Azərbaycan Respublikası adından QƏTNAMƏ Tovuz rayon İş № 2(062)-3874/2025 12.11.2025 TOVUZ RAYON MƏHKƏMƏSİ Hakim Hacıyev Süleyman Aslan oğlunun sədrliyi, məhkəmə iclasının katibi X4 iclas katibliyi və ərizəçinin nümayəndəsi X1 və Maraqlı şəxs iştirakı ilə, Ərizəçi Maraqlı şəxs göstərilməklə “mediasiya prosesi nəticəsində bağlanılmış barışıq sazişinin təsdiq edilməsi”nə dair ərizəsi üzrə mülki işə аçıq məhkəmə iclаsındа bаxаrаq, məhkəmə MÜƏYYƏN ETDİ: Ərizəçinin xahişi Ərizəçi Maraqlı şəxs qarşı “mediasiya prosesi nəticəsində bağlanılmış barışıq sazişinin təsdiq edilməsi”nə dair ərizə ilə Tovuz Rayon Məhkəməsinə müraciət edərək, Tovuz 1 saylı Mediasiya Təşkilatında xx.xx.2025-ci il tarixdə Maraqlı şəxs ilə aralarında bağlanmış birgə yaşayışlarından xx.xx.2007-ci ildə doğulan Nərgiz, xx.xx.2009-cu ildə doğulan Nəzrin və xx.xx.2014-ci ildə doğulan Murad adlı uşaqlarının saxlanması üçün hər ay hər uşağa görə 133 manat olmaqla, cəmi 400 manat alimentin maraqlı şəxsdən alınıb ona veriməsi barədə barışıq sazişinin təsdiq edilməsi və məcburi icraya yönəldilməsi barədə qətnamə çıxarılmasını xahiş etmişdir. Ərizənin əsaslandırıldığı hallar Ərizəçi ərizəni onunla əsaslandırmışdır ki, Maraqlı şəxs ilə 2006-ci ildə evlənmiş və birgə yaşayışlarından xx.xx.2007-ci ildə Nərgiz, xx.xx.2009-cu ildə Nəzrin və xx.xx.2014-ci ildə Murad adlı 3 nəfər uşaqları doğulmuşdur. Tovuz 1 saylı Mediasiya Təşkilatında xx.xx.2025-ci il tarixdə bağlanmış barışıq sazişinə əsasən Maraqlı şəxs ilə himayəsində olan 3 nəfər uşağın saxlanması üçün hər ay hər uşağa görə 133 manat olmaqla, cəmi 400 manat alimentin maraqlı şəxsdən alınıb ona veriməsi barədə razılığa gəlmişlər. Lakin hazırda Maraqlı şəxs aralarında bağlanmış barışıq sazişinin şərtlərini yerinə yetirməkdən boyun qaçırır və ona himayəsində olan uşaqların saxlanması üçün alimenti ödəməkdən boyun qaçırır. Ona görə də Tovuz 1 saylı Mediasiya Təşkilatında xx.xx.2025-ci il tarixdə bağlanmış barışıq sazişinin məhkəmə qaydasında təsdiq edilməsi və məcburi qaydada icra edilməsi zəruriyyəti yaranmışdır. Tərəflərin izahatları Məhkəmə baxış iclasında ərizəçinin nümayəndəsi X5 ərizədə göstərilənləri təsdiq etmiş və ərizənin təmin edilməsini xahiş etmişdir. Məhkəmə baxış iclasında Maraqlı şəxs bildirmişdir ki, ərizəçi ilə birgə yaşayışlarından xx.xx.2007-ci ildə Nərgiz, xx.xx.2009-cu ildə Nəzrin və xx.xx.2014-ci ildə Murad adlı 3 nəfər uşaqları doğulmuşdur. Tovuz 1 saylı Mediasiya Təşkilatında xx.xx.2025-ci il tarixdə bağlanmış barışıq sazişinə əsasən həmin uşaqların saxlanması üçün hər ay hər uşağa görə 133 manat olmaqla, cəmi 400 manat alimentin maraqlı şəxsdən alınıb ona veriməsi barədə razılığa gəlmişlər. Həmin sazişin təsdiq edilməsinə etirazəı yoxdur. İş materialları Tovuz RHİB Düz Qırıqlı kənd İƏD nümayəndəliyi tərəfindən xx.xx.2014-cü il tarixdə verilmiş AZ-İİİ № 299232 nömrəli doğum haqqında şəhadətnamənin surətindən müəyyən olunur ki, X6 (atası Maraqlı şəxs, anası Ərizəçi) xx.xx.2014-cü il tarixdə Tovuz rayonunda doğulmuş, bu barədə doğum haqqında akt qeydləri kitabında xx.xx.2014-cü il tarixdə 29 nömrə ilə qeyd edilmişdir. Tovuz RHİB Düz Qırıqlı kənd İƏD nümayəndəliyi tərəfindən xx.xx.2010-cu il tarixdə verilmiş AZ-İİ № 427468 nömrəli doğum haqqında şəhadətnamənin surətindən müəyyən olunur ki, X2 (atası Maraqlı şəxs, anası Ərizəçi) xx.xx.2009-cu il tarixdə Tovuz rayonunda doğulmuş, bu barədə doğum haqqında akt qeydləri kitabında xx.xx.2010-cu il tarixdə 23 nömrə ilə qeyd edilmişdir. Tovuz RHİB Düz Qırıqlı kənd İƏD nümayəndəliyi tərəfindən xx.xx.2007-ci il tarixdə verilmiş AZ-İİ № 005128 nömrəli doğum haqqında şəhadətnamənin surətindən müəyyən olunur ki, X3 (atası Maraqlı şəxs, anası Ərizəçi) xx.xx.2007-ci il tarixdə Tovuz rayonunda doğulmuş, bu barədə doğum haqqında akt qeydləri kitabında xx.xx.2007-ci il tarixdə 04 nömrə ilə qeyd edilmişdir. Mediasiya prosesi nəticəsində Ərizəçi (Birinci Tərəf) və Maraqlı şəxs (İkinci Tərəf) arasında xx.xx.2025-ci il tarixdə bağlanılmış barışıq sazişindən görünür ki, sazişə görə tərəflər aşağıdakı qaydada razılığa gəlirlər: “1. Maraqlı şəxs xx.xx.2007-ci il təvəllüdlü Nərgiz , xx.xx.2009-cu il təvəllüdlü Nəzrin, xx.xx.2014-cü il təvəllüdlü Murad adlı uşaqlar üçün hər ay ayın 01 (birindən) gec olmayaraq bir uşaq üçün 133 manat, cəmi 400 manat məbləğində alimenti Ərizəçi xeyrinə ödəməyi öz öhdəsinə götürdü.
2. Hər iki tərəf gələcəkdə alimentin minimum əmək haqqına münasibətdə indeksasiya olunması ilə bağlı müraciət edə bilərlər.
3. Barışıq sazişi imzalandığı gündən qüvvədədir.”
Tətbiq edilən hüquq “Mediasiya haqqında” Azərbaycan Respublikasının Qanunu Maddə 3.3. Bu Qanunun 3.1-ci maddəsində nəzərdə tutulan mübahisələr mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunduqda belə mübahisələr üzrə mediasiya keçirilə bilməz. Həmin hallar aşkar edildikdə mediator (mediasiya təşkilatı), tərəflər və ya onlardan biri həmin mübahisələr üzrə mediasiya prosesindən imtina edirlər. Maddə 33.3. Barışıq sazişi qanuna və bu Qanunun 3.3-cü maddəsinin birinci cümləsinin müddəalarına zidd olmamalıdır. Maddə 34.1. Barışıq sazişi, əgər sazişdə ayrı şərt nəzərdə tutulmayıbsa, imzalandığı gündən tərəflər üçün məcburi xarakter daşıyır. Barışıq sazişində tərəflər arasında ayrı müddət müəyyən edilməyibsə barışıq sazişi imzalandığı gündən 10 gün müddətində könüllü şəkildə icra olunmalıdır. Maddə 34.2. Barışıq sazişinin könüllü icrasından boyun qaçırma Azərbaycan Respublikasının Mülki Məcəlləsinə uyğun olaraq barışıq sazişində müəyyən olunan məsuliyyətə səbəb olur. Maddə 34.3. Əgər barışıq sazişinin könüllü icrasından imtina olunsa, tərəf (o cümlədən məhkəmə baxışında olan işlər üzrə tərəf) barışıq sazişinin məcburi icrası üçün məhkəməyə müraciət edə bilər. Maddə 34.4. Barışıq sazişi məcburi icra edilməsi üçün məhkəmə tərəfindən müvafiq qaydada təsdiq olunur (bu Qanunun 34.5-ci maddəsinin tələbləri nəzərə alınmaqla). Maddə 34.5. Barışıq sazişi bu Qanunun 33.3-cü maddəsinə zidd olduqda, onun təsdiq edilməsindən imtina olunur. Azərbaycan Respublikasının Mülki Prosessual Məcəlləsi Maddə 355-23.1. “Mediasiya haqqında” Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə (barışıq sazişinin bu Məcəllənin 191.2-1-ci maddəsinə uyğun olaraq təsdiq edildiyi hal istisna olmaqla) məhkəməyə müraciət edə bilər. Maddə 355-23.2. Mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizə ərizəçi fiziki şəxsin yaşadığı yer, hüquqi şəxsin ünvanının olduğu yer üzrə, ərizə dövlət orqanı (qurumu) tərəfindən verildikdə, barışıq sazişinin icrasından imtina edən fiziki şəxsin yaşadığı, hüquqi şəxsin ünvanının olduğu yer üzrə məhkəməyə verilir. Maddə 355-24. Mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizədə barışıq sazişinin könüllü icrası üçün “Mediasiya haqqında” Azərbaycan Respublikası Qanununun 34.1-ci maddəsi ilə müəyyən olunmuş müddətin keçməsi və ərizəçinin xahişi göstərilməlidir. Maddə 355-25.1. Barışıq sazişinin təsdiq edilməsi ilə bağlı ərizəyə məhkəməyə daxil olduqdan sonra 10 gün müddətində baxılır. Maddə 355-25.2. Məhkəmə ərizəyə baxılması barədə işdə maraqlı olan şəxslərə məlumat verir, lakin həmin şəxslərin üzrlü səbəb olmadan məhkəmə iclasına gəlməməsi işə baxılmasına mane olmur. İşdə maraqlı olan şəxslər üzrlü səbəblərdən gəlmədiyi hallarda, məhkəmə işin baxılmasını təxirə salır. Maddə 355-25.3. Məhkəmə ərizəyə baxarkən bu Məcəllənin 355-26-cı maddəsində sadalanmış halların olub-olmadığını müəyyən edir və barışıq sazişinin təsdiq edilməsi və ya təsdiq edilməsindən imtina olunması barədə qətnamə qəbul edir. Maddə 355-26.1. Məhkəmə aşağıdakı hallarda barışıq sazişinin və ya onun bir hissəsinin təsdiq edilməsindən imtina edir: 355-26.1.1. barışıq sazişi və ya onun bir hissəsi qanuna zidd olduqda; 355-26.1.2. barışıq sazişi mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunulan mübahisələr üzrə keçirilmiş mediasiya prosesinin nəticəsində bağlanıldıqda.
Məhkəmənin mövqeyi İşin faktiki hallarından göründüyü kimi, tərəflər arasında keçirilmiş mediasiya prosesi nəticəsində xx.xx.2025-ci il tarixli barışıq sazişi bağlanmışdır. Barışıq sazişinin könüllü icrası üçün tərəflər arasında müddət müəyyən edilmişdir. Məhkəmə sazişi nəzərdən keçirərək hesab edir ki, sazişin təsdiq edilməməsi üçün heç bir səbəb yoxdur. Belə ki, barışıq sazişi “Mediasiya haqqında” Azərbaycan Respublikası Qanununun 33.1-ci maddəsi ilə müəyyən edilmiş formaya uyğun tərtib edilmişdir, qanunazidd deyildir, həmçinin mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunmur. Belə olan halda məhkəmə hesab edir ki, tərəflər arasında bağlanılmış barışıq sazişinin məcburi icrasının təmin edilməsi məqsədilə həmin saziş məhkəmə tərəfindən təsdiq edilməlidir. Qanun yalnız iki halda məhkəmələrə mediasiyada bağlanmış barışıq sazişinin təsdiqindən imtina etmək səlahiyyəti vermişdir. Bunlardan biri sazişin və ya onun bir hissəsinin qanuna zidd olduğu, digəri isə sazişin mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunduğu hallardır. Yəni qanun məhkəmələrə sazişin və ya onun bir hissəsinin mediasiya iştirak edən tərəfin hüquqlarına toxunduğu hallarda onun təsdiqindən imtina səlahiyyəti verməmişdir. Ona görə ki, barışıq sazişi tərəflər arasında könüllü bağlanır və onların müstəqil iradə ifadəsinə əsaslanır. Bu baxımdan saziş bağlandığı vaxt tərəflərdən birinin iradə ifadəsinin zədələndiyinin sübuta yetirildiyi hallar istisna olmaqla (Çünki bu halda saziş qanuna zidd bağlanmış olur), saziş, sonradan saziş tərəflərindən birinin maraqlarına uyğun olmasa belə təsdiq edilməlidir.
Məhkəmə xərcləri Məhkəmə hesab edir ki, ərizə təmin edildiyindən ərizəçi tərəfindən ödənilməli olan 100 manat məbləğində dövlət rüsumu maraqlı şəxsdən tutularaq dövlət büdcəsinə ödənilməlidir.
Məhkəmənin gəldiyi nəticə Beləliklə, yuxarıda qeyd edilənlərə əsasən məhkəmə hesab edir ki, ərizə təmin edilməli, Ərizəçi və Maraqlı şəxs arasında mediasiya prosesi nəticəsində bağlanılmış xx.xx.2025-ci il tarixli nömrəli barışıq sazişi təsdiq edilməsi üçün iddiaçı tərəfindən ödənilməli olan 100 manat məbləğində dövlət rüsumu maraqlı şəxsdən tutularaq dövlət büdcəsinə ödənilməlidir. Qeyd olunanlara əsasən və MPM-in 216-220, 227, 355-23 – 355-26, 360 və 362-ci maddələrini rəhbər tutaraq məhkəmə
QƏT ETDİ:
Ərizə təmin edilsin. Ərizəçi və Maraqlı şəxs arasında mediasiya prosesi nəticəsində bağlanılmış xx.xx.2025-ci il tarixli barışıq sazişinin aşağıdakı bəndləri təsdiq edilsin: “. Maraqlı şəxs xx.xx.2007-ci il təvəllüdlü Nərgiz , xx.xx.2009-cu il təvəllüdlü Nəzrin, xx.xx.2014-cü il təvəllüdlü Murad adlı uşaqlar üçün hər ay ayın 01 (birindən) gec olmayaraq bir uşaq üçün 133 manat, cəmi 400 manat məbləğində alimenti Ərizəçi xeyrinə ödəməyi öz öhdəsinə götürdü.
2. Hər iki tərəf gələcəkdə alimentin minimum əmək haqqına münasibətdə indeksasiya olunması ilə bağlı müraciət edə bilərlər.
3. Barışıq sazişi imzalandığı gündən qüvvədədir.” Ödənilməli olan 100 manat məbləğində dövlət rüsumu Maraqlı şəxs tutularaq dövlət büdcəsinə ödənilsin. Qətnamədən rəsmi qaydada verildiyi gündən 1 (bir) ay müddətində Tovuz Rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti verilə bilər. Qətnamədən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir.
Hakim Süleyman Hacıyev