Sumqayıt Şəhər Məhkəməsi Qərardad — İş №2(060)-5654/2024

Azərbaycan Respublikası adından QƏRARDAD Sumqayıt şəhəri İş № 2(060)-5654/2024 12.09.2024 SUMQAYIT ŞƏHƏR MƏHKƏMƏSİ Hakim Tanrıverdiyeva Günel Cəbrayıl qızının sədrliyi, Atakişiyev Atakişi Nizami oğlunun katibliyi ilə, Ərizəçi oğlunun maraqlı şəxs 2 saylı Sumqayıt regional “Asan xidmət” Mərkəzində şəhər Qeydiyyat Şöbəsinə qarşı hüquqi əhəmiyyətli faktın müəyyən edilməsi tələbinə dair mülki işə açıq məhkəmə iclasında baxaraq, müəyyən etdi: Ərizəçi oğlu maraqlı şəxs 2 saylı Sumqayıt regional “Asan xidmət” Mərkəzində şəhər Qeydiyyat Şöbəsinə qarşı hüquqi əhəmiyyətli faktın müəyyən edilməsi tələbinə dair ərizə ilə məhkəməyə müraciət edərək, 1978-ci ildə Masallı rayonunun, Sirəbil kəndində vəfat etmiş mərhum babası X1 ölməsi faktının təsdiq edilməsi barədə qətnamə çıxarılmasını xahiş etmişdir. Hal-hazırda Ərizəçi oğlu oğlu ərizə ilə məhkəməyə müraciət edərək, ərizəsinə əlavə edilən sənədlərin və dövlət rüsumunun geri qaytarılmasını xahiş etmişdir. Məhkəmə hesab edir ki, ərizəçi ərizəsinin qaytarılmasını xahiş etdiyindən ərizə geri qaytarılmalıdır. Belə ki, Azərbaycan Respublikası Mülki-Prosessual Məcəlləsinin 170-ci maddəsinə əsasən, bu Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Ərizəçi eyni zamanda dövlət rüsumunun da geri qaytarılmasını xahiş etmişdir. Məhkəmə hesab edir ki, ərizə həmin hissədə əsaslı olduğundan təmin edilməlidir. Belə ki, Azərbaycan Respublikası Mülki Prosessual Məcəlləsinin: 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır. 114.2-ci maddəsinə əsasən dövlət rüsumu Azərbaycan Respublikasının qanunları ilə nəzərdə tutulmuş digər hallarda da geri qaytarılır. Məhkəmə dövlət rüsumunun qaytarılması məsələsi barədə qərardad çıxarır, qərardadda dövlət rüsumunun tam və ya qismən qaytarılmasının əsasları göstərilir. Göstərilənlərə əsasən məhkəmə hesab edir ki, Sumqayıt Şəhər Məhkəməsinin 2(060)-5654/2024 saylı mülki işi üzrə Ərizəçi oğlu tərəfindən xx.xx.2024-cü il tarixli ********** saylı mədaxil qəbzi əsasında ödənilmiş 100 (yüz) manat məbləğində pul Ərizəçi oğluna geri qaytarılmalıdır. Şərh olunanlara əsasən və Azərbaycan Respublikası MPM-nin 170, 263, 264, 266- 269-cu maddələrini rəhbər tutaraq, məhkəmə qərara aldı: Ərizəçi oğlunun maraqlı şəxs 2 saylı Sumqayıt regional “Asan xidmət” Mərkəzində şəhər Qeydiyyat Şöbəsinə qarşı hüquqi əhəmiyyətli faktın müəyyən edilməsi tələbinə dair iddia ərizəsi və ona əlavə edilmiş sənədlər Ərizəçi oğluna geri qaytarılsın. Sumqayıt Şəhər Məhkəməsinin 2(060)-5654/2024 saylı mülki işi üzrə Ərizəçi oğlu tərəfindən xx.xx.2024-cü il tarixli ********** saylı mədaxil qəbzi əsasında ödənilmiş 100 (bir yüz) manat məbləğində pul Ərizəçi oğluna geri qaytarılsın. Qərardadın icrası Azərbaycan Respublikası Maliyyə Nazirliyinin Sumqayıt şəhəri üzrə Maliyyə İdarəsinə həvalə edilsin. Qərardaddan 10 (on) gün müddətində Sumqayıt şəhər məhkəməsinə şikayət verilə bilər. Hakim Günel Tanrıverdiyeva