Füzuli Rayon Məhkəməsi Qətnamə — İş №2(064)-2678/2025

Azərbaycan Respublikası adından QƏTNAMƏ Füzuli rayonu İş № 2(064)-2678/2025 19.02.2026 FÜZULİ RAYON MƏHKƏMƏSİ Hakim İsmayılov Elmir Akif oğlunun sədrliyi, Hüseynzadə Fərid Səid oğlunun katibliyi, Ərizəçi iştirakı ilə Ərizəçi Füzuli Rayon Qeydiyyat Şöbəsini maraqlı şəxs qismində işə cəlb etməklə “ölüm faktının müəyyən edilməsi” tələbinə dair ərizəsi üzrə mülki işə Füzuli Rayon Məhkəməsinin inzibati binasında açıq məhkəmə iclasında xüsusi icraat qaydasında baxaraq müəyyən etdi: Ərizəçi Füzuli Rayon Qeydiyyat Şöbəsini maraqlı şəxs qismində işə cəlb etməklə ərizə ilə Füzuli Rayon Məhkəməsinə müraciət edərək xx.xx.1957-ci il təvəllüdlü X3 xx.xx.1958-ci il tarixdə, xx.xx.1961-ci il təvəllüdlü X2 xx.xx.1962-ci il tarixdə, xx.xx.1961-ci il təvəllüdlü X4 xx.xx.1962-ci il tarixdə və xx.xx.1959-cu il təvəllüdlü X5 xx.xx.1961-ci il tarixdə Füzuli rayonu, Babı kəndində vəfat etməsi faktının müəyyən edilməsinə dair qətnamə qəbul edilməsini xahiş etmişdir. Ərizəçi ərizəsini onunla əsaslandırmışdır ki, mərhum bacısı X10 xx.xx.1957-ci ildə doğulmuş və xx.xx.1958-ci ildə Füzuli rayon Babı kəndində vəfat etmiş, qardaşı X11 xx.xx.1959-cu ildə doğulmuş və xx.xx.1961-ci ildə Füzuli rayon Babı kəndində vəfat etmiş, bacısı X6 xx.xx.1961-ci ildə doğulmuş və xx.xx.1962-ci ildə Füzuli rayon Babı kəndində vəfat etmiş, bacısı X4 xx.xx.1961-ci ildə doğulmuş və xx.xx.1962-ci ildə Füzuli rayon Babı kəndində vəfat etmiş və mərhumlar Füzuli rayonunun Babı kənd qəbristanlığında dəfn olunmuşlar, lakin mərhumlar uşaq olduqları üçün onlara məzar daşları qurulmamışdır. Onların ölümü ilə əlaqədar qeydiyyat şöbəsindən ölüm haqqında şəhadətnamə alınmamışdır. Bununla əlaqədar Füzuli rayon Qeydiyyat şöbəsinə müraciət etdikdə isə qeydiyyat şöbəsinin arxivində və elektron informasiya sistemində onların ölümü haqqında məlumat aşkar edilməmişdir. Göstərilən səbəbdən ərizəçi qardaşı və bacılarının ölümü haqqında şəhadətnaməni məhkəmədən kənar qaydada ala bilməmişdir. Bu hal ona müvafiq sənədləşmə işlərinin aparılmasında problem yaradır. Məhkəmə iclasında ərizəçi ərizənin məzmununa uyğun izahat verərək təmin olunması barədə qətnamə qəbul edilməsini xahiş etdi. İş üzrə maraqlı şəxs keçirilmiş məhkəmə iclaslarının vaxtı və yeri barədə lazımi qaydada xəbərdar edilsə də, nümayəndəsi məhkəmə iclasına gəlməmiş, məhkəməyə göndərdiyi ərizəsində işə onun iştirakı olmadan baxılmasını xahiş etmişdir. Məhkəmə buna görə də Azərbaycan Respublikası MPM-in 185.5-ci maddəsinə əsasən işə maraqlı şəxsin nümayəndəsinin iştirakı olmadan baxılmasını mümkün hesab etdi. Məhkəmə iclasında şahid qismində dindirilmiş Şahid1 və Şahid2 ərizəçinin ərizə və məhkəmə iclasında verdiyi izahatında göstərdiyi işin halları barədə sonuncu ilə eyni məzmunda ifadə verdilər. Azərbaycan Respublikası MPM-in: -307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. -307.2.3-cü maddəsinə əsasən məhkəmə ölümün qeyd edilməsi növündə hüquqi əhəmiyyəti olan faktın müəyyən edilməsi barədə işlərə xüsusi icraat qaydasında baxır. -308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Azərbaycan Respublikası Ali Məhkəməsi Plenumunun “Hüquqi əhəmiyyəti olan faktların müəyyən edilməsinə dair işlər üzrə məhkəmə təcrübəsinin bəzi məsələləri haqqında” 12 aprel 2019-cu il tarixli Qərarında göstərilmişdir ki, Azərbaycan Respublikası Nazirlər Kabinetinin 31 oktyabr 2003-ci il tarixli, 145 nömrəli Qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı Qaydası”nın 8.5-ci bəndinə əsasən ölüm faktı tibb müəssisəsinin müvafiq sənədi ilə (ölüm haqqında həkim arayışı, ölüm haqqında feldşer arayışı ilə) təsdiq edilməlidir. Ölüm haqqında həkim şəhadətnaməsi olmadıqda ölüm faktı məhkəmə tərəfindən müəyyən edilir. Məhkəmə mülki işin materiallarında olan və məhkəmə iclasında elan edilərək tədqiq edilmiş aşağıda göstərilən sənədlər əsasında müəyyən etmişdir ki: - X6 xx.xx.1961-ci il tarixdə, Füzuli rayonu, Babı kəndində anadan olmuşdur. X1, anası X7r. Qeydiyyat kitabında bu barədə xx.xx.1961-ci il tarixli, 153 nömrəli qeydiyyat aparılmışdır (Füzuli Rayon Qeydiyyat Şöbəsinin xx.xx.2024-cü il tarixli arayışı əsasında). - X9 xx.xx.1957-ci il tarixdə Füzuli rayonu, Babı kəndində anadan olmuşdur. X1, anası X7r. Qeydiyyat kitabında bu barədə xx.xx.1957-ci il tarixli, 74 nömrəli qeydiyyat aparılmışdır (Füzuli Rayon Qeydiyyat Şöbəsinin xx.xx.2024-cü il tarixli arayışı əsasında). - X4 xx.xx.1961-ci il tarixdə, Füzuli rayonu, Babı kəndində anadan olmuşdur. X1, anası X7r. Qeydiyyat kitabında bu barədə xx.xx.1961-ci il tarixli, 152 nömrəli qeydiyyat aparılmışdır (Füzuli Rayon Qeydiyyat Şöbəsinin xx.xx.2024-cü il tarixli arayışı əsasında). - X11 xx.xx.1959-cu il tarixdə Füzuli rayonu, Babı kəndində anadan olmuşdur. X1, anası X7r. Qeydiyyat kitabında bu barədə xx.xx.1959-cu il tarixli, 103 nömrəli qeydiyyat aparılmışdır (Füzuli Rayon Qeydiyyat Şöbəsinin xx.xx.2024-cü il tarixli arayışı əsasında). - xx.xx.1957-ci il təvəllüdlü X9, xx.xx.1961-ci il təvəllüdlü X6 və X4, xx.xx.1959-cu il təvəllüdlü X5 barədə akt qeydi arxivdə aşkar edilməmiş və ölüm haqqında şəhadətnamə verilməmişdir (Füzuli Rayon Qeydiyyat Şöbəsinin xx.xx.2024-cü il tarixli arayışın surəti əsasında); - xx.xx.1957-ci il təvəllüdlü X9, xx.xx.1961-ci il təvəllüdlü X6 və X4, xx.xx.1959-cu il təvəllüdlü X5 vəfat etməsinə dair Füzuli Rayon Mərkəzi Xəstəxanasında rəsmi qeydiyyat yoxdur (Azərbaycan Respublikasının “Tibbi Ərazi Bölmələrini İdarəetmə Birliyi” publik hüquqi şəxsinin tabeliyində olan Füzuli Rayon Mərkəzi Xəstəxanası publik hüquqi şəxs tərəfindən təqdim edilmiş xx.xx.2025-ci il tarixli arayış əsasında). Məhkəmə göstərilənlər əsasında işin faktiki hallarını ümumi şəkildə belə müəyyən etmişdir ki, ərizəçinin bacısı X10 xx.xx.1957-ci ildə doğulmuş və xx.xx.1958-ci ildə Füzuli rayon Babı kəndində vəfat etmiş, qardaşı X11 xx.xx.1959-cu ildə doğulmuş və xx.xx.1961ci ildə Füzuli rayon Babı kəndində vəfat etmiş, bacısı X6 xx.xx.1961-ci ildə doğulmuş və xx.xx.1962-ci ildə Füzuli rayon Babı kəndində vəfat etmiş, bacısı X4 xx.xx.1961-ci ildə doğulmuş və xx.xx.1962-ci ildə Füzuli rayon Babı kəndində vəfat etmiş və həmin kəndin qəbiristanlığında dəfn edilmişdir. Ərizəçinin qardaşının və bacılarının ölümü barədə Füzuli Rayon Qeydiyyat Şöbəsində ölüm akt qeydi aparılmamışdır. Mərhumların ölüm faktının müəyyən edilməsi ərizəçinin şəxsi və ya əmlak hüquqlarının əmələ gəlməsinə səbəb olacaqdır və bunun məhkəmədənkənar qaydada həlli mümkün deyildir. Məhkəmə tədqiq edilmiş yuxarıda göstərilən sübutlara obyektiv, tam, hərtərəfli və qərəzsiz qiymət verərək, eləcə də onunla qarşılıqlı əlaqə təşkil edən qanunvericilik normaları, Azərbaycan Respublikası Ali Məhkəməsi Plenumunun hüquqi mövqeyi və işin müəyyən edilmiş faktiki hallarına əsaslanaraq belə nəticəyə gəlir ki, ərizə təmin edilməlidir. Məhkəmə şərh olunanlara əsasən və Azərbaycan Respublikası MPM-in 216-220, 227, 233.1, 358.0.1, 307, 308, 311, 360 və 362-ci maddələrini rəhbər tutaraq qət etdi: Ərizə təmin edilsin. xx.xx.1957-ci il təvəllüdlü X3 xx.xx.1958-ci ildə Füzuli rayon Babı kəndində kəndində vəfat etməsi faktı müəyyən edilsin. xx.xx.1961-ci il təvəllüdlü X2 xx.xx.1962-ci ildə Füzuli rayon Babı kəndində vəfat etməsi faktı müəyyən edilsin. xx.xx.1961-ci il təvəllüdlü X4 xx.xx.1962-ci ildə Füzuli rayon Babı kəndində vəfat etməsi faktı müəyyən edilsin. xx.xx.1959-cu il təvəllüdlü X5 xx.xx.1961-ci ildə Füzuli rayon Babı kəndində vəfat etməsi faktı müəyyən edilsin. Qətnamə ölüm haqqında şəhadətnamə verilməsi üçün əsasdır. Qətnamədən rəsmi qaydada verildiyi gündən 1 (bir) ay müddətində Füzuli Rayon Məhkəməsi vasitəsilə (“Elektron məhkəmə” informasiya sistemində yaradılmış elektron kabinet vasitəsilə) Şirvan Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamə şikayət verilmədiyi təqdirdə rəsmi qaydada tərəflərə təqdim edildiyi gündən 1 (bir) ay keçdikdən sonra qanuni qüvvəyə minir. Hakim Elmir İsmayılov