Xaçmaz Rayon Məhkəməsi Qətnamə — İş №2(067)-1296/2024

Azərbaycan Respublikası adından QƏTNAMƏ Xaçmaz şəhəri İş № 2(067)-1296/2024 14.03.2024 XAÇMAZ RAYON MƏHKƏMƏSİ Hakim Qasımova Vüsalə Yadigar qızının sədrliyi, Məhkəmə iclas katibi X3, Ərizəçi, Maraqlı şəxs iştirakı ilə, Ərizəçi mediasiya prosesi nəticəsində bağlanmış barışıq sazişinin təsdiq edilməsi barədə ərizəsi üzrə mülki işə məhkəmənin inzibati binasında, xüsusi icraat qaydasında, açıq məhkəmə iclasında baxaraq, məhkəmə Müəyyən etdi: Ərizəçi ərizə ilə məhkəməyə müraciət edərək, onunla Maraqlı şəxs arasında mediator X1 iştirakı ilə nikahın pozulması və aliment tələbinə dair bağlanmış 16 fevral 2024-cü il tarixli barışıq sazişinin təsdiq edilməsi barədə qərar qəbul olunması barədə qətnamə çıxarılmasını xahiş etmişdir. Ərizə onunla əsaslandırılmışdır ki, nikahın pozulması və aliment tələbinə dair Maraqlı şəxs mediasiya prosesinin tətbiqi barədə müqavilə bağlamış, mediator X2 özlərinə mediator seçərək, 16 fevral 2024-cü il tarixdə barışıq sazişi bağlamışlar. Barışıq sazişinə əsasən hər ikisi nikahı davam etdirməmək və Xaçmaz rayon Yergüc kənd İƏD-si tərəfindən bağlanmış 28 oktyabr 2014-cü il tarixli, 25 saylı nikah qeydinin pozulmasına, uşaqların onun himayəsində qalmasına və xx.xx.2014-cü il təvəllüdlü X5, xx.xx.2017-ci il təvəllüdlü X4 və xx.xx.2022-ci il təvəllüdlü X6 yetkinlik yaşına çatana kimi saxlanılması üçün xx.xx.2024-cü il tarixdən başlayaraq hər uşağa 160 (bir yüz altmış) manat olmaqla cəmi 480 (dörd yüz səksən) manat sabit məbləğdə aliment ödəməyə razılaşmışlar. Maraqlı şəxs barışıq sazişinə əsasən hər ikisi nikahı davam etdirməmək və Xaçmaz rayon Yergüc kənd İƏD-si tərəfindən bağlanmış 28 oktyabr 2014-cü il tarixli, 25 saylı nikah qeydinin pozulmasına, uşaqların onun himayəsində qalmasına və xx.xx.2014-cü il təvəllüdlü X5, xx.xx.2017-ci il təvəllüdlü X4 və xx.xx.2022-ci il təvəllüdlü X6 yetkinlik yaşına çatana kimi saxlanılması üçün xx.xx.2024-cü il tarixdən başlayaraq hər uşağa 160 (bir yüz altmış) manat olmaqla cəmi 480 (dörd yüz səksən) manat sabit məbləğdə aliment ödəməyə razılaşmışdır. Lakin Maraqlı şəxs 10 gün müddət keçməsinə baxmayaraq alimenti ödəməmiş və nikahın ləğvi məhkəmə qaydasında pozulduğu üçün, 10 gün könüllü vaxt keçdiyi üçün mediasiya prosesi nəticəsində əldə edilmiş barışıq sazişinin təsdiq edilməsi barədə məhkəməyə müraciət etmək məcburiyyətində qalıb. Maraqlı şəxs barışıq sazişinin şərtlərini könüllü icra etməmişdir.Ona görə də nikahın ləğvinə və aliment tələbinə dair olan xx.xx.2024-cü il tarixdə onunla Maraqlı şəxs arasında bağlanmış sazişin təsdiqlənməsi zərurəti vardır.10 gün könüllü vaxt keçmişdir. Mediasiya prosesində iştirak etmişdir. Ərizəçi məhkəmə iclasında ərizəni müdafiə edərək, ərizə ilə eyni məzmunlu izahat verdi və onun təmin olunmasını xahiş etdi. Məhkəmə iclasında iştirak edən Maraqlı şəxs ərizəni qəbul edərək izahatında göstərmişdir ki, boşanmağa ikisi də razıdır. Ərizənin təmin olunmasını xahiş edir. Məhkəmə, ərizəçi və maraqlı şəxsin izahatını dinləyib, iş materiallarını tədqiq edərək hesab edir ki, ərizə təmin olunmalıdır. Belə ki, iş materiallarında olan: - Doğum haqqında şəhadətnamələrin surətlərindən görünür ki, tərəflərin birgə nikahından xx.xx.2014-cü il təvəllüdlü X10, xx.xx.2017-ci il təvəllüdlü X8 və xx.xx.2022-ci il təvəllüdlü X11 adlı övladları vardır. - xx.xx.2024-cü il tarixli Barışıq sazişinin surətindən görünür ki, tərəflər könüllü olaraq nikahın ləğvinə və aliment öhdəliyinə görə razılaşdılar. Uşaqların ananın himayəsində qalmasına ata etiraz etmədi. Hər iki tərəf birgə nikahdan olan xx.xx.2014-cü il təvəllüdlü X5, xx.xx.2017-ci il təvəllüdlü X4 və xx.xx.2022-ci il təvəllüdlü X6 yetkinlik yaşına çatana kimi anası - Ərizəçi yanında yaşamasına razıdırlar. Maraqlı şəxs -xx.xx.2014-cü il təvəllüdlü X5, xx.xx.2017-ci il təvəllüdlü X4 və xx.xx.2022-ci il təvəllüdlü X7 yetkinlik yaşına çatana kimi saxlanmaları üçün xx.xx.2024-cü ildən başlayaraq hər ay üç uşaq üçün 480 manat sabit pul məbləğində alimenti Ərizəçi ödəmək barədə öhdəlik götürmüşdür. Beləliklə, iş materiallarının tam və hərtərəfli araşdırılması ilə müəyyən olundu ki, ərizəçi ilə Maraqlı şəxs ər-arvad münasibətlərinin davam etdirilməsinin mümkünsüzlüyü qənaətinə gələrək xx.xx.2024-cü il tarixdə barışıq sazişi bağlamışlar. Barışıq sazişinin şərtlərinə görə hər iki tərəf xx.xx.2014-cü il təvəllüdlü X5, xx.xx.2017-ci il təvəllüdlü X4 və xx.xx.2022-ci il təvəllüdlü X6 -yetkinlik yaşına çatana kimi anası Ərizəçi yanında yaşamasına razıdırlar. Maraqlı şəxs uşaqların yetkinlik yaşına çatana kimi saxlanılması üçün xx.xx.2024-cü ildən başlayaraq hər ay 480 manat sabit pul məbləğində alimenti Ərizəçi ödəmək barədə öhdəlik götürmüşdür. Lakin, qanunda nəzərdə tutulmuş müddət ərzində Maraqlı şəxs tərəfindən barışıq sazişi könüllü qaydada icra edilməmişdir. Ona görə də ərizəçi mediasiya prosesi nəticəsində tərəflər arasında bağlanmış barışıq sazişinin təsdiq edilməsi ilə bağlı məhkəməyə müraciət etmişdir. Məhkəmə qeyd edir ki, ərizəçi tərəfindən təsdiq olunması xahiş edilmiş barışıq sazişi tam qanuni şəkildə bağlanmış, həmçinin saziş hər hansı digər şəxslərin hüquqlarına toxunmur. Məhkəmə ərizə ilə bağlı aşağıdakı hüquq normalarının qeyd edilməsini zəruri hesab edir. Azərbaycan Respublikası Mülki Prosessual Məcəlləsinin 305.1.17-ci maddəsinə əsasən mediasiya prosesi nəticəsində bağlanılmış barışıq sazişinin təsdiq edilməsi haqqında məhkəmə xüsusi icraat qaydasında işlərə baxır. Həmin Məcəllənin 355-23.1-ci maddəsinə əsasən "Mediasiya haqqında" Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə (barışıq sazişinin bu Məcəllənin 191.2-1-ci maddəsinə uyğun olaraq təsdiq edildiyi hal istisna olmaqla) məhkəməyə müraciət edə bilər. Bu Məcəllənin 355-23.2-ci maddəsinə əsasən mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizə ərizəçi fiziki şəxsin yaşadığı yer, hüquqi şəxsin ünvanının olduğu yer üzrə, ərizə dövlət orqanı (qurumu) tərəfindən verildikdə, barışıq sazişinin icrasından imtina edən fiziki şəxsin yaşadığı, hüquqi şəxsin ünvanının olduğu yer üzrə məhkəməyə verilir. Həmin Məcəllənin 355-24-cü maddəsinə əsasən mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizədə barışıq sazişinin könüllü icrası üçün “Mediasiya haqqında” Azərbaycan Respublikası Qanununun 34.1-ci maddəsi ilə müəyyən olunmuş müddətin keçməsi və ərizəçinin xahişi göstərilməlidir. Bu Məcəllənin 355-25.1-ci maddəsinə əsasən Barışıq sazişinin təsdiq edilməsi ilə bağlı ərizəyə məhkəməyə daxil olduqdan sonra 10 gün müddətində baxılır. Həmin Məcəllənin 355-25.3-cü maddəsinə əsasən məhkəmə ərizəyə baxarkən bu Məcəllənin 355-26-cı maddəsində sadalanmış halların olub-olmadığını müəyyən edir və barışıq sazişinin təsdiq edilməsi və ya təsdiq edilməsindən imtina olunması barədə qətnamə qəbul edir. Bu Məcəllənin 355-26.1-ci maddəsinə əsasən barışıq sazişi və ya onun bir hissəsi qanuna zidd olduqda; barışıq sazişi mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunulan mübahisələr üzrə keçirilmiş mediasiya prosesinin nəticəsində bağlanıldıqda məhkəmə barışıq sazişinin və ya onun bir hissəsinin təsdiq edilməsindən imtina edir. “Mediasiya haqqında” Azərbaycan Respublikası Qanununun 34.1-ci maddəsinə əsasən barışıq sazişi, əgər sazişdə ayrı şərt nəzərdə tutulmayıbsa, imzalandığı gündən tərəflər üçün məcburi xarakter daşıyır. Barışıq sazişində tərəflər arasında ayrı müddət müəyyən edilməyibsə barışıq sazişi imzalandığı gündən 10 gün müddətində könüllü şəkildə icra olunmalıdır. Həmin Qanunun 34.3-cü maddəsinə əsasən əgər barışıq sazişinin könüllü icrasından imtina olunsa, tərəf (o cümlədən məhkəmə baxışında olan işlər üzrə tərəf) barışıq sazişinin məcburi icrası üçün məhkəməyə müraciət edə bilər. Həmin Qanunun 34.4-cü maddəsinə əsasən barışıq sazişi məcburi icra edilməsi üçün məhkəmə tərəfindən müvafiq qaydada təsdiq olunur (bu Qanunun 34.5-ci maddəsinin tələbləri nəzərə alınmaqla). Beləliklə, məhkəmə iş üzrə sübutlara qiymət verərək belə bir nəticəyə gəlir ki, işin araşdırılmış halları ilə Maraqlı şəxs tərəfindən Ərizəçi ilə aralarında mediasiya prosesi nəticəsində bağlanmış xx.xx.2024-cü il tarixli barışıq sazişi könüllü qaydada icra edilməmişdir. Həmçinin, barışıq sazişinin təsdiq edilməsindən imtina edilməsinə səbəb ola biləcək, MPM-nin 355-26-cı maddəsində sadalanmış halların olmadığı müəyyən edilmişdir. Ona görə də, ərizə təmin olunmalıdır. Yuxarıda göstərilənlərə əsasən və AR MPM-nin 216-220, 307, 311, 355-25 və 360-cı maddələrini rəhbər tutaraq, məhkəmə Qət etdi: Ərizə təmin edilsin. Maraqlı şəxs xx.xx.2014-cü il təvəllüdlü X5, xx.xx.2017-ci il təvəllüdlü X4 və xx.xx.2022-ci il təvəllüdlü X6 yetkinlik yaşlarına çatana kimi saxlanmaları üçün 2024-cü fevral ayının 16-dan başlayaraq hər ay 480 (dörd yüz səksən) manat sabit pul məbləğində alimenti Ərizəçi ödəməyi öhdəsinə götürməsi barədə Maraqlı şəxs ilə Ərizəçi arasında mediasiya prosesi nəticəsində bağlanmış xx.xx.2024-cü il tarixli MŞQ/MT-027/2024/00252 saylı Barışıq sazişi təsdiq edilsin. Qətnamə № MŞQ/MT-027/2024/00252 saylı barışıq sazişinin alimentə dair hissəsində dərhal icra edilsin. Qətnamədən onun tərəflərə rəsmi qaydada təqdim edildiyi gündən 1 (bir) ay müddətində Xaçmaz Rayon Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti verilə bilər. Qətnamədən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Hakim Vüsalə Qasımova AZƏRBAYCAN RESPUBLİKASİ SUMQAYİT ŞƏHƏR MƏHKƏMƏSİ Sumqayıt şəhəri, 9-cu Tel: (018) 644-40-60 mikrorayon, bina 64. Faks: (018) 644-37-29 İş 2(060)-4854/2021 17 iyul 2021-ci il Sumqayıt şəhər qeydiyyat şöbəsinin rəisi Təranə xanım Novruzovaya Sumqayıt Şəhər Məhkəməsinin 2(060)-4854/2021 saylı, xx.xx.2021-ci il tarixli qətnaməsi icra edilməsi üçün Sizə göndərilir. Nəzərinizə çatdırılır ki, Sumqayıt Şəhər Məhkəməsinin 2(060)-4854/2021 saylı, xx.xx.2021-ci il tarixli qətnaməsi 17 iyul 2021-ci il tarixdə qanuni qüvvəsini almışdır. İcra barədə məhkəməyə məlumat verməyiniz xahiş olunur. X16 AZƏRBAYCAN RESPUBLİKASİ SUMQAYİT ŞƏHƏR MƏHKƏMƏSİ Sumqayıt şəhəri, 9-cu Tel: (018) 644-40-60 mikrorayon, bina 64. Faks: (018) 644-37-29 İş 2(060)-4854/2021 17 iyul 2021-ci il Sumqayıt şəhər qeydiyyat şöbəsinin rəisi Təranə xanım Novruzovaya Sumqayıt Şəhər Məhkəməsinin 2(060)-4854/2021 saylı, xx.xx.2021-ci il tarixli qətnaməsi icra edilməsi üçün Sizə göndərilir. Nəzərinizə çatdırılır ki, Sumqayıt Şəhər Məhkəməsinin 2(060)-4854/2021 saylı, xx.xx.2021-ci il tarixli qətnaməsi 17 iyul 2021-ci il tarixdə qanuni qüvvəsini almışdır. İcra barədə məhkəməyə məlumat verməyiniz xahiş olunur. X16