Cəlilabad Rayon Məhkəməsi Qətnamə — İş №2(073)-1820/2025

Azərbaycan Respublikası adından QƏTNAMƏ Cəlilabad rayonu İş № 2(073)-1820/2025 27.05.2025 CƏLİLABAD RAYON MƏHKƏMƏSİ Hakim Vəliyev Osman Akif oğlunun sədrliyi, Məhkəmə iclasının katibi Quliyeva Kəmalə Mehman qızının katibliyi ilə, Ərizəçi Maraqlı şəxs olmaqla “barışıq sazişinin təsdiq edilməsi” tələbinə dair ərizəsi üzrə mülki işə məhkəmə iclas zalında, açıq məhkəmə iclasında baxaraq, məhkəmə MÜƏYYƏN ETDİ: Ərizəçi ərizə ilə məhkəməyə müraciət edərək, maraqlı şəxs Qurbanov Maraqlı şəxs ilə xx.xx.2025-ci ildə mediasiya prosesində bağlanmış MŞL/MT036/2025-00255 saylı barışıq sazişinin təsdiq edilməsini xahiş etmişdir. İşə baxılmanın vaxtı və yeri haqqında lazımi qaydada məlumat verilməsinə baxmayaraq tərəflər məhkəmə iclasına gəlməmişlər və gəlməmələrinin səbəbləri barədə məlumat verməmişdir. Məhkəmə işə tərəflərin iştirakı olmadan baxılmasını mümkün hesab etmişdir. Ərizə onunla əsaslandırmışdır ki, Ərizəçi cavabdeh Qurbanov Maraqlı şəxs ilə rəsmi nikah bağlamadan ailə qurmuşlar. Birgə nikahlarından 03 iyul 2023-cü ildə X2 doğulmuşdur. Həmin uşağa münasibətdə Maraqlı şəxs atalığı müəyyən olunmuşdur. Tərəflər əvvəllər normal yaşasalar da sonradan xasiyyətləri uyğun gəlmədiyindən ayrılmışlar. Uşaqları ərizəçinin yanında qalmışdır. Tərəflər xx.xx.2025-ci ildə 03 iyul 2023cü təvəllüdlü X1 yetkinlik yaşına çatanadək saxlanılması üçün hər ayın 01-dən başlayaraq 60 manat məbləğində alimentin Qurbanov Maraqlı şəxs tərəfindən Ərizəçi ödənilməsi barədə mediasiya prosesində MŞL/MT036/2025-00255 saylı barışıq sazişi imzalamışlar. Lakin maraqlı şəxs sazişi icra etməkdən imtina edir. Buna görə də ərizəçi xx.xx.2025-ci il tarixli MŞL/MT036/2025-00255 saylı barışıq sazişinin təsdiq edilməsi barədə qətnamə çıxarılmasını məhkəmədən xahiş edir. İş materiallarında olan xx.xx.2025-ci il tarixli, MŞL/MT036/2025-00255 nömrəli Barışıq Sazişindən görünür ki, 03 iyul 2023-cü təvəllüdlü X1 yetkinlik yaşına çatanadək saxlanılması üçün hər ayın 01-dən başlayaraq 60 manat sabit pul məbləğində aliment müəyyən edilmişdir, ikinci tərəf Qurbanov Maraqlı şəxs 2025-ci ilin aprel ayının sonunadək və gələn hər növbəti ayın isə 01-dən sonunadək 60 manat alimenti birinci tərəf Ərizəçi nağd, poçt və ya bank köçürməsi yolu ilə ödəməyi öhdəsinə götürmüşdür. Azərbaycan Respublikası Mülki-Prosessual Məcəlləsinin 355-23.1-ci maddəsində qeyd edilmişdir ki, “Mediasiya haqqında” Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə (barışıq sazişinin bu Məcəllənin 191.2-1-ci maddəsinə uyğun olaraq təsdiq edildiyi hal istisna olmaqla) məhkəməyə müraciət edə bilər. Həmin Məcəllənin 355-24-cü maddəsində qeyd edilmişdir ki, mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizədə barışıq sazişinin könüllü icrası üçün “Mediasiya haqqında” Azərbaycan Respublikası Qanununun 34.1-ci maddəsi ilə müəyyən olunmuş müddətin keçməsi və ərizəçinin xahişi göstərilməlidir. Həmin Məcəllənin 355-26-cı maddəsində qeyd edilmişdir ki, Məhkəmə aşağıdakı hallarda barışıq sazişinin və ya onun bir hissəsinin təsdiq edilməsindən imtina edir: barışıq sazişi və ya onun bir hissəsi qanuna zidd olduqda; barışıq sazişi mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunulan mübahisələr üzrə keçirilmiş mediasiya prosesinin nəticəsində bağlanıldıqda. Məhkəmə tədqiq olunmuş sübutlara məcmu halında qiymət verərək və qeyd olunan hüquq normalarının tələblərini rəhbər tutaraq belə qərara gəlir ki, ərizəçinin hazırki ərizəsi əsaslı olduğundan təmin edilməlidir. Məhkəmə, həmçinin qeyd edir ki, ərizəçi tərəfindən təsdiq edilməsi xahiş olunmuş barışıq sazişi qanunvericiliyin tələblərinə riayət edilməklə bağlanmış, həmçinin saziş hər hansı digər şəxslərin hüquqlarına toxunmur. Göstərilənlərə əsasən və Azərbaycan Respublikası MPM-in 216-220, 227, 230, 233 və 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. Maraqlı şəxs 03 iyul 2023-cü təvəllüdlü X1 yetkinlik yaşına çatanadək saxlanılması üçün hər ay 60 (altmış) manat alimentin tutularaq Ərizəçi verilməsinə dair tərəflər arasında bağlanmış xx.xx.2025-ci il tarixli, MŞL/MT036/2025-00255 nömrəli barışıq sazişi təsdiq edilsin. Qətnamədən rəsmi qaydada verildiyi gündən 1 (bir) ay müddətində Cəlilabad Rayon Məhkəməsi vasitəsilə (“Elektron məhkəmə” informasiya sistemində yaradılan elektron kabinet vasitəsilə) Şirvan Apellyasiya Məhkəməsinə apellyasiya şikayəti verilə bilər. Hakim: Osman Vəliyev