi təhsil almışdır. O, kənd qəbiristanlığında dəfn edilmişdir. Məhkəmə iclasında iştirak edən şahid qismində dindirilən X4 ifadəsində göstərmişdir ki, o, xx.xx.1986-cı ildə Şorsulu kəndində anadan olmuşdur, hazırda orada yaşayır. Mərhum bibisi oğlu X8 1999-cu ilin yanvar ayında rəhmətə gedib. O, yas mərasimində iştirak etmişdir. Onun müəyyən xəstəlikləri sudurğası olurmuş. Xəstəliyi ilə bağlı müalicə alıb-almaması barədə məlumatı yoxdur. Məhkəmə iclasında iştirak edən şahid qismində dindirilən X11 ifadəsində göstərmişdir ki, o, mərhum Samin Əzizovun dəfnində iştirak etmişdir. O, xəstə və fiziki qüsurlu olmuşdur. X16 Şorsulu qəbiristanlığında dəfn olunmuşdur. Onun dəfinində iştirak etmişdir. O, özü heyvandarlığla məşğul olurdu. Məhkəmə iclasında iştirak edən şahid qismində dindirilən X7 ifadəsində göstərmişdir ki, xx.xx.1969-cu ildə Şorsulu kəndində anadan olmuşdur. Samin Əzizov onun yaxın qonşusu olub. Sudurğalı və fiziki qüsurlu olmuşdur. 1999-cu ilin yanvar ayında günbatandan sonra Saminin halı pisləşmiş həkimə aparmaq istəsələr də xəstəxanaya çatdıra bilməmişlər. Mərhum Şorsulu kənd qəbiristanlığında dəfn olunmuşdur, dəfn mərasimində iştirak etmişdir. İş materiallarında olan xx.xx.2023-cü il tarixdə tərtib olunmuş, Salyan rayonu İHB-nın Şorsulu İƏD üzrə nümayəndəsi tərəfindən təsdiq olunmuş Aktdan görünür ki, Salyan rayonu, Boranikənd kənd sakini X5 iştirakı ilə bu aktı tərtib edir ona görə ki, X8 30 yanvar 1999-cu il tarixində Salyan rayonu, Boranikənd kəndində vəfat etmiş və həmən gündə Salyan rayonu, Şorsulu kənd qəbiristanlığında dəfn olunmuşdur. İş materiallarında olan Salyan rayonu İHB-nın Şorsulu kənd İƏD üzrə Nümayəndəsi tərəfindən tərtib olunmuş xx.xx.2023-cü il tarixli arayışdan görünür ki, X8 30 yanvar 1999cu il tarixində Salyan rayonu, Boranikənd kəndində vəfat etmiş və həmən gündə Salyan rayonu, Şorsulu kənd qəbrisitanlığında dəfn olunmuşdur. İş materiallarında olan 02 mart 2023-cü il tarixli Maraqlı şəxs tərəfindən Ərizəçi ünvanlanmış məktubdan müəyyən olunur ki, xx.xx.1984-cü ildə Salyan rayonu, Şorsulu kəndində anadan olmuş qardaşı - X6 xx.xx.1999-cu il tarixdə Salyan rayonunun, Boranıkənd kəndində ölməsi faktının qeydə alınması ilə əlaqədar müraciətinə cavab olaraq bildirilmişdir ki, 1999-cu ildən xx.xx.2023-cü il tarixədək "Vətəndaşlıq vəziyyəti aktları” X1 Sisteminə daxil edilmiş məlumatlar yoxlanılmış və xx.xx.1984-cü il təvəllüdlü X6 ölümü haqqında akt qeydi aşkar olunmamışdır. Azərbaycan Respublikası Nazirlər Kabinetinin xx.xx.2003-cü il tarixli 145 nömrəli Qərarı ilə təsdiq edilmiş Vətəndaşlıq vəziyyəti aktlarının dövlət qeydiyyatı Qaydasının 8.5-ci bəndinə əsasən ölüm haqqında tibbi şəhadətnamə olmaqdıqda ölüm faktı məhkəmə qaydasında müəyyən edilməlidir.Qeydiyat şöbəsi ölüm faktının müəyyən edilməsi məsələsi ilə əlaqədar məhkəməyə müraciət etməsi tövsiyə edilmişdir. İş materiallarında olan və məhkəmə iclasında elan olunmuş məzar daşının üzərində olan fotoşəkildən görünür ki, X8 30 yanvar 1999-cu il tarixdə vəfat etmişdir. Beləliklə, məhkəmə iclasında müəyyən olunmuşdur ki, 1984-cü ildə Salyan rayonu, Şorsulu kəndində doğulmuş X8 30 yanvar 1999-cu ildə Salyan rayonu, Boranıkənd kəndində olan evdə vəfat etmişdir. Mərhum Şorsulu qəbiristanlıqda dəfn olunmuşdur. Lakin onun ölüm faktı qanunla müəyyən olunmuş qaydada qeydiyyata alınmamışdır. Ərizəçi qardaşının ölümünün qeyd edilməsi haqqında sənədləri başqa qaydada ala bilmədiyi üçün məhkəməyə müraciət etmişdir. Azərbaycan Respublikası Konstitusiyasının 60-cı maddəsinə görə hər kəsin hüquq və azadlıqlarının məhkəmədə müdafiəsinə təminat verilir. Azərbaycan Respublikası Mülki Prosessual Məcəlləsinin 4.2-ci maddəsinə əsasən, məhkəməyə müraciət etmək hüququndan imtina edilməsi etibarsızdır. Həmin Məcəllənin 217.2-ci maddəsinə əsasən, qətnamə mübahisəli hüquq münasibətinin yarandığı zaman qüvvədə olan maddi hüquq normalarına və işin baxılması zamanı qüvvədə olan prosessual hüquq normalarına uyğun çıxarılmalıdır. Həmin Məcəllənin 305.1.1-ci maddəsinə əsasən, məhkəmə hüquqi əhəmiyyəti olan faktların müəyyən edilməsi haqqında işlərə xüsusi icraat qaydasında baxır. Həmin Məcəllənin 307.2.8-ci maddəsinə əsasən, məhkəmə müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktının müəyyən edilməsi barədə işlərə baxır. Bu Məcəllənin 311-ci maddəsinə əsasən, məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Azərbaycan Respublikası Ali Məhkəməsi Plenumunun 12 aprel 2019-cu il tarixli, 03 saylı qərarında göstərilmişdir ki, Azərbaycan Respublikası MPM-nin 307.2.8-ci maddəsində şəxsin müəyyən vaxtda və müəyyən şəraitdə vəfat etməsi faktının müəyyən edilməsi haqqında işlərə baxılarkən məhkəmələr ilk növbədə nəzərə almalıdırlar ki, Azərbaycan Respublikası Nazirlər Kabinetinin 2003-ci il 31 oktyabr tarixli, 145 nömrəli Qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı Qaydası”nın 8.5-ci bəndinə əsasən ölüm faktı tibb müəssisəsinin müvafiq sənədi ilə (ölüm haqqında həkim arayışı, ölüm haqqında feldşer arayışı ilə) təsdiq edilməlidir. Ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. Şəxsin müəyyən vaxtda, müəyyən şəraitdə ölməsi faktının müəyyən edilməsinə dair verilən ərizədə şəxsin müəyyən vaxtda, müəyyən şəraitdə ölməsini təsdiq edən əsaslı hallar (sübutlar) göstərilməlidir. Şəxsin müəyyən vaxtda, müəyyən şəraitdə ölməsi faktının müəyyən edilməsinə dair ərizəni təmin edən məhkəmə qətnaməsində ölüm faktı müəyyən edilən şəxsin adı, soyadı, atasının adı, ölümün baş vermə vaxtı və hansı şəraitdə baş verməsi göstərilməlidir. Ölümün baş vermə tarixi məhkəmənin qətnaməsində ölümün baş verməsinə dair göstərilən və məhkəmənin müəyyən etdiyi tarix hesab olunur. Sadalanan xüsusatlara əsasən məhkəmə hesab edir ki, ölüm faktının müəyyən edilməsinin ölüm haqqında şəhadətnamənin alınmasına dair hüquqi əhəmiyyəti olduğundan, lakin ərizəçi göstərilən faktı təsdiq edən lazımi sənədləri başqa qaydada əldə edə bilmədiyindən, Azərbaycan Respublikası Azərbaycan Respublikası Mülki Prosessual Məcəlləsinin 308-ci maddəsinə əsasən, mövcud ərizə ilə məhkəməyə müraciət etməkdə haqlıdır. Göründüyü kimi, ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. Belə ki, Azərbaycan Respublikası Mülki Prosessual Məcəlləsinin 308-ci maddəsinə əsasən, məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin. Məhkəmə iş üzrə təqdim edilmiş sübutları məcmu halında qiymətləndirərək hesab edir ki, X6 ölüm faktının müəyyən edilməsinin hüquqi əhəmiyyəti olduğundan, Ərizəçi X2nun 30 yanvar 1999-cu il tarixdə Salyan rayonu, Boranıkənd kəndində ölməsini təsdiq edən lazımi sənədi başqa qaydada əldə edə bilmədiyindən, habelə onun ölməsi ərizəçinin izahatı və digər materiallar ilə sübuta yetirildiyindən, ərizə əsaslıdır və buna görə də təmin edilməlidir. Beləliklə, məhkəmə hesab edir ki, ərizəçinin ərizəsi təmin edilməklə 1984-cü il təvəllüdlü, Salyan rayonu, Şorsulu kəndində doğulmuş X6 xx.xx.1999-cu il tarixdə Salyan rayonunun Boranıkənd kəndində ölməsinə dair hüquqi əhəmiyyəti olan fakt müəyyən edilməlidir. Qeyd olunanlara əsasən və Azərbaycan Respublikası Mülki Prosessual Məcəlləsinin 216-220, 227 və 360-cı maddələrini rəhbər tutaraq, məhkəmə Q Ə T E T D İ: Ərizə təmin edilsin xx.xx.1984-cü il tarixdə Salyan rayonu, Şorsulu kəndində doğulmuş X6 xx.xx.1999-cu il tarixdə Salyan rayonu, Boranıkənd kəndində ölməsi fakt müəyyən edilsin. Qətnamədən onun rəsmi qaydada verildiyi gündən 1 (bir) ay müddətində (“Elektron məhkəmə” informasiya sistemində yaradılan elektron kabinetdən istifadə edilməklə) Salyan Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim: Ənnağı Məmmədli