Şəmkir Rayon Məhkəməsi Qətnamə — İş №2(076)-495/2025

Azərbaycan Respublikası adından QƏTNAMƏ Şəmkir rayon İş № 2(076)-495/2025 13.02.2025 ŞƏMKİR RAYON MƏHKƏMƏSİ Hakim Heydərova Nazlı Azər qızının sədrliyi Heydarov Cəmil Elxan oğlunun katibliyi Ərizəçi: Ərizəçi iştirakı ilə Ərizəçi şəxsin vəfat etməsi faktının müəyyən edilməsi tələbinə dair ərizəsi üzrə mülki işə açıq məhkəmə iclasında baxaraq məhkəmə, MÜƏYYƏNETDİ: Ərizəçi şəxsin vəfat etməsi faktının müəyyən edilməsi tələbinə dair ərizə ilə Şəmkir Rayon Məhkəməsinə müraciət edərək, 28 mart 1978–ci il tarixdə Şəmkir rayonunda anadan olmuş X1 xx.xx.2024-cü il tarixdə Şəmkir rayonu, Keçili kəndində vəfat etməsi faktının müəyyən edilməsi haqqında qətnamə çıxarılmasını məhkəmədən xahiş etmişdir. Ərizə onunla əsaslandırılmışdır ki, X2 atasıdır. Atası, anası X9 ilə 2003-cü ildə qeyrirəsmi ailə qurmuş, lakin, nikahlarını rəsmiləşdirməmişlər. Onların birgə yaşadıqları müddətdə dörd uşaqları doğulmuşdur ki, onlardan biri də odur. 17 avqust 2024-cü ildə, günorta radələrində atası yaşadıqları evin həyətində olan elektrik naqilini düzəldərkən ehtiyatsızlıqdan onu elektrik cərəyanı vurmuşdur. Ailə üzvləri dərhal atasını Şəmkir rayon Mərkəzi Xəstəxanasına gətirmiş, orada həkimlər atasının elektrik cərəyanı vurmasından öldüyünü bildirmişlər. X1 elektrik cərəyanı vurması nəticəsində ölməsi faktı üzrə Şəmkir rayon prokurorluğunda material toplanmış və cinayət işinin başlanması rədd edilmişdir. Atasını Keçili kənd qəbirstanlığında dəfn etmişlər. Dəfn mərasiminə başları qarışdığına görə onun ölüm haqqında şəhadətnaməsini almamışlar. Hazırda atasından qalmış miras əmlaka görə vərəsəlik haqqında şəhadətnamə almaq istəyir. Lakin, atasının ölüm haqqında şəhadətnaməsi olmadığına görə notariat orqanına müraciət edə bilmir. O, atasının ölümü haqqında qeydiyyat aparılması üçün Maraqlı şəxsnə müraciət etmişdir. Qeydiyyat Şöbəsi, vaxtında müraciət olunmadığına və ölüm haqqında tibbi şəhadətnamə olmadığına görə ölüm qeydi aparmaqdan imtina etmiş və ölüm faktının müəyyən edilməsi üçün məhkəməyə müraciət etməyini tövsiyə etmişdir. Atasının həqiqətən 17 avqust 2024cü ildə Şəmkir rayonunun Keçili kəndində elektrik cərəyanı vurmasından öldüyünü X12, X10 və X9 olmaqla şahidlər də təsdiq edə bilər. Maraqlı şəxsnə məhkəmə iclasının vaxtı və yeri barədə lazımi qaydada məlumat verilməsinə baxmayaraq, nümayəndəsi məhkəmə iclasına gəlməmiş, gəlməməsinin səbəbləri haqda məhkəməyə hər hansı məlumat verməmişdir. Məhkəmə işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Ərizəçi məhkəmə iclası zamanı ərizəsinin dəlillərini müdafiə edərək, bildirdi ki, o, bəzi sənədləşmə işləri aparmaq istəmiş, lakin, ölüm haqqında şəhadətnamə təqdim edə bilmədiyindən buna nail ola bilməmişdir. Bu məqsədlə Maraqlı şəxsnə müraciət etsə də, həmin orqan ölüm qeydinin bərpa edilməsindən imtina etmişdir. Ona görə də məhkəməyə müraciət etmək məcburiyyətində qalmışdır. Ölüm faktını başqa qaydada əldə edə bilmir. Odur ki 28 mart 1978–ci il tarixdə Şəmkir rayonunda anadan olmuş X1 xx.xx.2024-cü il tarixdə Şəmkir rayonu, Keçili kəndində vəfat etməsi faktının müəyyən edilməsi haqqında qətnamə çıxarılmasını məhkəmədən xahiş etmişdir. Məhkəmə iclası zamanı şahid olaraq X12 ifadəsində göstərdi ki, hazırda Şəmkir rayonu, Keçili kəndində yaşayır. Ərizəçi dayısıdır. X2, xx.xx.2024-cü il tarixdə Şəmkir rayonu, Keçili kəndində vəfat etmiş və həmin kənddə dəfn edilmişdir. O özü də yas mərasimində yaxından iştirak etmişdir. Məhkəmə iclası zamanı şahid olaraq X10 ifadəsində göstərdi ki, X2 onun ərinin qardaşıdır. Mərhum xx.xx.2024-cü il tarixdə Şəmkir rayonu, Keçili kəndində elektrik cərəyanı vurması səbəbindən vəfat etmiş və həmin kənddə dəfn edilmişdir. O özü də yas mərasimində yaxından iştirak etmişdir. Məhkəmə iclası zamanı şahid olaraq X10 ifadəsində X2nu tanıdığını göstərərək şahid X10 və X8 ifadələrində qeyd etdikləri xüsusatları bir daha təsdiq etdi. Məhkəmə ərizəçinin və şahidlərin izahatlarını, işdə olan sənədləri və digər iş materiallarını tam və hərtərəfli araşdıraraq hesab edir ki, ərizəçinin tələbi əsaslı olduğundan təmin edilməlidir. Belə ki, iş materiallarında olan AA ******* seriyalı şəxsiyyət vəsiqəsinin surətindən görünür ki, X2 xx.xx.1970-ci il tarixdə anadan olmuşdur. İş materiallarında olan doğum haqqında şəhadətnamənin notarial surətindən görünür ki, Ərizəçi xx xxxxxx 2005-ci il tarixdə anadan olmuşdur, atası X7, anası X6r. İş materiallarında olan Keçili kənd İƏD üzrə nümayəndəliyinin arayışından görünür ki, Məmmədov X3 qeydiyyatdadır və orada yaşayır. İş materiallarında olan Maraqlı şəxs tərəfindən verilmiş xx.xx.2024–cü il tarixli məktubdan görünür ki, X4 ölümünün qeydiyyata alınmasından imtina edilmişdir. İş materiallarında olan xx.xx.2024-cü il tarixli cinayət işinin başlanmasının rədd edilməsi haqqında qərarın surətindən görünür ki, X4 vəfat etməsi ilə bağlı toplanmış materialda cinayət tərkibi müəyyən edilməyərək cinayət işinin başlanması rədd edilmişdir. Azərbaycan Respublikası Mülki Prosessual Məcəlləsinin: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. 76.1 və 76.2-ci maddələrinə əsasən tərəflərin tələb və etirazlarını əsaslandıran halların və işi düzgün həll etmək üçün əhəmiyyətli olan başqa halların mövcud olduğunu və ya olmadığını məhkəmə müəyyən edərkən həmin Məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur.Bu məlumatlar yazılı və maddi sübutlarla, ekspertlərin rəyləri ilə, yerində müayinə keçirməklə, səs və video yazıları ilə, şahidlərin ifadələri ilə, işdə iştirak edən şəxslərin izahatları ilə müəyyən edilir. 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. 307.2.8-ci maddəsində göstərilir ki, müvafiq icra hakimiyyəti orqanlarının imtina etdiyi hallarda şəxsin müəyyən vaxtda, müəyyən şəraitdə vəfat etməsi faktının müəyyən edilməsinə dair işlərə məhkəmədə baxılır. 308-ci maddəsinə əsasən məhkəmə hüquqi əhəmiyyətli olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. 311-ci maddəsinə əsasən məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydə alınma üçün əsasdır. «Hüquqi əhəmiyyəti olan faktların müəyyən edilməsinə dair işlər üzrə məhkəmə təcrübəsinin bəzi məsələləri haqqında» Azərbaycan Respublikası Ali Məhkəməsi Plenumunun 03 №-li 12 aprel 2019-cu il tarixli qərarı ilə müəyyən edilmişdir ki, Azərbaycan Respublikası MPM-nin 307.2.8-ci maddəsində şəxsin müəyyən vaxtda və müəyyən şəraitdə vəfat etməsi faktının müəyyən edilməsi haqqında işlərə baxılarkən məhkəmələr ilk növbədə nəzərə almalıdırlar ki, Azərbaycan Respublikası Nazirlər Kabinetinin 2003-ci il 31 oktyabr tarixli, 145 nömrəli Qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı Qaydası”nın 8.5-ci bəndinə əsasən ölüm faktı tibb müəssisəsinin müvafiq sənədi ilə (ölüm haqqında həkim arayışı, ölüm haqqında feldşer arayışı ilə) təsdiq edilməlidir. Ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. Belə ki, Ərizəçi məhkəmə iclasındakı izahatından, mülki işin materiallarından və şahid ifadəsindən müəyyən olundu ki, ərizəçinin atası (ərizəçinin mərhumun oğlu olması işə əlavə edilmiş doğum haqqında şəhadətnamənin təsdiq olunmuş surəti ilə təsdiq edilir) X7 xx.xx.2024–cü il tarixdə Şəmkir rayonu, Keçili kəndində vəfat etmiş və kəndin qəbiristanlığında dəfn edilmişdir, lakin ərizəçi anasının ölüm haqqında şəhadətnaməsini əldə edə bilməmişdir. Faktın müəyyən olunması ərizəçiyə, sağlığında anasına məxsus olmuş daşınmaz əmlak (mənzil) üzrə vərəsəliyə dair rəsmiləşdirmə işlərinin aparılması üçün lazımdır. Beləliklə, məhkəmə iş üzrə toplanmış sübutlara məcmu halında hüquqi qiymət verərək hesab edir ki, xx.xx.1970-ci il təvəllüdlü X4 Şəmkir rayonu, Keçili kəndində vəfat etməsi faktının müəyyən edilməsi üçün kifayət qədər əsaslar vardır. Həmin faktın müəyyən edilməsinin qanunvericilikdə başqa qaydası nəzərdə tutulmamışdır. Ərizəçi qeyd olunan faktı təsdiq edən lazımi sənədi başqa qaydada ala bilmədiyindən, hazırki ərizə təmin edilməli, xx.xx.1970-ci il təvəllüdlü X4 xx.xx.2024–cü il tarixdə Şəmkir rayonu, Keçili kəndində vəfat etməsi faktı müəyyən edilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 216-220, 227, 233, 307, 307.2, 307.2.3, 311, 360-cı maddələrini rəhbər tutaraq, məhkəmə QƏTETDİ: Ərizə təmin edilsin. xx.xx.1970-ci il tarixdə doğulmuş X4, xx.xx.2024–cü il tarixdə Şəmkir rayonu, Keçili kəndində vəfat etməsi faktı müəyyən edilsin. Hazırkı qətnamə ölüm haqqında şəhadətnamənin verilməsi üçün əsasdır. Qətnamədən rəsmi qaydada verildiyi gündən 1 (bir) ay müddətində Şəmkir Rayon Məhkəməsi vasitəsi ilə (“Elektron Məhkəmə” informasiya sistemində yaradılan elektron kabinet vasitəsilə) Gəncə Apellyasiya Məhkəməsinə apellyasiya şikayəti verilə bilər. Qətnamədən şikayət verilməmişdirsə, tərəflərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim: Nazlı Heydərova