Tovuz Rayon Məhkəməsi Qətnamə — İş №2(062)-1794/2025

Azərbaycan Respublikası adından QƏTNAMƏ Tovuz rayon İş № 2(062)-1794/2025 08.05.2025 TOVUZ RAYON MƏHKƏMƏSİ Hakim Hacıyev Süleyman Aslan oğlunun sədrliyi, məhkəmə iclasının katibi X1 iclas katibliyi, Ərizəçi iştirakı ilə Ərizəçi Maraqlı şəxs göstərilməklə “mediasiya prosesi nəticəsində bağlanılmış barışıq sazişinin təsdiq edilməsi”nə dair ərizəsi üzrə mülki işə аçıq məhkəmə iclаsındа bаxаrаq, məhkəmə MÜƏYYƏN ETDİ: Ərizəçinin xahişi Ərizəçi Maraqlı şəxs qarşı “mediasiya prosesi nəticəsində bağlanılmış barışıq sazişinin təsdiq edilməsi”nə dair ərizə ilə Tovuz Rayon Məhkəməsinə müraciət edərək, məhkəmədən Tovuz 1 saylı Mediasiya Təşkilatı tərəfindən tərtib edilmiş xx.xx.2023-cü il tarixli barışıq sazişində göstərilən xx.xx.2016-cı il təvəllüdlü Şövkət, xx.xx.2019-cu il təvəllüdlü Dəniz və xx.xx.2020-ci il təvəllüdlü Günəş adlı uşaqların saxlanılması üçün hər ay bir uşaq üçün 100 manat, cəmi 300 manat məbləğində alimenti hər ayın 1-dən gec olmayaraq Maraqlı şəxs alınaraq ona verilməsi barədə qətnamə çıxarılmasını xahiş etmişdir. Ərizənin əsaslandırıldığı hallar Ərizəçi ərizəni onunla əsaslandırmışdır ki, Maraqlı şəxs qarşı “nikahın pozulması” tələbinə dair Tovuz Rayon Məhkəməsinə iddia qaldırmışdır. Tovuz Rayon Məhkəməsinin 2(062)-2612/2023 saylı, xx.xx.2023-cü il tarixli qətnaməsinə əsasən nikahları pozulmuşdur. Birgə nikahlarından 3 uşaqları olmuşdur: xx.xx.2016-cı il təvəllüdlü Şövkət, xx.xx.2019-cu il təvəllüdlü Dəniz və xx.xx.2020-ci il təvəllüdlü Günəş. Tovuz 1 saylı Mediasiya Təşkilatının xx.xx.2023-cü il tarixli barışıq sazişinə əsasən azyaşlı övladları onun himayəsində qalması barədə mediasiya təşkilatında təsdiq edilmişdir. Maraqlı şəxs barışıq sazişidə göstərilən razılaşmaya könüllü şəkildə icra etmir. Belə ki, Maraqlı şəxs azyaşlı uşaqlarının saxlanması üçün razılaşdıqları aliment məbləğini ödəmir. Tərəflərin izahatları Məhkəmə iclasında Ərizəçi ərizəsində göstərdiyi halları bir daha təsdiq edərək ərizənin təmin edilməsi barədə qətnamə qəbul edilməsini xahiş etmişdir. Məhkəmə iclasının yeri və vaxtı barədə lazımi qaydada xəbərdar edilməsinə baxmayaraq Maraqlı şəxs məhkəmə iclasında iştirak etməmişdir. İş materialları Mediasiya prosesi nəticəsində Ərizəçi (Birinci Tərəf) və Maraqlı şəxs (İkinci Tərəf) arasında xx.xx.2023-cü il tarixdə bağlanılmış MŞT/MT024/2023-0854 nömrəli barışıq sazişindən görünür ki, sazişə görə tərəflər aşağıdakı qaydada razılığa gəlirlər: “Tərəflər birgə nikahlarından xx.xx.2016-cı ildə anadan olmuş X5, xx.xx.2019-cu ildə anadan olmuş X6, xx.xx.2020-ci ildə anandan olmuş X2 yetkinlik yaşına çatanadək anaları X3 yanında və himayəsində qalması barədə razılığa gəldilər. Tərəflərin birgə nikahlarından xx.xx.2016-cı ildə anadan olmuş X5, xx.xx.2019-cu ildə anadan olmuş X6, xx.xx.2020-ci ildə anandan olmuş X2 yetkinlik yaşana çatanadək saxlanması üçün Maraqlı şəxs hər ay bir uşaq üçün 100 manat, cəmi 300 manat alimenti hər ayın 1-dən gec olmayaraq Ərizəçi verməyi öhdəsinə götürür. Maraqlı şəxs övladları Şövkət, Dəniz və Günəş ilə uşaqların mənafeyinə uyğun istənilən vaxt görüşə və ünsiyətdə ola bilər.” İşin faktiki halları Ərizəçi və Maraqlı şəxs arasında keçirilmiş mediasiya prosesi nəticəsində xx.xx.2023-cü il tarixdə, MŞT/MT024/2023-0854 nömrəli barışıq sazişi bağlanmışdır. Mediasiya sazişinin şərtlərinə uyğun olaraq xx.xx.2016-cı ildə anadan olmuş X5, xx.xx.2019-cu ildə anadan olmuş X6, xx.xx.2020-ci ildə anandan olmuş X2 yetkinlik yaşana çatanadək saxlanması üçün hər ay bir uşaq üçün 100 manat, cəmi 300 manat alimenti hər ayın 1-dən gec olmayaraq Ərizəçi vermək öhdəliyini öz üzərinə götürdüyü halda, həmin öhdəlik üzrə ödənilməli olan pul məbləğini ödəməmişdir. Bununla da barışıq sazişi üzrə ikinci tərəf Maraqlı şəxs barışıq sazişini könüllü qaydada icra etməmişdir. Tətbiq edilən hüquq “Mediasiya haqqında” Azərbaycan Respublikasının Qanunu Maddə 3.3. Bu Qanunun 3.1-ci maddəsində nəzərdə tutulan mübahisələr mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunduqda belə mübahisələr üzrə mediasiya keçirilə bilməz. Həmin hallar aşkar edildikdə mediator (mediasiya təşkilatı), tərəflər və ya onlardan biri həmin mübahisələr üzrə mediasiya prosesindən imtina edirlər. Maddə 33.3. Barışıq sazişi qanuna və bu Qanunun 3.3-cü maddəsinin birinci cümləsinin müddəalarına zidd olmamalıdır. Maddə 34.1. Barışıq sazişi, əgər sazişdə ayrı şərt nəzərdə tutulmayıbsa, imzalandığı gündən tərəflər üçün məcburi xarakter daşıyır. Barışıq sazişində tərəflər arasında ayrı müddət müəyyən edilməyibsə barışıq sazişi imzalandığı gündən 10 gün müddətində könüllü şəkildə icra olunmalıdır. Maddə 34.2. Barışıq sazişinin könüllü icrasından boyun qaçırma Azərbaycan Respublikasının Mülki Məcəlləsinə uyğun olaraq barışıq sazişində müəyyən olunan məsuliyyətə səbəb olur. Maddə 34.3. Əgər barışıq sazişinin könüllü icrasından imtina olunsa, tərəf (o cümlədən məhkəmə baxışında olan işlər üzrə tərəf) barışıq sazişinin məcburi icrası üçün məhkəməyə müraciət edə bilər. Maddə 34.4. Barışıq sazişi məcburi icra edilməsi üçün məhkəmə tərəfindən müvafiq qaydada təsdiq olunur (bu Qanunun 34.5-ci maddəsinin tələbləri nəzərə alınmaqla). Maddə 34.5. Barışıq sazişi bu Qanunun 33.3-cü maddəsinə zidd olduqda, onun təsdiq edilməsindən imtina olunur. Azərbaycan Respublikasının Mülki Prosessual Məcəlləsi Maddə 355-23.1. “Mediasiya haqqında” Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə (barışıq sazişinin bu Məcəllənin 191.2-1-ci maddəsinə uyğun olaraq təsdiq edildiyi hal istisna olmaqla) məhkəməyə müraciət edə bilər. Maddə 355-23.2. Mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizə ərizəçi fiziki şəxsin yaşadığı yer, hüquqi şəxsin ünvanının olduğu yer üzrə, ərizə dövlət orqanı (qurumu) tərəfindən verildikdə, barışıq sazişinin icrasından imtina edən fiziki şəxsin yaşadığı, hüquqi şəxsin ünvanının olduğu yer üzrə məhkəməyə verilir. Maddə 355-24. Mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizədə barışıq sazişinin könüllü icrası üçün “Mediasiya haqqında” Azərbaycan Respublikası Qanununun 34.1-ci maddəsi ilə müəyyən olunmuş müddətin keçməsi və ərizəçinin xahişi göstərilməlidir. Maddə 355-25.1. Barışıq sazişinin təsdiq edilməsi ilə bağlı ərizəyə məhkəməyə daxil olduqdan sonra 10 gün müddətində baxılır. Maddə 355-25.2. Məhkəmə ərizəyə baxılması barədə işdə maraqlı olan şəxslərə məlumat verir, lakin həmin şəxslərin üzrlü səbəb olmadan məhkəmə iclasına gəlməməsi işə baxılmasına mane olmur. İşdə maraqlı olan şəxslər üzrlü səbəblərdən gəlmədiyi hallarda, məhkəmə işin baxılmasını təxirə salır. Maddə 355-25.3. Məhkəmə ərizəyə baxarkən bu Məcəllənin 355-26-cı maddəsində sadalanmış halların olub-olmadığını müəyyən edir və barışıq sazişinin təsdiq edilməsi və ya təsdiq edilməsindən imtina olunması barədə qətnamə qəbul edir. Maddə 355-26.1. Məhkəmə aşağıdakı hallarda barışıq sazişinin və ya onun bir hissəsinin təsdiq edilməsindən imtina edir: 355-26.1.1. barışıq sazişi və ya onun bir hissəsi qanuna zidd olduqda; 355-26.1.2. barışıq sazişi mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunulan mübahisələr üzrə keçirilmiş mediasiya prosesinin nəticəsində bağlanıldıqda. Məhkəmənin mövqeyi İşin faktiki hallarından göründüyü kimi, tərəflər arasında keçirilmiş mediasiya prosesi nəticəsində xx.xx.2023-cü il tarixli barışıq sazişi bağlanmışdır. Barışıq sazişinin könüllü icrası üçün tərəflər arasında müddət müəyyən edilmişdir. Belə ki X5, X4 və X2 yetkinlik yaşana çatanadək saxlanması üçün hər ay bir uşaq üçün 100 manat, cəmi 300 manat alimenti hər ayın 1-dən gec olmayaraq Ərizəçi ödənilməsi barışıq sazışı ilə müəyyənləşdirilmiş, lakin həmin tarixdən ərizə məhkəməyə verilən günədək saziş könüllü qaydada icra edilmədiyindən ərizəçi sazişin təsdiqi üçün məhkəməyə müraciət etmişdir. Məhkəmə sazişi nəzərdən keçirərək hesab edir ki, sazişin təsdiq edilməməsi üçün heç bir səbəb yoxdur. Belə ki, barışıq sazişi “Mediasiya haqqında” Azərbaycan Respublikası Qanununun 33.1-ci maddəsi ilə müəyyən edilmiş formaya uyğun tərtib edilmişdir, qanunazidd deyildir, həmçinin mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunmur. Belə olan halda məhkəmə hesab edir ki, tərəflər arasında bağlanılmış barışıq sazişinin məcburi icrasının təmin edilməsi məqsədilə həmin saziş məhkəmə tərəfindən təsdiq edilməlidir. Qanun yalnız iki halda məhkəmələrə mediasiyada bağlanmış barışıq sazişinin təsdiqindən imtina etmək səlahiyyəti vermişdir. Bunlardan biri sazişin və ya onun bir hissəsinin qanuna zidd olduğu, digəri isə sazişin mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunduğu hallardır. Yəni qanun məhkəmələrə sazişin və ya onun bir hissəsinin mediasiya iştirak edən tərəfin hüquqlarına toxunduğu hallarda onun təsdiqindən imtina səlahiyyəti verməmişdir. Ona görə ki, barışıq sazişi tərəflər arasında könüllü bağlanır və onların müstəqil iradə ifadəsinə əsaslanır. Bu baxımdan saziş bağlandığı vaxt tərəflərdən birinin iradə ifadəsinin zədələndiyinin sübuta yetirildiyi hallar istisna olmaqla (Çünki bu halda saziş qanuna zidd bağlanmış olur), saziş, sonradan saziş tərəflərindən birinin maraqlarına uyğun olmasa belə təsdiq edilməlidir. Məhkəmə xərcləri Məhkəmə hesab edir ki, ərizə təmin edildiyindən ərizəçi tərəfindən ödənilməli olan 100 manat məbləğində dövlət rüsumu maraqlı şəxsdən tutularaq dövlət büdcəsinə ödənilməlidir. Məhkəmənin gəldiyi nəticə Beləliklə, yuxarıda qeyd edilənlərə əsasən məhkəmə hesab edir ki, ərizə təmin edilməli, Ərizəçi və Maraqlı şəxs arasında mediasiya prosesi nəticəsində bağlanılmış xx.xx.2023-cü il tarixli MŞT/MT024/2023-0854 nömrəli barışıq sazişi təsdiq edilməsi üçün ərizəçi tərəfindən ödənilməli olan 100 manat məbləğində dövlət rüsumu maraqlı şəxsdən tutularaq dövlət büdcəsinə ödənilməlidir. Qeyd olunanlara əsasən və MPM-in 216-220, 227, 355-23 – 355-26, 360 və 362-ci maddələrini rəhbər tutaraq məhkəmə QƏT ETDİ: Ərizə təmin edilsin. Ərizəçi və Maraqlı şəxs arasında mediasiya prosesi nəticəsində bağlanılmış xx.xx.2023-cü il tarixli MŞT/MT024/2023-0854 nömrəli barışıq sazişinin aşağıdakı bəndləri təsdiq edilsin: “Tərəflər birgə nikahlarından xx.xx.2016-cı ildə anadan olmuş X5, xx.xx.2019-cu ildə anadan olmuş X6, xx.xx.2020-ci ildə anandan olmuş X2 yetkinlik yaşına çatanadək anaları X3 yanında və himayəsində qalması barədə razılığa gəldilər. Tərəflərin birgə nikahlarından xx.xx.2016-cı ildə anadan olmuş X5, xx.xx.2019-cu ildə anadan olmuş X6, xx.xx.2020-ci ildə anandan olmuş X2 yetkinlik yaşana çatanadək saxlanması üçün Maraqlı şəxs hər ay bir uşaq üçün 100 manat, cəmi 300 manat alimenti hər ayın 1-dən gec olmayaraq Ərizəçi verməyi öhdəsinə götürür. Maraqlı şəxs övladları Şövkət, Dəniz və Günəş ilə uşaqların mənafeyinə uyğun istənilən vaxt görüşə və ünsiyətdə ola bilər.” Ödənilməli olan 100 manat məbləğində dövlət rüsumu maraqlı şəxsdən tutularaq dövlət büdcəsinə ödənilsin. Qətnamədən rəsmi qaydada verildiyi gündən 1 (bir) ay müddətində Tovuz Rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti verilə bilər. Qətnamədən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim Süleyman Hacıyev