Xaçmaz Rayon Məhkəməsi Qətnamə — İş №2(067)-493/2021

Azərbaycan Respublikası adından QƏTNAMƏ Xaçmaz şəhəri İş № 2(067)-493/2021 01.02.2021 XAÇMAZ RAYON MƏHKƏMƏSİ Hakim Sadıqov Anar Böyükkişi oğlunun sədrliyi Məhkəmə iclas katibi Həsənli Rövşən Xudat oğlunun katibliyi, Ərizəçi iştirakı ilə Ərizəçi şəxsin ölüm faktının müəyyən edilməsinə dair ərizəsi üzrə mülki işə xx xxxxxx 2021-ci ildə Xaçmaz şəhərində açıq məhkəmə iclasında baxaraq müəyyən etdi: Ərizəçi məhkəməyə ərizə ilə müraciət edərək X2 xx.xx.2018-ci il tarixdə Xaçmaz şəhərində vəfat etməsi faktının müəyyən olunması barədə qətnamə çıxarılmasını xahiş etmişdir. Ərizəni onunla əsaslandırmışdır ki, 1927-ci il təvəllüdlü X5 onun doğma xalası olmuşdur. Xalası xx.xx.2018-ci ildə vəfat etməsinə baxmayaraq onun ölümü qeydiyyat orqanında qeydiyyata alınmamışdır. Xalasının tək vərəsəsidir və o bütün əmlaklarını ona vəsiyyət etmişdir. Vərəsəlik məsələləri ilə bağlı notariat orqanında xalasının ölüm haqqında şəhadəğnaməsi tələb olunmuşdur. Xalası Xaçmaz şəhər camatının iştirakı ilə dəfn olunmuşdur. Məhkəmə iclasında ərizəçi ərizəni müdafiə edərək təmin edilməsini xahiş etmişdir. Maraqlı şəxs məhkəmə iclasının vaxtı və yeri haqqında lazımi qaydada xəbərdar edilməsinə baxmayaraq nümayəndəsi məhkəmə iclasına gəlməmişdir. Məhkəməyə gəlməməsinin səbəbi barəsində məlumat verməmişdir. Məhkəmə onun gəlməməsinin səbəbini üzürsüz sayaraq Azərbaycan Respublikasının Mülki Prosessual Məcəddəsinin 185-ci maddəsini rəhbər tutaraq işə onun iştirakı olmadan baxılmasını mümkün saymışdır. Məhkəmə ərizəçinin izahatını, şahidlərin ifadələrini dinləyib və iş üzrə sübutları araşdıraraq hesab edir ki, ərizə təmin olunmalıdır. Belə ki, məhkəmə iclasında şahid qismində ifadə verən X12 ifadəsində göstərmişdir ki, ərizəçi ilə qonşudur. Məxfrət Sevilin xalası olub və onu öz qızı kimi saxlayıb böyütmüşdür. Məxfrətin dəfnində və yas mərasimlərində iştirak etmişdir. Əlavə olaraq bildirmişdir ki, X5 xx.xx.2018-ci il tarixdə vəfat etmişdir. Məhkəmə iclasında şahid qismində ifadə verən X8 ifadəsində göstərmişdir ki, ərizəçi ilə qonşudur. X20 öz qızı kimi saxlayıb böyüdüb. Məxfrətin başqa qohumu olmayıb. Məxfrətin dəfnində və yas mərasimlərində iştirak etmişdir. Əlavə olaraq bildirmişdir ki, X5 xx.xx.2018-ci il tarixdə vəfat etmişdir. Məhkəmə iclasında şahid qismində ifadə verən X6 ifadəsində göstərmişdir ki, ərizəçi ilə qonşudur. Sevilin xalası Məxfrətin yas mərasimlərində iştirak etmişdir. Əlavə olaraq bildirmişdir ki, X5 xx.xx.2018-ci il tarixdə vəfat etmişdir. İş materiallarında olan doğum haqqında şəhadətnamənin surətindən müəyyən olunur ki, X15 xx.xx.1957-ci ildə anadan olmuş, X18, anası X3 qeyd edilmişdir. İş materiallarında olan doğum haqqında şəhadətnamələrin surətlərindən müəyyən olunur ki, X4 xx.xx.1927-ci ildə, X7 xx.xx.1936-cı ildə anadan olmuşlar. X14, anaları Asbent Əskərova qeyd edilmişdir. İş materiallarından görünür ki, ərizəçi X2 qohumudur. İş materiallarında olan xx.xx.2020-ci il tarixdə Ramiz Məmmədəliyevin, Zümrüd Məmmədovanın və Vüqar Cəlilovun iştirakı ilə tərtib olunmuş aktdan müəyyən olunur ki, X5 xx.xx.2018-ci tarixdə vəfat etmişdir və dəfndə iştirak etmişlər. İş materiallarında olan Maraqlı şəxs ərizəçiyə ünvanladığı xx.xx.2020-ci il tarixli məktubundan görünür ki, X5 barəsində Maraqlı şəxsndə ölümü qeydə alınıb-alınmaması yoxlanılmışdır. X5 barəsində Azərbaycan Respublikası ümumrespublika elektron məlumatınan yoxlama aparılmışdır, ölüm akt qeydi aşkar olunmamışdır. İş materiallarında olan «Xaçmaz rayon Mərkəzi Xəstəxanası» X22 xx.xx.2020-ci il tarixli 750 nömrəli məktubundan müəyyən olunur ki, xx.xx.1927-xx.xx.2020-ci il üçün Xaçmaz RMX-da ölüm haqqında tibbi şəhadətnamələrin qeydiyyat kitabı saxlanılmadığından X2 ölümü barədə tibbi arayış vermək mümkün deyildir. Bundan əlavə ölüm haqqında tibbi şəhadətnamənin verilməsi ilə əlaqədar qanunla müəyyən olunmuş müddət ərzində lazımi sənədləşmə işi aparılmadığından və müddət ötürüldüyündən X2 ölümü barədə tibbi şəhadətnamə vermək mümkün olmamışdır. İş materiallarında olan fotoşəkildən görünür ki, xx.xx.2018-ci il tarixdə vəfat etmiş X5 adlı şəxsə qəbir daşı qoyulmuşdur. Azərbaycan Respublikası Mülki Prosessual Məcəlləsinin 307.2.8-ci maddəsinə əsasən məhkəmə müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktının müəyyən edilməsi barədə işlərə baxır. Həmin Məcəllənin 308-ci maddəsinə əsasən, məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Məcəllənin 309-cu maddəsinə əsasən, hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir. Azərbaycan Respublikası Ailə Məcəlləsinin 193.1-ci maddəsinə əsasən ölümün qeydə alınması ölmüş şəxsin yaşamış olduğu yerdə və ya ölümün baş verdiyi yerdə aparılır. Həmin Məcəllənin 193.2-ci maddəsinə əsasən hüquqi əhəmiyyətli faktın müəyyən edilməsi haqqında və ya vətəndaşın ölmüş elan edilməsi haqqında məhkəmənin qətnaməsi üzrə ölümün qeydə alınması qətnamə çıxarmış məhkəmənin olduğu yerdə aparılır. Ailə Məcəlləsinin 194-cü maddəsinə əsasən, ölümün qeydə alınması ölmüş şəxsin qohumlarının, onun qonşularının, mənzil-istismar təşkilatları işçilərinin məlumatı üzrə, habelə ölümün baş vermiş olduğu təşkilatın müdiriyyətinin və başqa şəxslərin məlumatı üzrə aparılır. Beləliklə, məhkəmə iş üzrə toplanmış sübutlara məcmu şəkildə qiymət verərək hesab edir ki, X9 ölüm faktı iş materialları ilə tam sübut olunduğundan və ölüm haqqında şəhadətnamənin alınması zəruri olduğundan həmin hüquqi fakt təsdiq edilməlidir. Azərbaycan Respublikası Mülki Prosessual Məcəlləsinin 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikası MPM-nin 217.4-cü maddəsinə əsasən, məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Qeyd olunanlara əsasən və Azərbaycan Respublikasının Mülki Prosessual Məcəddəsinin 216-220 və 360-cı maddələrini rəhbər tutaraq məhkəmə qət etdi Ərizə təmin edilsin. xx.xx.1927-ci il tarixdə anadan olmuş X2 (Бабаева Махфират Нурмамедовна) xx.xx.2018-ci il tarixdə Xaçmaz şəhərində vəfat etməsi faktı müəyyən edilsin. X1 ölümünün qeydə alınması üçün əsasdır. Qətnamədən rəsmi qaydada verildiyi gündən 1 ay müddətində Xaçmaz rayon məhkəməsi vasitəsi ilə Sumqayıt Apellyasiya Məhkəməsinin Mülki Kollegiyasına apellyasiya şikayəti verilə bilər. Hakim Anar Sadıqov