Şəki Apellyasiya Məhkəməsi Qərardad — İş №2(107)-431/2025

Azərbaycan Respublikası adından QƏRARDAD Şəki şəhəri İş № 2(107)-431/2025 18.03.2025 ŞƏKİ APELLYASİYA MƏHKƏMƏSİ Ərizəçi (Maraqlı şəxs kimi göstərilməklə) “ölümün səbəbinin müəyyən edilməsinə dair ərizəsi ilə bağlı mülki iş üzrə (Açar sözlər: apellyasiya qeyri-mümkün, mövcud olmayan şikayət) Hakimlər Məcidov Ələddin Tofiq oğlu (sədrlik edən və məruzəçi), X2 və X3 ibarət tərkibdə, Abdullayev Xəzri Elxan oğlunun katibliyi ilə, Ərizəçi (Maraqlı şəxs kimi göstərilməklə) “ölümün səbəbinin müəyyən edilməsinə dair ərizəsi ilə bağlı mülki iş üzrə Yevlax Rayon Məhkəməsinin 2(039)-481/2025 nömrəli işi üzrə Ərizəçi tərəfindən verilmiş şikayətinin mümkünlüyünü yoxlayaraq MÜƏYYƏN E T D İ: Ərizəçi məhkəməyə müraciət edərək, mərhum oğlu X1 adına tərtib edilmiş xx.xx.2019-cu il tarixli 146 saylı ölüm haqqında akt qeydində ölümün səbəbinin “döyüş əməliyyatlarında güllə yarasından aldığı xəsarətdən” vəfat etməsi səbəbinə düzəlişin edilməsinə dair qətnamə qəbul edilməsini xahiş etmişdir. Yevlax Rayon Məhkəməsinin 07 yanvar 2025-ci il tarixli, 2(039)-481/2025 nömrəli qərardadı ilə Ərizəçi Maraqlı şəxsnə qarşı “ölümün səbəbinin müəyyən edilməsinə dair ərizəsinin icraata qəbul edilməsindən imtina edilmiş, ərizə ona əlavə edilmiş sənədlərlə birlikdə ərizəçiyə geri qaytarılmış və iddiaçı Ərizəçi hazırkı tələbi ilə bağlı aidiyyəti üzrə inzibati məhkəməyə müraciət etmək hüququnun olduğu izah edilmişdir. Yevlax Rayon Məhkəməsinin 07 yanvar 2025-ci il tarixli, 2(039)-481/2025 nömrəli qərardadından Ərizəçi tərəfindən şikayət verilmişdir. Yevlax Rayon Məhkəməsinin 17 yanvar 2025-ci il tarixli, 2(039)-481/2025 nömrəli qərardadı ilə şikayət qanunvericilikdə nəzərdə tutulmuş qaydada, yəni “Elektron məhkəmə” informasiya sistemində yaradılan elektron kabinet vasitəsilə verilmədiyindən geri qaytarılmışdır. Bundan sonra Ərizəçi qeyd edilən nöqsanı aradan qaldıraraq qanunvericiliyin tələblərinə uyğun şəkildə şikayət vermişdir. Həmin iş 31 yanvar 2025-ci il tarixli müşayiət məktubu ilə “apellyasiya şikayəti” adı ilə Şəki Apellyasiya Məhkəməsinə göndərilmişdir. Şəki Apellyasiya Məhkəməsinin xx.xx.2025-ci il tarixli 2(107)-335/2025 saylı qərardadı ilə Yevlax Rayon Məhkəməsinin 07 yanvar 2025-ci il tarixli, 2(039)-481/2025 nömrəli qərardadından Ərizəçi tərəfindən verilmiş şikayət üzrə аpellyаsiyа qeyri-mümkün hesаb edilmişdir. Qərardadda göstərilmişdir ki, Yevlax Rayon Məhkəməsinin 07 yanvar 2025-ci il tarixli, 2(039)-481/2025 nömrəli qərardadından Ərizəçi tərəfindən verilmiş şikayətə Аzərbаycаn Respublikаsı Mülki Prоsessuаl Məcəlləsinin 269-cu maddəsinin tələbinə əsasən birinci instansiya məhkəməsində baxılmadan birbaşa iş materialları ilə birlikdə apellyasiya instansiyası məhkəməsinə göndərilmişdir. İş materialları 17 fevral 2025-ci il tarixli müşayiət məktubu ilə Yevlax Rayon Məhkəməsinə qaytarılmışdır. Yevlax Rayon Məhkəməsinin 26 fevral 2025-ci il tarixli, 2(039)-481/2025 nömrəli qərardadı ilə Yevlax Rayon Məhkəməsinin 17 yanvar 2025-ci il tarixli, 2(039)-481/2025 nömrəli qərardadı qanunvericiliyin tələblərinə və işin faktiki hallarına uyğun hesab edilərək Ərizəçi tərəfindən verilmiş şikayətin təmin olunmaması və şikayətin işlə birlikdə baxılması üçün Şəki Apellyasiya Məhkəməsinə göndərilməsi qərara alınmışdır. Birinci instansiya məhkəməsi tərəfindən Yevlax Rayon Məhkəməsinin 2(039)- 481/2025 saylı iş üzrə qəbul etdiyi xx.xx.2025-ci il tarixli qərardadından verilmiş şikayət baxılması üçün 5 mart 2025-ci il tarixli müşayiət məktubu ilə Şəki Apellyasiya Məhkəməsinə göndərilmişdir. Kollegiya qeyd edir ki, hazırki işdə Yevlax Rayon Məhkəməsinin 2(039)-481/2025 saylı iş üzrə qəbul etdiyi xx.xx.2025-ci il tarixli qərardadından verilmiş şikayət mövcud deyildir. Ərizəçi şikayəti Yevlax Rayon Məhkəməsinin 07 yanvar 2025-ci il tarixli, 2(039)- 481/2025 nömrəli qərardadından şikayətdir. O da qeyd olunmalıdır ki, birinci instansiya məhkəməsi tərəfindən iş birinci dəfə Şəki Apellyasiya Məhkəməsinə göndərilərkən də müşayiət məktubunda Yevlax Rayon Məhkəməsinin 2(039)-481/2025 saylı iş üzrə qəbul etdiyi xx.xx.2025-ci il tarixli qərardadından verilmiş şikayət baxılması üçün göndərildiyi qeyd edilmiş, Şəki Apellyasiya Məhkəməsi Mülki Kollegiyası isə ərizəçinin Yevlax Rayon Məhkəməsinin 07 yanvar 2025ci il tarixli, 2(039)-481/2025 nömrəli qərardadından şikayət verdiyini nəzərə alaraq, məktubda xx.xx.2025-ci il tarixli qərardadının qeyd edilməsini texniki yanlışlıq kimi qəbul etməklə, 07 yanvar 2025-ci il tarixli qərardaddan şikayətin mümkünlüyünü yoxlayaraq qərar qəbul etmişdir. İş Yevlax Rayon Məhkəməsinə qaytarıldıqdan sonra məhkəmə yenidən xx.xx.2025-ci il tarixli qərardadından verilmiş şikayətin təmin edilməməsini və apellyasiya məhkəməsinə göndərilməsini qərara almışdır. Kollegiya qeyd edir ki, hazırki halda məktubla deyil, məhkəmənin rəsmi qərardadı ilə xx.xx.2025-ci il tarixli qərardadından verilmiş şikayət baxılması üçün göndərildiyindən və iş materiallarında belə bir şikayət mövcud olmadığından işin apellyasiya baxışı mümkün deyildir. Göründüyü kimi, birinci instansiya məhkəməsi tərəfindən qərardaddan verilən şikayətlərlə bağlı Azərbaycan Respublikası Mülki Prosessual Məcəlləsi ilə müəyyən edilmiş prosessual qaydalara riayət edilməmişdir. Аzərbаycаn Respublikаsı Mülki Prоsessuаl Məcəlləsinin 267.1-ci maddəsinə əsasən məhkəmə tərəfindən ayrıca akt şəklində qəbul edilmiş qərardaddan bu Məcəllədə göstərilmiş hallarda şikayət verilə bilər. Həmin Məcəllənin 396.1-ci mаddəsinə əsаsən, şikayət birinci instansiya məhkəməsinin qərardadı rəsmi qaydada verildikdən sonra 10 gün müddətində birinci instansiya məhkəməsinə verilə bilər. Həmin Məcəllənin 269-cu maddəsinə əsasən şikayətə qərardadı qəbul etmiş birinci instansiya məhkəməsi tərəfindən 3 gün müddətində yazılı icraat qaydasında baxılır. Şikayət əsaslıdırsa, hakim qərardadı dəyişdirir və ya ləğv edir və mübahisəyə baxılması üçün tərəflərlə birlikdə sonrakı prosessual hərəkətləri yerinə yetirir. Əks təqdirdə bu şikayət baxıldıqdan sonra 7 gün müddətində işlə birlikdə apellyasiya instansiyası məhkəməsinə, bu Məcəllənin 32.5-ci maddəsində nəzərdə tutulmuş qaydada aidiyyət haqqında qərardaddan şikayət verildikdə isə həmin şikayət bu Məcəllənin 403-1.5-ci maddəsinin tələbləri izah edilməklə işdə iştirak edən şəxslərə rəsmi qaydada verilir və iş kasasiya instansiyası məhkəməsinə göndərilir. Ona görə də, hazırki vəziyyətdə Yevlax Rayon Məhkəməsinin 2(039)-481/2025 nömrəli işi üzrə Ərizəçi tərəfindən verilmiş şikayətin apellyasiya baxışı qeyri-mümkün hesab edilməlidir. Аzərbаycаn Respublikаsı Mülki Prоsessuаl Məcəlləsinin 366.2-ci mаddəsində deyilir ki, əgər аpellyаsiyаnın mümkünlüyü üçün əsаslаr yоxdursа, о, qəbul оlunmаmış hesаb edilə bilər. Həmin Məcəllənin 399-cu maddəsinə əsasən birinci instansiya məhkəməsinin qərardadını ləğv edib işi yenidən baxılmağa göndərdikdə apellyasiya instansiyası məhkəməsinin qərardadında müəyyən olunmuş göstərişlər işə baxan birinci instansiya məhkəməsi üçün məcburidir. Həmin Məcəllənin 402.2.1-ci maddəsinə əsasən apellyasiyanın qeyri-mümkün hesab edilməsi haqqında apellyasiya məhkəmələrinin mülki və kommersiya kollegiyalarının və Naxçıvan Muxtar Respublikası Ali Məhkəməsinin mülki və kommersiya kollegiyalarının qərardadlarından kassasiya şikayəti verilə bilər. Göstərilənlərə əsаsən və Аzərbаycаn Respublikаsı Mülki Prоsessuаl Məcəlləsinin 263-264, 366, 400, 402-403 və 405-ci mаddələrinin tələblərini rəhbər tutаrаq, məhkəmə kоllegiyаsı Qərаrааldı: Yevlax Rayon Məhkəməsinin 2(039)-481/2025 nömrəli işi üzrə Ərizəçi tərəfindən verilmiş şikayət üzrə аpellyаsiyа qeyri-mümkün hesаb edilsin. Mülki işin materialları Yevlax Rayon Məhkəməsinin 07 yanvar 2025-ci il tarixli, 2(039)-481/2025 nömrəli qərardadından Ərizəçi tərəfindən verilmiş şikayətlə bağlı məsələnin həll edilməsi üçün Yevlax Rayon Məhkəməsinə qaytarılsın. Qərаrdаd işdə iştirak edən şəxslərə rəsmi qaydada verildiyi gündən 10 gün sonra qаnuni qüvvəyə minir. Qərаrdаddаn, tərəflər, üçüncü şəxslər və maraqlı şəxslər tələbləri təmin olunmadığı hallarda onlara rəsmi qаydаdа verildiyi gündən 10 (on) gün müddətində Azərbaycan Respublikası Şəki Apellyasiya Məhkəməsinin Mülki Kollegiyаsı vasitəsi ilə (Elektron Məhkəmə İnformasiya Sistemində yaradılmış Elektron Kabinetdən istifadə edilməklə) Azərbaycan Respublikası Ali Məhkəməsinin Mülki Kollegiyаsına kassasiya şikayəti verə bilər.